Скопје
ГТЦ ќе биде 'прегрнат' за да остане каков што е
Асоцијацијата на архитекти во петок организира собирање потписи, јавно говорење на познати уметници, писатели, публицисти, а потоа „обрач од прегратки“ околу Градскиот трговски центар во главниот град Скопје.
Откако беше најавено дека скопскиот Градски трговски центар ќе добие нов лик, започна иницијатива „Го сакам ГТЦ“, која се залага за зачувување на духот и карактерот на овој трговско-деловен објект во центарот на градот.
Според организаторите на настанот, потребни се околу 500 луѓе за да се прегрне ГТЦ.
Мотото на настанот што го организираат архитектите е „Го сакам ГТЦ“. Собирањето потписи ќе трае од 10 наутро до 19 часот вечерта на влезот во трговскиот центар. Околу 18 часот ќе се одржат неколку говори од архитекти, стручњаци и граѓани, а во 19 часот присутните ќе го прегрнат објектот.
Претседателката на ААМ, Даница Павловска, на прес-конференција во четвртокот рече дека собирот за ГТЦ не е партиски и нема политичка заднина.
„Ние побаравме од Министерството за транспорт и врски и од Kомората на архитекти на Македонија да им ги одземат овластувањата на архитектите и лиценците на фирмите-изведувачи и така да го спречат рефасадирањето на центарот. На ГТЦ не му е потребна нова фасада, туку заживување и подобрување на програмските содржини“, рече Павловска.
Според најавите, реконструкција на Градскиот трговски центар подразбира доградба на уште еден кат, а потоа да стане објект од затворен тип и да добие фасада во барок стил.
Барокната фасада долго е идеја на раководството на ГТЦ, а веќе е избрано и проектно решение, чии автори се архитектите Жарко Чаушевски и Филип Богатинов, а предвидено е објектот да има три куполи, антички столбови и тераса со скулптури на последниот кат. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.