Спорт
Северна Кореја се квалификува на Светското првенство во Ј. Африка

Фудбалската репрезентација на Северна Кореја ќе се натпреварува на Светското првенство во 2010.
Северна Кореја успеа да се пласира на завршницата на светското првенство што ќе се одржи следната година за прв пат по далечната 1966 година. На светското првенство пред 43 години, Северна Кореја успеа да стигне до четвртфиналето откако во драматичен натпревар ја порази репрезентацијата на Италија која важеше за фаворит. Репрезентацијата на Северна Кореја се пласира на С.П. во Јужна Африка откако заврши прва во Б групата со само 2 гола разлика од Саудиска Арабија. Освен домаќинот кој автоматски се квалификува, до сега уште 4 репрезентации се пласираа на Светското првенство, а тие се: репрезентациите на Холандија, Австралија и на Јапонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Македонија загуби во Копер, Словенија обезбеди пласман на ЕП

Фото/ facebook.com/rfmofficial
Ракометната репрезентација на Македонија доживеа уште еден тежок пораз од Словенија во квалифкациите за пласман на Европското првенство. Вечерва во Копер Словенија славеша со 38:27 (20:12).
Натпреварот се одигра на денот кога Македонија ја потресе големата трагедија што се случи во дискотеката „Пулс“ во Кочани. Во пожар загинаа 59 лица, а 155 се повредени. Европската ракометна федерација не го прифати барањето на Ракометната федерација на Македонија, натпреварот да се одложи.
Во првиот дел, Македонија одигра лоша одбрана, им дозволи на Словенците да постигнат 20 голови. Словенците постепено ја градеа разликата. Во средишницата од првиот дел имаа серија од 3:0, а полувремето го финишираа со серија 5:1.
Со оглед на големата предност, Словенците рутински го одработеа второто полувреме. Со овој триумф Словенија обезбеди пласман на ЕП. Со четири победи во исто толку натпревари Словенците ќе бидат први во групата, во која Литванија со шест е втора, Македонија има само два бода, Естонија е без освоен бод.
Македонија ќе има можност во мај да обезбеди место на ЕП, кога ќе игра против Литванија и Естонија.
Кузмановски ја предводеше Македонија со шест гола, по три постигнаа Пешевски, Лазаревски, Атанасијевиќ и Костески. Најефикасни играчи кај Словенија беа Влах со девет и Милиќ со седум гола.
Спорт
(Видео) Јувентус декласиран и од Фиорентина

Јувентус доживеа уште еден тежок пораз во Серија А. На „Артемио Франки“ во Фиренца, во 29.коло, Фиорентина го победи Јувентус со 3:0.
Ова е втор последователен пораз за „Старата дама“, по оној во Торино минатиот викенд од Аталанта (4:0).
„Виола“, со блиц-криг во само три минути ги реши дилемите околу победникот. Робин Госенс во 15. минута го постигна првиот гол, а капитенот Роландо Мандрагора го зголеми водството во 18. минута по асистенција на Никола Фаџоли.
Јуве не успеа да се опорави од тоа, а точка на натпреварот стави Алберт Гудмундсон во 53. минута со прецизен удар од далечина.
Фиорентина е осма на табелата со 48 бодови, додека Јувентус е петти со 52 бода.
Спорт
(Видео) Њукасл го освои Лига купот, во финалето го победи Ливерпул

Њукасл јунајтед по седум децении освои трофеј во англискиот фудбал. Попладнево на „Вембли“, фудбалерите на Њукасл, во гиналето на Лига купот, го победија Ливерпул со 2.1.
Њукасл поведе во големото финале во 45. минута. Ден Бурн скокна високо по корнерот што го изведе Трипие и го погоди подалечниот агол.
Мрежата на Ливерпул се затресе во 51. минута по одличниот удар на Александар Исак, а славјето на фудбалерите на Њукасл беше прекинато поради проверка на ВАР. Џон Брукс само ја потврди својата одлука.
Сепак, минута подоцна немаше дилеми дека се беше јасно со голот на Исак за 2:0.
Ливерпул можеше брзо да се врати во игра, во 59. минута Кертис Џонс упати одличен удар, но Ник Поуп одлично одбрани.
Исак имаше шанса да погоди за 3:0 во 64. минута, но и Кевин Келер покажа дека е одличен голман. Тоа беше негова четврта одбрана на натпреварот, Ливерпул успеа да ја погоди мрежата во судиското надополнување, проверката на ВАР траеше неколку минути бидејќи судијата на почетокот покажа дека е офсајд, но се покажа дека голот на Федерико Киеза е регуларен.
Њукасл, му ја препушти инцијативата на Ливерпул, но создаде серија на шанси. Избраниците на Еди Хау упатија 17 удари кон голот, од кои шест во противничкиот гол. За тоа време, „црвените“ упатија само осум шута и само три од нив одеа во рамките на голот.