Спорт
Лотар Матеус е за трансфер на Рибери во Јунајтед

Германската легенда, Лотар Матеус им порача на Баерн Минхен да му дозволат на Франк Рибери да замине во Манчестер Јунајтед
Француската ѕвезда, кој е една од најпопуларните фигури во неговата татковина, е една од целите на Манчестер Јунајтед за ова лето.И покрај фактот што сер Алекс Фергусон одрече дека е заинтересиран за него, Лотар Матеус ги поддржа англичаните за да го одвлечат французинот од Бундеслигата.Во последно време се шпекулираше дека клубот од “Олд Трафорд” е подготвен да достави понуда од 63 милиони фунти за Рибери и тренерот на Макаби Нетанија смета дека неговиот стар клуб треба да го продаде фудбалерот.„Доколку се работи за точна сума, тогаш Баерн треба да ја искористи можноста и да го продаде”- кажа Матеус за германскиот весник Bild.Флорентино Перез може да биде првиот клупски претседател што ќе ги надмине рекордните 100 милиони евра за трансфер според Лотар Матеус.Тој прогнозираше дека шпанецот ќе достави рекордна понуда за Кристијано Роналдо за тој да го облече дресот на Реал Мадрид.„Тој ќе биде првиот кој понуди 100 милиони евра и ќе влезе во историјата”- додаде Матеус.„Доколку Роналдо не замине, Манчестер Јунајтед нема да направат потег за Рибери, бидејќи Роналдо има 30 погодоци во сезона, а Рибери не”- заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Спектакл на 400 слободно, златото за Мертенс

Лукас Мертенс го освои првиот златен медал на Светското првенство во пливање во Сингапур.
Тој славеше во спектакуларното финале на 400 метри слободно и со тоа на олимписката круна го додаде и најсјаниот медал на планетарното првенство.
Тој стигна до целта за 3:42,35 и за само две стотинки од секундата во одличен финиш го победи Австралиецот Семјуел Шорт, светскиот шампион од Фукуока во 2023 година.
Третото место со 25 стотинки минус го освои Вомин Ким кој не успеа да го одбрани златниот медал освоен во Доха минатата година.
Оваа година, Мертенс успеа по 16 години да го собори светскиот рекорд на Пол Бидерман на 400 метри слободно. Тој ја запре стоперката на 3:39,96.
Фото/ Принтскрин
Спорт
Лилард по отпуштањето од Милвоки: Не беше фер

Кошаркарот на Портланд, Демијен Лилард, зборуваше за отказот што го доби во Милвоки и враќањето во Блејзерс.
Дејм Лилард отсекогаш мислеше дека ќе се пензионира со Портланд Треил Блејзерс и ќе заврши во „Куќата на славните“ како играч на овој тим, но неговата кариера пред две сезони тргна во друга насока.
Тој го напушти Орегон за да се бори за шампионски прстен, а со Милвоки Бакс не успеа. Откако ја скина Ахиловата тетива во април на почетокот од плејофот, беше отпуштен, а Бакс го откупија неговиот договор, со што стана слободен агент.
Според извештаите, Јанис Адетокумбо бил многу незадоволен од одлуката на тимот, но одлуката веќе била донесена и сега Лилард проговори за она што се случуваше.
„Мора да имаш малку среќа за да бидеш шампион во НБА. Мора да бидеш здрав и да играш најдобра кошарка во најдобро време, мислам дека воопшто имавме среќа“, рече Лилард во интервју со Џим Овчарски за „Милвоки џурнал сентинел“.
Тие говореше и за еден од најдобрите играчи во лигата, Јанис Адетокумбо.
„Јанис и јас имавме најмногу постигнати поени во целата лига како тандем на НБА тимови. Го освоивме НБА Купот. Многу луѓе сакаа да ме видат во најдобра форма, а јас играм со човек кој постигнува над 30 поени по натпревар и често ја држи топката во свои раце, што го правев во текот на целата моја кариера. Тој е агресивен и често напаѓа, а сепак успеав да постигнам просек од 25 поени и 7 асистенции за две години. Не беше фер, изгледав поинаку и повторно мислам дека бевме многу продуктивни“, рече Дам.
Фото/ Принскрин
Спорт
Детали го делат Лукман од трансфер во Интер

Адемола Лукман донесе одлука да ја напушти Аталанта.
Тој имаше неколку понуди, но пред два дена им изјави на италијанските медиуми дека единствена опција за трансфер е Интер. .
Члениците на Интер испратија официјална понуда од 55 милиони евра, плус бонуси. Италијанските медиуми тврдат дека одличниот напаѓач е на еден чекор од потпишување на договор.
Foto/ EPA