Скопје
Првиот волшебен парк во Скопје ќе биде отворен на 25ти декември
Првиот волшебен новогодишен парк, исполнет со разни содржини, ќе биде отворен од 25ти до 30ти декември во паркот „Жена борец“, спроти Собранието.
Волшебниот парк ќе го го сочинуваат Новогодишен маркет, Детска волшебна шума, Распеана елка, а ќе се одржи и Дедомразовска трка.
Активностите во Волшебниот парк ќе почнат на 25ти декември, четврток, во 12 часот со креативна работилница- цртање лампиони.
Програмскиот дел е од 25ти до 30ти декември со почеток од 16:30 до 19:30 часот, а во културно-забавната програма ќе учествуваат: Театарот за деца и младинци, Лабаво- Лабаво, ди-џеј Снежана, ди-џеј Никс, Марлон Брандо, The Sound Messengers, ди-џеј Брут, Чил Плеј, Лаура Крлиу, ди-џеј Аријан.
Распеаната елка е специјално конструирана и украсена за настап на: Хорот на Злата Мегленска, Хорот на Златно Славејче, хорот Поточиња, хорот Про Арт, хорот при МКЦ и хорот Серенада.
Во сабота на 27ми декември за најмалите ќе се одржи и дневна детска програма со почеток од 12 часот.
Новогодишниот маркет ќе биде отворен од 25ти до 30ти декември со работно време од 11 до 22 часот. Како дел од него се поставени 11 дрвени куќички наменети за промоција и продажба на разни производи, храна и пијалоци.
Годинава првпат се организира и Дедомразовската трка, којашто ќе се одржи во недела, 28 декември, со почеток од 12 часот и со нејзиното организирање Скопје ќе се вброи во светските метрополи што организираат Дедомразовски трки. Стартот на трката ќе биде на плоштадот „Филип II“, а целта е паркот „Жена-борец“. Должината на патеката е 1,6 километри.
Сите оние што сакаат да бидат дел од оваа трка може да се пријават он-лајн на www.prvdovrv.mk/dedomrazovskatrka или на инфо-пултот во паркот „Жена –борец“ од 25ти до 28ми декември. Котизација за учество е: 300 денари за поединци, 6.000 денари пакет за компании за четири учесници, 10.000 денари за компании за 10 учесници. Учеството за деца под 12 години е бесплатно, но мораат да дојдат во придружба на родител и со свој костум ( дедомразовска капа задолжително и да бидат облечени во црвено).
Првите 500 пријавени ќе добијат подарок Дедомразовски костум. Победниците на трката, којашто е од спортско-рекреативен и забавен карактер, ќе добијат медали и подароци.
Собраните средства од учесниците се наменети за изградба активна зона во Скопје, во која ќе биде поставена опрема за вежбање, односно ќе изгради фитнес центар на отворено кој ќе можат да го користат сите жители на градот.
Волшебниот парк е во организација на Универзална сала, под покровителство на Град Скопје, а спонзориран од Македонски Телеком и Т- Мобиле.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Без струја делови од општините Петровец, Ѓорче Петвов и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.