Скопје
Пуштено во употреба реновираното основно училиште „Имри Елези" во Чаир
Свечено пуштање во употреба на реновираното училиште „Имри Елези” во Чаир, се одржа во вторник.
Училиштето е целосно реновирано во рамките на проектот ГЕФ (Глобален еколошки фонд) на Светска Банка, со мерки за енергетска ефикасност, а во соработка помеѓу Министерството за економија и Општина Чаир.
Министерот за економија, Ваљон Сараќини рече дека со оваа инвестиција, како и инвестициите во другите училишта ширум Македонија се придонесува кон подобрување на условите за учење на учениците, а со тоа се создаваат и подобри услови за работа на наставниците.
„Со инвестиција од 18 милиони денари, кофинансирање од Министерството за економија и Општина Чаир, постигнавме училиштето да добие модерен изглед, а учениците и наставниците по заменувањето на сите прозорци и врати, како и покривот на училиштето, топли простории”, изјави Сараќини.
Градоначалникот на Чаир, Изет Меџити рече дека е среќен што за период од само два месеци, е завршена една толку голема и суштинска интервенција.
„Во рекордно време е сменет целиот покрив, сите прозорци и врати, како и фасадата, и тоа за прв пат по нејзината изградба пред многу децении. Ова им го должевме на учениците и наставниците на оваа училиште, но и на жителите на населбата Дижонска, која денеска е подобро место за живеење, од тоа што беше пред четири или осум години”, изјави Меџити.
Во основното училиште „Имри Елези” Чаир со проектот ГЕФ на Светска Банка, Министерството за економија и општина Чаир инвестираа над 18 милиони денари, а со проектот кој има за цел постигнување на енергетска ефикасност, сменет е покривот на училиштето, заменети се сите прозорци и врати, а направена е и изолација на надворешните ѕидови и нова фасада.
Со овој проект изреновирани се вкупно 40 училишни објекти во Македонија./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.