Антонио Касано, контроверзното момче на италијанскиот фудбал, открил зошто не успеал да направи кариера во најпознатиот светски клуб, Реал Мадрид.

Касано, како голем талент од Бари се пресели во Рома, со „волчицата“ ја освои Серија А, а во 2006 година направи трансфер во Реал. На „Сантијаго Бернабеу“ не успеа да се докаже, на 29 натпревари постигна само четири гола.

Касано, во Реал, имаше проблеми со тежината. Во Мадрид пристигнал со 12 килограми повеќе, успеал да дојде до посакуваната телесна маса, а „благодарение“ на клупскиот спонзор „Нутела“, во еден момент имал 14 килограми повеќе.

„Во Реал Мадрид, некако успеав да ја намалам тежината, скинав 12 килограми, но кога во клубот дојде Фабио Капело, повторно се здебелив. Клупски спонзор беше „Нутела“. Добивавме по 5 килограми месечно од нивните производи“, рекол Касано за Бобо ТВ и дополнил.

„Кога дојде Капело постигнав два гола во два натпревари, се чувствував како крал на светот. Потоа ме извади од игра против Лион, се искарав со него во Херез и тој ме исфрли од тимот. За седум месеци додадов 14 килограми. Јадев Нутела од тегла, ми беше гајле за се“.

Касано по заминувањето од Реал играше во Сампдорија, Интер и Милан.

Дерби на Италија ќе се води за потисот на младата ѕвезда на Борусија Дортмунд, Џовани Рејна. „Билд“, тврди дека сериозен интерс за 18-годишниот фудбалер покажале Интер и Јувентус.

„Билд“ пишува дека доколку сакаат да го донесат Рејна во своите редови, италијанските клубови ќе мора да платата 40 милиони евра.

Рејна е роден во Англија, а игра за репрезентацијата на САД. Оваа сезона за Борусија, одиграл 26 натпревари, постигнал четири гола и забележал пет асистенции.

Џовани е син на поранешниот репрезентативец на САД, Клаудио Рејна, кој во кариерата играл за Баер Леверкузен, Волфсбург, Глазгов Ренџерс, Сандерленд, Манчестер сити и Њујорк Ред Бул.

Столбот на одбраната на Милан, Симон Кјер, нема да може да им помогне на соиграчите најмалку две недели. Данецот, го повреди мускулот, на почетокот на дербито со Интер, одигран во вторникот, во Купот на Италија. Интер го победи Милан со 2: и се избори за полу-финален меч со Јувентус.

Покрај Кјер, повреда на мечот со Интер, заработи и младиот Шпанец Брахим Дијаз.

Милан, во сабота ќе игра против Болоња. Овој меч покрај Кјер и Дијаз, ќе го пропушти и Хакан Чалханоглу, кој полека се враќа во тимот, откако беше во изолација поради коронавирусот.

Добра вест за Стефано Пиоли е враќањето на Исмаел Бенасер. Алжирецот месец и пол отсуствуваше поради повреда.