Контакт

Меѓународен

(Видео) Мадрид се подготвува за финалето од Лигата на шампионите

Објавено пред

Мадрид станува главен град на фудбалот, а сите погледи се свртени кон Шпанија. Во пресрет на финалето од Лигата на шампионите, центарот на Мадрид се подготвува да ги пречека туристите. На главниот плоштад Плаза мајор се оградува просторот, каде што ќе има фан-зона. Безбедноста е на највисоко ниво.

Фановите пристигнуваат од целиот свет, но најмногу туристи се очекува да дојдат од Англија. Најголемиот метеж ќе биде в петок, ден пред големото финале, каде силите ќе ги одмерат тимовите на Ливерпул и Тотенхем. Фаворит на натпреварот е Ливерпул.

Во исто време се реализираат активностите од овогодишната сезона на проектот „Фудбал за пријателство”. Македонската делегација пристигна во Мадрид, а денес и официјално беше отворен кампот на фудбалот и пријателството.

Финалето ќе се одржи на стадионот „Метраполитано”, кој беше отворен во 2017 година, а има капацитет од 68.000 илјади седишта. Картите за финалето се целосно распродадени. Според некои информации од островот, англиските навивачи се подготвени на црно да платат и повеќе од пет илјади фунти за билет.

Мадрид има искуство со организација на финале од Лигата на шампионите бидејќи е втор град кој е домаќин на настанот по петти пат.

Од Мадрид за Макфакс, Кристијан Ландов



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Меѓународен

Братот на НБА-ѕвездата Јокиќ уапсен во Денвер

Објавено пред

Братот на кошаркарската ѕвезда Никола Јокиќ, Страхиња (37), бил уапсен во Денвер под сомнение дека нападнал една жена.

Како што објави „Денвер пост“, Страхиња бил пијан кога во апартман нападнал една жена, која се обидела да избега, но тој не ѝ го дозволил тоа. Таа потоа излегла на балконот барајќи помош, но братот на кошаркарот ја нападнал и почнал да ја дави.

Таа не успеала да се јави во полиција бидејќи Јокиќ ѝ го одзел телефонот.

Таа сепак преку компјутер успеала да алармира еден свој пријател, кој ја известил полицијата.

Портпаролката Керолајн Тајлер изјавила дека обвинителството ги прифатило обвинувањата за напад од втор степен.

Инаку, кошаркарот на Денвер Нагетс, Никола Јокиќ, има двајца постари браќа, кои живеат со него во САД. Никола многупати го истакнувал нивното влијание во неговата професионална кариера. Браќата на Јокиќ не пропуштаа ниту еден негов натпревар во НБА.

Прикажи повеќе...

Меѓународен

Побрз од Формула 1 – Фолксваген ID.R со нов рекорд на Гудвуд

Објавено пред

Првиот електричен тркачки автомобил кој e побрз од Формула 1, Фолксваген ID.R повторно ја промени историјата на мотоспортот со поставување нов рекорд на овогодишниот Гудвуд фестивал на брзината.

Роман Думас ја заврши патеката од 1,86 километри на југот од Англија за само 39,90 секунди.

Притоа, електричниот тркачки автомобил со моќност од 500 kW (680 PS) го собори минатиот рекорд, кој траеше 20 години, за 1,7 секунди. Тој исто така ја освои победата во неделата.
Претходниот рекорд на познатото искачување беше поставен во 1999 година од Ник Хајдфелд и неговиот Ф1 McLaren-Mercedes MP4/13 со 574 kW (780 КС) со мотор со внатрешно согорување.

„Во поставувањето на новиот рекорд на Гудвуд фестивал на брзината, ID.R уште еднаш покажа дека електричниот погон на Фолксваген може да ги надмине дури и најмоќните конвенционални погонски мотори“, рече директорот на „Фолксваген моторспорт“, Свен Шмет.

„Ромен Дума го искористи целиот потенцијал на ID.R на оваа кратка, на незгодна патека. По победата на Pikes Peak и рекордот на Nürburgring-Nordschleife, тој сега постигна уште една пресвртница за електромобилноста. Тоа беше моќна изведба од целиот наш тим, кој имаше само многу кратко време, за да добиете лесна варијанта на ID.R и да настапи на Фестивалот на брзината“.

