Спорт
Голеада во северен Лондон
Дожд од голови имаше во северен Лондон на натпреварот Арсенал против Блекбурн, а Челзи беше поуспешен од Ливерпул на Стемфорд Бриџ.
Вкупно осум гола беа постигнати на натпреварот Арсенал-Белкбурн, во еден од најинтересните натпревари на колото. Сепак, Белкбурн беше тој кој го отвори резултатот рано уште во 4-та минута, преку голот на Зонзи а Вермален израмни на 1:1. Дејвид Дан во 30-та минута погоди за водство на Роверсите, но тоа беше се од нив. На сцена стапи Арсенал и до крајот на натпреварот Пoл Робинсон пет пати мораше да ја вади топката од својот гол. Најпрво Робин ван Перси израмни, а само неколку минути подоцна Аршавин го доведе Арсенал во водство, а резултатот само го зголемуваа Фабрегас, Вокот и Бендтнер.Челзи е на врвот на табелата во англиската премиер лига благодарение на победата над Ливерпул од 2:0.Долго време му требаше на Челзи да го скрши мразот,а тоа конечно се случи во 60-та минута со голот на Николас Анелка а Малуда во судиското продолжение само ја направи победата поубедлива.Манчестер Јунајтед со автоголот на Антон Фердинанд кон самиот крај на натпреварот стигна до конечни 2:2 во натпреварот против Сандерленд. Фулам и со десет играчи успеа да земе бод од гостувањето против Вест Хем. Карлтон Кол погоди за „Чеканите“ а Фулам по исклучувањето на Дикгачои успеа да постигне два гола . Дени Мафри од пенал во 47-та минута и Гера во 57-та, но Станислас не дозволи изненадување па во судиското продолжение погоди за конечни 2:2. Истиот конечен резултат беше и на натпреварот Болтон против Тотенхем. Хрватското дуо Нико Крањчар и Ведран Чорлука му обезбедија еден бод на Тонехем на гостувањето против Болтон.Нерешен резултат од 1:1 имаше и во Ливерпул во натпреварот Евертон против Стоук каде двата гола беа постигнати за пет минути.Портсмут конечно стигна до првата победа во сезоната. Минимално со голот на Јебда го совлада Вулверхемптон. Барнли го совлада Бирмингам со конечен резултат 2:1, а истиот резултат беше и на натпреварот Хал Сити против Виган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.