Најдобриот стрелец на сите времиња во Холандија, Мемфис Депај, го пропушти почетокот на собирот на националниот тим откако пријави дека му е украден пасошот во Бразил, каде што игра за Коринтијанс.

Депај требаше да пристигне во Холандија во недела навечер, но не можеше да го напушти Бразил без патна исправа.

Холандската репрезентација, предводена од Роналд Куман, ќе игра квалификациски натпревари за Светското првенство против Малта на гости во четврток и Финска дома во недела.

Холандската фудбалска асоцијација (KNVB) објави дека Депај „прави сè што може“ за да пристигне и да се приклучи на тимот што е можно поскоро.

Минатиот месец, Депај стана најдобар стрелец во историјата на холандската репрезентација, претекнувајќи го Робин ван Перси, откако постигна два гола против Литванија. За Холандија постигнал 52 гола на 104 натпревари.

Холандија моментално е прва во квалификациската група Г благодарение на подобрата гол-разлика во споредба со Полска и со натпревар помалку.

Фудбалските тренери, таткото и синот Јанис и Јоргос Петракис, во ист ден добија откази.

Јоргос Петракис беше тренер на грчкиот АЕЛ, а неговиот татко Јанис, го водеше Панетоликос.

Самиот факт дека во една лига татко и син работат како тренери на различни клубови е навистина импресивен, но бизарно е што двајцата беа отпуштени на ист ден.

Јанис Петракис го водеше Панетоликос од 2023 година, а доби отказ по катастрофалниот пораз од Левадијакос со 6:0. Неговиот син Јоргос беше на клупата на АЕЛ Лариса, клуб кој оваа сезона избори промоција во грчката Супер лига.

Неделата беше фатална и за него, бидејќи беше отпуштен по поразот од 5:2 против Волос.

Двата клуба моментално се наоѓаат на самото дно на табелата, на 12-та и 13-та позиција со само четири освоени бода, со два бода последен е Астерс.

Кошаркарите на Црвена звезда загубија од Задар со 79:85 во првиот натпревар во АБА лигата, во групата Б.

Екипата на Јанис Сферопулос сè уште не знае за победа оваа сезона, бидејќи ова е трет пораз, по два неуспеси во Евролигата.

Од друга страна, Задар направи големо изненадување, слично како пред три години кога победи во Пионир.

Актуелните шампиони на Хрватска водеа речиси во текот на целиот натпревар и ја остварија четвртата последователна победа над Црвена звезда во Белград.

Кај Звезда, Сами Оџелеи постигна 15 поени со 10 скока, додека Ебука Изунду додаде 15 поени и седум скока.

Џордан Нвора постигна 14 поени, Тајсон Картер 12, а Стефан Миљеновиќ 11 поени.

Задар до победата го предводеа Владимир Михаиловиќ со 21 поен, Карло Жганец со 18, Бо Бич оствари дабл-дабл учинок од 17 поени и 10 скока. Двоцифрен број на поени, 10, имаше и Борна Капуста.

По завршувањето на натпреварот навивачите побараа оставки од чените луѓе на клубот и тренерот Сферопулос.

Foto/ Luka Milosavljevic / STARSPORT