Активно функционира електронската адреса за комуникација на Град Скопје со граѓаните [email protected] како дел од програмата за отворен град 24 часа, информираат градските власти.

Од таму нагласуваат дека во првите 24 часа до Градот се испратени 51 барање од граѓани и истите се процесирани од градската администрација.

„Преку новата електронска адреса, граѓаните пријавуваат проблеми и барања, а најголем број од нивните пријави се однесуваат на проблеми поврзани со сообраќајот, инфраструктурата, комуналната хигиена, како и барања за поголема ажурност на секторските одделенија за даноци, урбанизам и целокупната градска администрација. Голем дел од барањата на граѓаните се веќе решени, а преостанатите се во процес на решавање“, се наведува во соопштението.

Градот Скопје на овој начин има намера да овозможи подобри услуги за граѓаните и транспарентност во работата.

Кампања насловена “Моја земја, мој дом” започна денес во Општина Кисела Вода. Градоначалникот Орце Ѓорѓиевски одржа прес конференција на која ги изнесе деталите за оваа акција која има за цел да ги стимулира граѓаните кои ги легализирале своите објекти да го откупат и земјиштето, како и дворното место.

„ Денес започнуваме со една поголема кампања која на дел од жителите на општина Кисела Вода ќе им овозможи целосна сопственост на имотот. Имено, ако тие претходно имаа нелегални градби и го искористија правото на легализација, сега објектот е и правно нивен и со него можат да располагаат како што сакаат. Овие граѓани ги информираме и мотивираме да го откупат земјиштето под легализираниот објект по цена од едно евро за квадратен метар. Притоа, не е важно дали објектот се наоѓа во дел на општината каде има или нема донесен Детален Урбанистички План. Важно е само земјиштето под него да е во државна сопственост. Дополнително, ако се работи за семејно домување, сопствениците на, сега веќе, легалниот објект, можат да го откупат и дворот. За откуп на дворот, потребно е за него да има урбанистичко-планска документација. А цената е повторно-едно евро за еден квадрат, доколку се работи за површина до 500 квадратни метри-нагласи градоначалникот Ѓорѓиевски.

Тој упати повик до сите граѓани кои го завршиле процесот на легализација да ја започнат процедурата за докомплетирање на имотот, наведувајќи дека за тоа ќе имаат целосна логистичка поддршка од службите на Општина Кисела Вода.

„ Оформени се тимови кои ќе работат на оваа проблематика, а секако, првиот чекор е да се посети општинската веб страница. Таму е наведена целосната потребна документација, критериумите и контакт на кој може да се добијат дополнителни информации. Исто така, потребните информации за отпочнување на процесот можат да се добијат и на шалтер, во архивата на Општина Кисела Вода, која од неодамна работи и во втора смена, до 20 часот. “Моја земја, мој дом” е акција која ја почнуваме денес, а ќе трае се додека не му излеземе во пресрет и на последниот граѓанин кој има желба да си го откупи земјиштето и да биде свој на своето- подвлече градоначалникот Ѓорѓиевски, додавајќи дека забрзано се работи и на финализирање на процесот на легализација на дивоградбите и дека само во првиот месец од неговото доаѓање на функцијата градоначалник се изготвени околу 300 решенија за легализација.

Од ЕВН Македонија АД информира дека утре ( четврток ), без електрична енергија ќе останат:

Во периодот од 11:30 до 14:30 часот, корисниците од дел ул.14 и ул.16 во село Сопиште ( општина Сопиште);

Во периодот од 09:00 до 14:30 часот, корисниците на дел од ул. 1613 зградите со бр. 22, 24, 26 и 28 ( опш. Аеродром ),

Во периодот од 10:00 до 12:00 часот, корисниците на дел од с. Држилово, с. Говрлево,: Ловиште Јасен, Сателитски центар Нова Брезница, с. Елово, Црн врв, Осинчани, Патишка река, Каменоломи накај Говрелево, Маркова Сушица, Сопиште, Соње, Чифлик, Ракотинци, Добри Дол, с. Јаболци, и сите стопански и нестопански објекти кои се наоѓаат во наведените реони ( општина Сопиште, Студеничани );

Во периодот од 08:30 до 10:30 часот, корисниците на дел ул. Наум Охридски ( општина Центар );

Во периодот од 09:00 до 13:00 часот, корисниците на дел од ул.1 село Сопиште ( општина Сопиште );

Во периодот од 10:30 до 12:30 часот, корисниците на дел од село Сопиште ул.24 ( општина Сопиште );

Во периодот од 08:00 до 15:30 часот, корисниците на дел од населба Бутел , Ул. Бутелска, крак 3, 5 и 7 ( општина Бутел );

Во периодот од 09:00 до 12:00 часот, корисниците на дел од с. Зелениково (во близина на Млекара Зелениково), ( општина Зелениково );

Во петок без електрична енергија ќе останат:

Во периодот од 09:00 до 14:00 часот, корисниците на дел ул. Владимир Полежиновски, дел од ул. Ф. Рузвелт и дел од ул. Дрезденска( општина Центар );

Во периодот од 11:00 до 15:00 часот, корисниците на дел од нас. Орешани на излезот кон Зелениково ( општина Зелениково );

Во периодот од 11:00 до 12:30 часот, корисниците на дел од ул. Ѓорѓи Димитров, ул. 14 Декември

бр.1 и 3, ул. Франк Харткорт Манинг и ОУ „Круме Кепески“ ( општина Кисела Вода );