Или дваесет лица се заболени од корона на Клиниката за нефрологија, во рамки на кампусот клиники Мајка Тереза, се наведува во соопштение од ВМРО-ДПМНЕ во кое се додава дека прашање е дали воопшто ќе може да функционира таа Клиника во наредниот период.

„Зарем не ги јаде совеста Филипче и Заев? Очигледно не, гајле им е. Тие двајца дозволија покољ и ги оставија на цедило медицисните лица кои се на првата борбена линија“, стои во партиското соопштение во кое се нагласува дека надлежните најпрво не обезбедиле заштитна опрема за медицинските лица, а сега нема ниту вакцини за никого.

„По речиси две децении, со усвојувањето на Законот за попис и потпишувањето на Указот од страна на претседателот на државата, се исполнети сите нормативни услови за одржување на пописот, како најобемна статистичка операција, според сите меѓународни стандарди.Со пописот што ќе се одржи оваа пролет ќе се соберат релевантни податоци за креирање идни политики и стратегии за развој на државата“, соопшти СДСМ.

Според партијата, обидите на ВМРО-ДПМНЕ за политизирање и опструкција на пописот и се неодговорни и нема да поминат, бидејќи одржувањето на пописот е во интерес на граѓаните и на развојот и напредокот на државата.

„Собирањето потписи против Законот за попис од страна на ВМРО-ДПМНЕ им служи единствено за партиска агенда и треба да бидат чесни и на граѓаните да им објаснат дека само со потписи не се поништува Законот.Исто така, обидите да се калкулира со проценти за етничка припадност се непотребни, пописот е статистичка операција, што ќе ја регистрира реалноста таква каква што е, а резултатите нема да значат суспендирање нечии права.

Но, ВМРО ДПМНЕ се научени да бојкотираат, да бидат на спротивната страна на интересите на граѓаните и на државата. Наместо да се стремат за подобар живот на сите граѓани, прават раздор меѓу народот, ги повикуваат граѓаните да ги кршат законите.Граѓаните ги препознаваат деструктивните политики на ВМРО-ДПМНЕ диригирани директно од Будимпешта и токму затоа шест пати по ред ги поразија на избори. СДСМ како одговорна партија интересот на граѓаните и на државата е на прво место и нема да отстапи пред оние кои во неуспехот на државата, гледаат шанса за себе“, се вели во соопштението.

„Пописот што власта на Заев насилно сака да го истера е обична политичка операција, а не статистика. Самиот факт што за релевантноста на резултатите потребен е врзан потпис на директорот и заменик-директорот на ДЗС доволно покажува дека се работи за политички пазар на партиите од власта, што не гарантира реални податоци, туку фалсификат. Зоран Заев покажал дека кога се работи за неговата политичка кариера е подготвен на секаков политички пазар, па и овој попис е нова епизода од неговите пазарења“, соопшти ВМРО-ДПМНЕ.

Според партијата, Законот за попис и пописот се споротивни на сите европски стандарди и затоа сè уште нема методологија на само два месеца пред пописот.

„На пописот по стандарди на Заев се предвидува да се попишуваат лица нерезиденти кои се иселени од Македонија, спротивно на сите стандарди за попис на постојни жители. Патем попишувањето може да се врши со обично диктирање на матични броеви, без приложувања на документи и дополнително таквите информации да ги дава лице кое добро ги познава другите лица за кои ќе соопштува податоци. Ваков попис никаде не е виден, целосно спротивен на стандардите на Еуростат.

Дополнително, власта насилно наметнува голема теренска операција во сред пандемија, кога сите сериозни земји во регионот и Европа ги одложуваат своите пописи за да не го загрозат здравјето и животите на своите граѓани.
Ова може само да гарантира дека власта веќе ги има резултатите од пописот и само треба да ги објави, за што говорат и отворените лицитации со резултати, бројки и проценти. За каков релевантен и легитимен попис тогаш може да се говори, кога истиот се спроведува по принципот „како Заев замислува попис“, се вели во соопштението.