Скопје
Андоновска: Срамота е што Арсовска не дојде на вонредната седница на Советот, која сама ја побара
Марија Андоновска, координатор на советничката група на ВМРО-ДПМНЕ во Советот на Град Скопје, на почетокот на вонредната седница рече дека срамота е што градоначалничката на град Скопје, Данела Арсовска, не дошла на седницата што самата ја побарала и побара да се обезбеди нејзиното и присуството на директорите на јавните претпријатија посочувајќи дека на денешната седница ќе се разговара за ребаланс на буџетот на Градот и ќе се носат важни одлуки и решенија во интерес на скопјани.
„Јас сакам да апелирам до Вас претседателе, во текот на расправата да обезбедите присуство на градоначалничката и на директорите на јавните претпријатија и сите оние што се засегнати со точките на дневен ред бидејќи денеска овој Совет изгласа вонредна седница. На денешната средба имаме ребаланс, програми и одредени важни одлуки што треба да ги донесеме. Јас навистина не можам да најдам оправдување ниту, пак, разбирање зошто се предлага ребаланс, зошто имаме вакви клучни точки, но повторно ги немаме градоначалничката Арсовска и директорите да ни ги објаснат овие точки за да можеме аргументирано да дебатираме на оваа седница да дојдеме до решенија што се од најдобар интерес на граѓаните на Скопје“, рече Андоновска.
Андоновска потенцира дека Арсовска, иако е избрана за да биде поинаква од нејзините претходници во минатото, како и потранспарентна, не се појавува на седниците со месеци, односно, како што рече таа, неразбирливо е таквото однесување бидејќи советниците не може да добијат ниту една информација, а со тоа се блокира и работата на Советот на Град Скопје
Една од работите за кои беше избрана е да биде поинаква од она што се случувало пред неа. А една од работите е да биде потранспарентна. Каде е транспарентноста кога ја немаме ниту денес ниту седници наназад да дојде да дебатираме и да ги соочиме аргументите и да најдеме најдобри решенија за скопјани. Затоа апелирам уште еднаш да најдете начин да биде повикана и да дојде на денешната расправа бидејќи не е разбирливо да не се појави ниту еднаш во овој Совет со месеци и да не можеме ние како Совет да добиеме ниту една информација, вели Андоновска.
Ваквиот начин на работа не само што не е транспарентен, туку претставува и блокирање на работата на Советот, а воедно и неносење одредени одлуки, заклучи Андоновска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Илинден и Кисела Вода
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електро дистрибутивната мрежа, денеска, без електрична енергија ќе останат делови од општините Илинден и Кисела Вода.
Од 08:30 – 09:30 часот, корисниците од улицата бр. 34 во населба Илинден, општина Илинден ќе немаат струја.
Без електрична енергија од 09:00 – 13:00 часот, ќе бидат корисниците од дел од улицата Востаничка во општина Кисела Вода.
Скопје
Променливо облачно време со повремени врнежи од дожд
Променливо облачно со повремени врнежи од дожд, особено во источните делови. Наместа ќе има услови за појава на ретки грмежи. Ќе дува умерен до засилен ветер од југоисточен правец (над 60 km/h). Минималната температура ќе биде во интервал од 7 до 13, а максималната ќе достигне од 15 до 21 степен.
Во Скопје променливо облачно со повремени врнежи од дожд. Ќе дува умерен до засилен ветер од југоисточен правец. Минималната температура ќе се спушти до 12, а максималната ќе достигне до 19 степени.
Во петок ќе настапи преодно стабилизирање на времето со пораст на температурата. Од сабота кон крајот на денот повторно се очекува нестабилно време со локален пороен дожд и грмежи. Наместа процесите ќе бидат поинтензивни во форма на невреме.
Скопје
Делови од општина Карпош денеска без струја
ЕВН Македонија АД известува дека денеска без електрична енергија ќе останат делови од општина Карпош.
· во пеиодот од 09.00 до 15.00 часот дел од корисниците во село Горно Нерези во општина Карпош.
· во периодот од 09.00 до 14.00 часот корисниците од дел од улицата Ринхини и улицата Езерци – населба Влае во општина Карпош.