Скопје
Станковиќ: Несериозно и недомаќински е СДСМ да гласа 2 милиона евра за ЈСП и Арсовска, без каков било отчет
„Ценев дека за ова прашање треба да се произнесам и да ги кажам моето мислење и мојот став бидејќи некако провејува, за жал, во јавноста дека Советот е тој што ја кочи работата на Јавното сообраќајно претпријатие. Јас имам сосема поинаков впечаток за тоа и затоа сметав дека треба денеска и да се произнесам на повторното враќање на барањето да се одобрат субвенции од страна на Советот на Град Скопје во висина од 110 милиони денари за потребите на Јавното сообраќајно претпријатие – Скопје“, истакна советникот на Советот на Град Скопје, Малиша Станковиќ, на денешната седница за советнички прашања.
Станковиќ потсети дека по добивањето на мандатите како советници една од првите точки што биле на дневниот ред се извештаите за состојбата на јавните претпријатија.
„Ако се сеќавате, на почетокот кога го добивме мандатот како советници заедно со градоначалничката, една од првите точки што ни беа на дневниот ред беа токму извештаите на јавните претпријатија. И таму ја видовме и онака познатата лоша состојба во која се наоѓа Јавното сообраќајно претпријатие, односно ЈСП Скопје. Тогаш донесовме заклучок дека треба најбргу што може да се преземат одредени активности и чекори како би се надминала таа лоша состојба што ја видовме преку доставените извештаи“, појасни советникот.
Тој рече дека советниците констатирале оти извештаите голем дел од работите ги скривале. Нешто слично се случува и во сегашните извештаи пратени од јавните претпријатија. Конкретно, за ЈСП Скопје може да се види дека во првото тромесечје има една форма на извештај, а во второто тромесечје друга форма. И недостигаат ставки за да не може до крај да се види точно каде одат и како се трошат предвидените средства.
„Иако ние како Совет баравме воедначување на пристапот при поднесување извештаи. Но, тоа ќе го зборуваме кога ќе дојдат оние годишни извештаи“, укажа советникот.
„По настаната состојба на промена на директорот, градоначалничката, иако не е присутна, тука го фалеше претходниот директор дека бил многу добар, дека тој ќе ја оправи работата, дека бил чесен и сл. Меѓутоа, за кратко време видовме дека освен закана кон колега советник, веднаш имаше штрајк во претпријатието од страна на вработените бидејќи не земаа плати, тој влезе во конфликт со синдикатот, но набргу дојде и реакцијата од градоначалничката, која баш во тој период и го раскина договорот со тогашните приватни превозници. Во таква една состојба ја дочекавме првата година, каде што и тогаш од советниците беше побарано итно да изгласаат дополнителни субвенции за вработените да може да земат плата“, потсети Станковиќ.
Тој рече дека сака да ја потсети градоначалничката, иако не е тука, дека на 12 декември минатата година Советот донесе одлука да се достави извештај за севкупното работење на ЈСП Скопје. И тогаш како Совет даде рок од седум дена да биде доставен тој извештај. Една година подоцна, односно дали советниците добија извештај – не!
„Не добивам извештај, органот што го има направено јавното претпријатие не добива извештај. Ги добиваме проформа извештаите, кои законски одат тримесечни, шестмесечни, деветмесечни и на крајот – годишни. Меѓутоа, тоа е запазување на законската форма. Законска форма е и органот што го формирал претпријатието да побара вонреден извештај за работата на претпријатието“, нагласи тој.
Советникот рече дека 11 месеци веќе поминаа, а не добија одговор што се случува со претпријатието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Пријавувајте проблеми со јавната чистота
Граѓаните може да пријават косење трева, реконструкција и санација на урбана опрема или собирање смет на јавните површини под надлежност на Општина Центар на телефонскиот број 076 350 767. Општина Центар и ЈП „Паркинзи на Општина Центар“ ги потсетуваат граѓаните дека проблемите поврзани со јавната чистота и други комунални проблеми може да ги пријават на општинските служби и хигиеничарите на ПОЦ да ги решат. Градоначалникот на општина Центар, Горан Герасимовски, известува дека досега на телефонската линија во ПОЦ се јавиле 159 граѓани кои побарале одредена услуга и за неа добиле решение.
„Ги повикувам граѓаните да ги пријавуваат проблемите. Хигиеничарите ги извршуваат своите дневни обврски по реони, меѓутоа свесни сме дека многу бргу по чистењето на одредена локација, пак може да се направи мала депонија или слично, затоа упатувам апел граѓаните да ги пријавуваат проблемите на телефонскиот број со цел службите побргу да ги решаваат проблемите со јавната хигиена. Во делот на урбаната опрема, службите на ЈП ПОЦ може да ги побарате и доколку во вашата околина има скршена клупа што треба да се реконструира, искршена лулашка или слично. Верувам дека ова ќе придонесе да имаме побрзи резултати и зголемување на јавната хигиена во општината“, повикува Герасимовски.
Герасимовски исто така праќа апел граѓаните да пријавуваат собирање кабаст отпад во сопствените домови, а не кревети, вц-школки и одредени габаритни работи да исфрлаат сами и тие да стојат на одредена локација со денови. Општината Центар потенцира дека доколку граѓаните бидат начекани дека оставаат кабаст отпад пред контејнерите, ќе бидат санкционирани од страна на комунален инспектор. Во меѓувреме, цистерната на ПОЦ неколкупати во неделата ги мие улиците и контејнерите со цел да ја отстрани непријатна миризба и да ги освежи улиците од насобрана прашина, информираат од Општината.
Скопје
Делови од Скопје денеска без струја
Според добиеното известување од ЕВН Македонија, Регионалниот центар за управување со кризи ги известува граѓаните на Скопје дека поради реконструкција и модeрнизирање на дистрибутивната мрежа денеска делови од Скопје ќе бидат без струја.
· во периодот од 08:30 до 15:30 часот без напојување ќе останат корисниците на дел од населбата на улица Дижонска, улица Ѓорѓи Димовски и дел од Виковарска во општина Чаир.
· во периодот од 09:00 до 15:00 часот без напојување ќе останат корисниците дел од населбата на улица Гаврил Константиновиќ во општина Аеродром.
Скопје
Утре без струја делови од Скопје
Според добиеното известување од ЕВН Македонија, Регионалниот центар за управување со кризи ги известува граѓаните на Скопје дека поради реконструкција и модeрнизирање на дистрибутивната мрежа утре без струја ќе останат делови од Скопје.
· во периодот од 08:30 до 15:30 часот без напојување ќе останат корисниците на дел од населбата на улица Дижонска, улица Ѓорѓи Димовски и дел од Виковарска во општина Чаир.
· во периодот од 09:00 до 15:00 часот без напојување ќе останат корисниците дел од населбата на улица Гаврил Константиновиќ во општина Аеродром.