Актуелниот шампион од Евролигата, Реал Мадрид е на една победа од фајнал фор турнирот, откако Факундо Кампацо ги предводеше до 78:63 победа над Панатинаикос во вториот меч во Мадрид.

Аргентинецот имаше 13 поени, 9 асистенции, 7 скока и 5 украдени топки, а мечот беше одлучен во третата четвртина (26:15), поради фантастичниот Кампацо. Сега, Реал ќе има шанса да ја запечати победата во вторник во Атина, откако ниту еден клуб не се вратил од 0:2 негатива во четврт-финалето на Евролигата.

Додека Реал немаше мака, нивните шпански ривали Барселона стигнаа до трилер 74:72 победа на гостувањето во Турција кај Анадолу Ефес за да ја израмнат серијата на 1:1. Мечот се одлучуваше во последните секунди, кога Адам Ханга го погоди победничкиот поен на 2 секунди пред крајот.

Ханга беше клучниот кошаркар во тимот на Светислав Пешиќ, постигнувајќи 17 поени и 4 скока. Шејн Ларкин беше најдобар за Ефес со 14 поени. Серијата сега се сели во Барселона за следните два натпревари.

ЕВРОЛИГА, ПЛЕЈОФ

(1:1) Анадолу Ефес – Барселона 72:74 (16:19, 18:19, 25:24, 13:12)

(2:0) Реал Мадрид – Панатинаикос 78:63 (21:8, 14:18, 26:15, 17:22)

Голманот на Кристал палас, Вејн Хенеси избегна казна за покажување на нацистички поздрав, откако тврдеше дека воопшто ништо не знае за Адолф Хитер и за нацистите, и сега неговиот тренер Рој Хоџсон вели дека тој е „очаен“ да биде едуциран за овие теми.

Велшкиот голман беше обвинет од Фудбалската асоцијација (ФА) откако во јануари се појави фотографија со крената десна рака и лева рака на устата, која беше објавена од неговиот колега од Палас, Макс Маер, кој иронично е Германец. Хенеси демантираше дека правел нацистички поздрав и на сослушувањето во ФА, беше утврдено токму тоа – тој имал „значително непознавање на Хитлер, фашизмот и нацизмот“. Хоџсон вели дека клубот ќе го едуцира.

„Не знам колку треба да бидеме разочарани од неукоста на Хенеси. Мојата генерација, тие кои се постари, знаат многу повеќе. Не знам што учат младите. Вејн е искрен и добар човек, а тоа што му недостасува едукација е нешто што клубот мора да работи да го порави. Тој сега е навистина очаен да научи повеќе“, вели Хоџсон.

Динамо Загреб со 1:0 победи на гостувањето кај Славен Белупо во 29. коло на хрватската прва лига, и тоа 20. пат на шест кола пред крајот на лигата, но без своите верни „бед блу бојс“, кои не патуваа во Копривница поради тоа што е Велипеток пред Велигден.

Амер Гојак постигна гол во 48. минута, што беше доволно „модрите“ и математички да избегаат пред второпласираната Риека. Ненад Бјелица шампионскиот меч го почна без многу стандардни првотимци вклучувајќи го и капитенот, македонскиот репрезентативец Аријан Адеми.

Ова е вкупно 30. титула за Динамо во историјата ако се сметаат десетте титули од поранешна Југославија по што клубот ќе добие и трета ѕвездичка на својот грб. Сезоната е повеќе од успешна за „модрите“ кога тие стигнаа до осмина-финалето на Лига Европа (каде што загубија од Бенфика) и им останува борбата за Купот на Хрватска, каде што играат со Осиек во полуфиналето.