Спорт
Уште „Ел класико“, па Меси може да мисли на Мундијалот
Лионел Меси има само уште една голема обврска на календарот пред да почне да размислува како со Аргентина да ги надмине очекувањата и да се стигне до титулата на Светското првенство во Русија. Секако, „Ел класико“ со Реал Мадрид на „Ноу Камп“.
По чудни…
Лионел Меси има само уште една голема обврска на календарот пред да почне да размислува како со Аргентина да ги надмине очекувањата и да се стигне до титулата на Светското првенство во Русија. Секако, „Ел класико“ со Реал Мадрид на „Ноу Камп“.
По чудниот крај на сезоната во која Барселона ја освои двојната титула во Шпанија, но и испадна во четврт-финалето на Лигата на шампионите од Рома во тоа што се сметаше веќе добиен двомеч, Меси најави дека сака совршено да ја прослави титулата.
„Едвај чекаме со нашите фанови да ја прославиме титулата“, напиша Меси на Инстаграм.
„Ел класико“ вечерва ќе биде 52. меч оваа сезона за Аргентинецот, шест повеќе од 2014 и речиси исто како 2010 кога имаше 53 меча.
Аргентина не се смета за фаворит на Мундијалот во Русија ова лето, меѓутоа Меси би сакал својата фантастична кариера да ја круниса со светска титула, која му избега пред четири години во Бразил, кога Германија ја победи Аргентина.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Зерби останува во Брајтон
Италијанскиот тренер Роберто Де Зерби нема намера да го напушти Брајтон по завршувањето на сезоната.
Медиумите на Островот пренесуваат дека италијанскиот стручњак ја одбил понудата на Баерн да го наследи Томас Тухел.
Покрај тоа, неговото име во последните недели се поврзуваше со Челзи, Милан, Ливерпул и Манчестер Јунајтед, но се чини дека тој ќе остане на југот на Англија.
Тој најави дека ќе следат разговори со првиот човек на клубот Тони Блум.
„Ќе разговараме со Тони Блум. Мислам дека би сакал да останам во Брајтон, бидејќи ги сакам овие играчи. Овој град, клубот, навивачите. Реков на средбата со навивачите, ако сум среќен, не постои клуб што ќе ме натера да го емнам тимот“, вели Де Зерби.
Неговиот тим моментално е на 12. место во Премиер лигата
Спорт
Вулвс го откупија Дојл од Манчестер Сити
Англискиот играч од средниот ред Томи Дојл, кој оваа сезона е позајмен во Вулверхемптон од Манчестер Сити, ќе остане во редовите на Волвс, откако клуботреши да го откупи неговиот договор.
Дојл сезонава забележа 30 настапи во сите натпреварувања. Со Вулверхемптон потпиша четиригодишен договор. Манчестер Сити од трансферот заработи 4,3 милиони фунти.
Шампионот на Англија ќе заработи 50 отсто од следниот трансфер на 22-годишниот фудбалер, а за веќе договорената цена ќе има можност во иднина да го врати Дојл во своите редови.
Англичанецот игра на позицијата централен играч за врска.
Минатата година го освои Европското првенство за играчи до 21 година.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024