Спорт
Франција на колена
Репрезентацијата на Франција се наоѓа на чекор пред елиминација од Светското првенство, откако синоќа сосема заслужено беше поразена од Мексико со 0:2.
Репрезентацијата на Франција се наоѓа на чекор пред елиминација од Светското првенство, откако синоќа сосема заслужено беше поразена од Мексико со 0:2.
Мексиканците до својата историска победа стигнаа преку головите на Хернандез во 64 минута и преку Бланко во 79 минута од пенал.
Доколку во Мексико и Уругвај во третото коло одиграат без победник, тогаш и двете селекции ќе минат во следниот круг, а Франција и Јужна Африка ќе биде елиминирани, независно од резултатот на нивниот меѓусебен дуел.
Избраниците на Рајмон Доменек уште еднаш ја разочараа пошироката спортска јавност и може да им се случи истата судбина од пред осум години, кога без постигнат погодок беа елиминирани од групата.
Единствена надеж на Французите, кои во двата меча на Мундијалот не само што не постигнаа гол, туку и не создадоа шанса, е податокот што Мексико ќе мора да брка победа против Уругвај, доколку сака да ја избегне силната Аргентина.
„Останав без зборови. Навистина сум разочаран и тажен. Се обидувавме, но не одеше. Ни остана уште еден натпревар, во кој имаме мали шанси и мораме да се надеваме на чудо“, изјави Доменек.
Бекот на француската репрезентација Патрис Евра истакна дека има чувство како „Франција да е мала фудбалска нации, што навистина е болно“.
Флорент Малуда изјави дека без оглед на минималните шанси во последното коло, неговата репрезентација ќе мора да се бори за чест.
Наспроти нив, капитенот на мексиканската репрезентација Рафаел Маркез ликува од среќа.
„Одлично се подготвивме за натпреварот и одигравме како голема екипа. Настаните се развиваа според нашиот план и сега сме пред вратата на следната рунда. Мораме натпреварувањето во групата мирно да го приведеме до крај“, изјави Маркез. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.