„Многу сум горд што го поставив рекордот во Гудвуд со ID.R. Краткото искачување е многу посебен предизвик. Бидејќи патеката е толку кратка, не можев да си дозволам да направам дури ни најмала грешка и секој аспект на фино подесување на ID.R мораше да биде совршен. Тоа беше особен предизвик, бидејќи не можевме да го тестираме на пат претходно“, рече Ромен Дума, кој претходно ја освои севкупната победа со електричниот рекорд на истото место во 2018 година.

„Фолксваген моторспорт“ систематски го модифицира ID.R за нејзиното натпреварување на Гудвуд фестивалот на брзината. Меѓу другото, најновата еволуција на електричниот тркачки автомобил беше полесна отколку кога ги постави рекордите за Pikes Peak и во Nürburgring.

„Ние користевме помала батерија отколку во Nürburgring и ја оптимизиравме моќноста. Како таква, новата спринт верзија на ID.R тежи помалку од 1.000 килограми“, изјави Франсоа-Ксавиер Демасон, технички директор на „Фолксваген моторспорт“.

ID.R, исто така, го заврши своето рекордно возење без системот за намалување на воздушен отпор (DRS) кој беше дизајниран за брзите делови на Nürburgring, бидејќи карактеристиката на патеката во Гудвуд го направи ова да биде непотребно.

(ПР текст)

Прикажи повеќе...

Меѓународен

Светскиот број еден, Новак Ѓоковиќ, ексклузивно од Вимблдон за „Макфакс“

Објавено пред

Утре (1 јули) во Лондон започнува 133. издание на најстариот тенискиот турнир Вимблдон, кој важи и за неофицијално светско првенство. Во наредните две седмици, најдобрите светски тенисери и тенисерки ќе се обидат да триумфираат во некоја од петте категории: машка, женска, игра во двојки и микс двојки.

Главен фаворит за освојување на третиот овогодишен Гренд Слем турнир е минатогодишниот победник, Србинот Новак Ѓоковиќ, а после него најмногу шанси му се даваат на Швајцарецот Роџер Федерер.

Известувачот на „Макфакс“ имаше можност да добие кратка изјава од Ѓоковиќ.

Запрашан дали чувствувал поголем ментален притисок минатата година, кога на турнирот дошол како 15-рангиран или оваа година кога е главен фаворит, бранителот на титулата Новак Ѓоковиќ одговори:

„Минатата година чувствував посилен притисок, иако тогаш бев надвор од 15-те најдобро рангирани играчи на светот, што лично за мене беше помал притисок, меѓутоа луѓето околу мене имаа очекувања да стигнам далеку на турнирот. Секако дека притисокот и очекувањата секогаш се присутни, меѓутоа годинава постои мала разлика во однос на минатата година бидејќи лани ми требаше да освојам еден таков голем трофеј, за да направам голем отскок како би ја повратил самодовербата“.

За сѐ поизразената јавна нетрпеливост на Австралиецот Ник Кириос кон светскиот број еден, го прашавме популарниот Ноле доколку би му се обратил Ник Кириос за совет, што би му рекол?

„Зависи што би ме прашал, но секако дека би му одговорил на прашањето. Меѓутоа, како сега стојат работите не очекувам дека би ми се обратил за совет. Но, ќе видиме – никогаш не се знае“, одговори Ѓоковиќ.

Ненад Живановски

Прикажи повеќе...

Најново

Македонија12 минути

(Видео) Заев до европските лидери: Бидете наши херои, не ја гасете ѕвездата кон која се стремиме

Премиерот Зоран Заев, попладнево е во Брисел, каде заедно со еврокомесарот Јоханес Хан, одржа прес-конференција во обид да издејствува европските...

Европа2 часа

Карл Билд: Ветото на Франција би значело колапс за кредибилитетот на ЕУ на Балканот

Шведскиот политичар Карл Билд на „Твитер“ порача дека ЕУ се соочува со можноста за пропаѓање на целиот нејзин кредибилитет на...

Македонија3 часа

АВМУ: Досега не е побарана промена на сопственоста на „1ТВ“

„1ТВ“ досега нема побарано да се изврши промена на сопственоста, соопшти Агенцијата за аудио и аудиовизуелните медиумски услуги. Од таму појаснуваат...

Македонија4 часа

Велика Британија го ратификува протоколот за членство на Северна Македонија во НАТО

Велика Британија денеска го ратификува протоколот за полноправно членство на Северна Македонија во НАТО. Британскиот министер за надворешни работи, Доминик...

Македонија5 часа

Заев: Ако нема одлука за датум, Владата може да падне

Понатамошно одлагање за добивање датум за преговори со Европската Унија би можело да доведе до пад на Владата, рекол премирот...

Македонија5 часа

Прогласени пет нови природни реткости – меѓу нив и Чинарот во Охрид

Министерот за животна средина и просторно планирање донесе решение за прогласување 5 нови природни реткости: Киселичката пештера, Чинарот во Охрид,...

Свет6 часа

(Видео) Кара: Додека не го исчистиме регионот од терористи, акцијата во Сирија нема да престане

Операцијата „Извор на мирот“ на Турција во Сирија ќе продолжи сè до расчистување на регионот од терористи. Досега се убиени...

Регион7 часа

Малолетник украл автобус и ги развезувал патниците низ Белград

Младо момче, според неофицијални информации малолетник, за време на такси-блокадата во Белград, украл автобус на линијата 59, кој го држи...

Македонија7 часа

Јанакиески: Не можам да бидам вработен, една година сум во притвор

На повторниот нов почеток на судењето за предметот „Насилство во Општина Центар“, судијата Душан Јосифов им го утврдуваше идентитетот на...

Свет9 часа

Ким Џонг-ун јавајќи бел коњ се искачи на корејската света планина

Водачот на Северна Кореја, Ким Џонг-ун, вети дека ќе ги совлада меѓународните санкции за кои рече дека донеле многу тешкотии...

Свет9 часа

Ердоган го одби повикот на САД за примирје

Турскиот претседател, Реџеп Таип Ердоган, го одби повикот на САД за итен прекин на огнот во северна Сирија. Ова следува...

Свет9 часа

Семејство во Холандија живеело 9 години во подрум чекајќи го крајот на светот

Во подрумот на куќа во Руинерволд, Холандија, е пронајдено семејство што таму живеело изминативе девет години чекајќи го крајот на...

Регион10 часа

Полицијата во Словенија во воз пронајде 13 килограми хероин вреден над милион евра

Словенечката полиција откри повеќе од 13 килограми хероин во меѓународен патнички воз што патувал од Турција за Австрија, што е...

Европа10 часа

САД ги повикаа каталонските демонстранти на умереност

Соединетите американски држави ги повикаа каталонските демонстранти на умереност во реакцијата на судската пресуда за политичарите што организираа референдум за...

Македонија21 час

Спасовски најави намалување на казните за сообраќајни прекршоци

Потпретседателот на СДСМ и министер за внатрешни работи, Оливер Спасовски, на граѓанската трибина во Кичево најави дека наскоро ќе следува...

Свет22 часа

(Видео) Судири на протестот на пожарникарите во Париз, полицијата употреби солзавец и водени топови

Француската полиција употреби солзавец и водени топови во судирите со пожарникарите кои протестираат во Париз. #Policiers contre #pompiers, quand les...

Македонија24 часа

Министрите на ЕУ не донесоа одлука за почеток на преговори со Северна Македонија

Министрите за надворешни работи на земјите членки на Европската Унија не донесоа одлука за определување датум за почеток на преговори...

Европа1 ден

(Видео) Најмалку 170 повредени во судирите во Барселона

Најмалку 170 лица се повредени, меѓу кои и 40 полицајци, во судирите меѓу демонстрантите и полицијата кај Меѓународниот аеродром во...

Регион1 ден

Косово го повлече барањето за прием во Интерпол

Премиерот во оставка на Косово, Рамуш Харадинај, денеска испрати писмо до Собранието на Интерпол во кое се вели дека Приштина...

Спорт1 ден

Михајлов ја презеде одговорноста, си поднесе оставка

Претседателот на Фудбалскиот сојуз на Бугарија Борислав Михајлов ја напуштил функцијата по расистичките испади на навивачите на синоќешниот квалификациски натпревар...

Досие