Спорт
Традиционално ЈАР или историски Мексико?

Честа да го отворат 19. Светско првенство во фудбал, ќе ја имаат, по традиција, домаќинот Јужна Африка и Мексико
Традиционално, до сега, домаќинот на мундијалот никогаш не изгубил на отворањето на првенството, што е одличен предзнак за мотивираните Јужноафриканци, но фудбалерите на Карлос Переира, исто така ќе се обидат да станат прва генерација фудбалери што на смотрата на Светското првенство успеале да го победат домаќинот. Уште еден податок, кој оди во прилог на „бафана, бафана“, (јужноафриканската репрезентација) е тоа што Мексико, никогашш до сега не победил на премиерен меч на турнирот, а првиот натпревар го играле дури четири пати (1930, 1950, 1958 и 1970). Репрезентативците на Јужна Африка во последните 13 натпревари не се поразени, иако, тие беа пријателски, но апетитите кај навивачите пораснаа. Во последните два контролни меча „бафана, бафана“, ги победија репрезентациите на Колумбија, со 2:1 и на Данска, со 1:0. Тоа е уште еден факт кој зборува дека домаќините еќе направат се да ги поразат „сомбреросите„, во првиот натпревар, денеска, што се игра во 16 часот. Навивачите најмогу очекуваат од двојката Стивен Пиенар и Катлего Мфела, играчот кој е сега во најдобра форма и кој секако ќе биде најголема опасност за голот на мексиканската репрезентација. „Постои мислењето дека репрезентацијата на домаќинот секогаш далеку стигнува, но, верувајте ми, јас размислувам само за натпреварот со Мексико. Ако постигнеме добар резултат, тоа ќе ни биде иницијална каписла за понатамошните натпревари. Мора да покажеме метална цврстина, која може да биде клуч на успехот“, вели Пиенар за Ројтерс. Од друга страна, Мексиканците во последните десет дена имаа добри проверки, а нивниот триумф против актуелниот светски шампион Италија во Брисел (2:1) најдобро покажа колкав квалитет имаат Мексиканците на чело со Рафа Марказе, дефанзивецот на Барса, преку Џерард Торада, Џовани дос Сантос, до новиот член на Манчестер јунајтед, Хавиер Ернандез, популарниот Чикарито. „Пред нас е одлична пролика, но во исто време дуелот против домаќинот ќе биде тежок. Цел свет нестрпливо го очекува овој меч и ние сме свесни за тоа. Мислам дека најважно за нас е да не подлегнеме на атмосферата и да бидеме концентрирани на фудбалот. Само така можеме да оствариме добар резултат, вели Карлос Вела, напаѓачот на Мексико, за АФП.
фото: Associated Press во договор со www.forum.com.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ го заврши учеството во Доха, а Вердаско стави крај на кариерата

Новак Ѓоковиќ и Фернандо Вердаско го завршија учеството во двојки на турнирот во Доха. Овој меч беше последен во кариерата на Вердсако.
Подобри од српско-шпанската комбинација беа Хари Хеливар и Хенри Патен, инаку втори носители и актуелни шампиони на Австралија опен. Ѓоковиќ и Вердаско загубија со 2:0 (7:5, 6:4).
Вообичаено Ѓоковиќ е во центарот на вниманието на тениските мечеви, но овојпат не беше така. Ова беше збогување на Вердаско со професионалниот тенис.
Во првиот сет Ѓоковиќ и Вердаско немаа многу шанси, ниту една брејк топка. Хелиовара и Патен одиграа многу искусно и во 11. гем ја искористија четвртата брејк топка за водство од 1:0.
Тие веднаш направија брејк во вториот сет, а Ѓоковиќ и Вердаско не успеаја да ги искористат единствените брејк топки кои ги имаа во шестиот и осмиот гем.
На крајот по 81 минута турнирот заврши за Ѓоковиќ и во двојки, а кариерата заврши за Фернандо Вердаско.
По седум титули, вкупно 23 финалиња и преку 500 победи на АТП, Вердаско се прости од тенисот. Со Шпанија освои и три титули во Девис купот“ (2008, 2009, 2011), а неговиот форхенд и понатаму беше на завидно ниво, дури и во последниот меч во кариерата.
Најдобриот пласман на АТП листата му беше седмото место.
Спорт
Ракометарите и претседателот Мукаетов на гости кај американската амбасадорка, Агелер

Машката ракометна репрезентација на Македонија предводена од селекторот, Кире Лазаров, и од претседателот на Ракометната Федерација на Македонија, Живко Мукаетов, беше свечено примена во Амбасадата на САД, на посета на aмбасадорката, Ангела Агелер.
„Денес на покана на Амбасадорот на Соединетите Американски Држави, нејзината екселенција г-ѓа Ангела Агелер , беше одржан прием за машкиот сениорски национален ракометен тим. Во рамки на посетата претседателот на РФМ г-дин Живко Мукаетов и Селекторот г-дин Кирил Лазаров и подарија македонски дрес и топка своерачно потпишана од сите ракометари кои учествуваа на Светското Првенство 2025 . РФМ упатува голема благодарност за приемот и подршката која ја добива до Амбасадата на Соединетите Американски Држави“, објави Ракометната Федерација на Македонија на својата официјална фејсбук-страница.
Агелер беше забележана со Мукаетов на трибините на светското првенство во Вараждин додека ги бодреше македонските ракометари.
Спорт
Расел: Со Ферстапен сигурно нема да бидеме најдобри пријатели

Новата сезона во Формула 1 започнува на 16 март, а атмосферата веќе ја подигнаа Макс Ферстапен и Џорџ Расел. Возачите на Ред Бул и Мерцедес ја продолжија вербалната војна која започна минатата сезона на Големата награда на Катар..
Ферстапен доби казна на стратот, а трката во Катар ја стартуваше од пол-позицијата Расел. Британецот се жалеше дека Холанѓанеџот го попречувал додека бил во брз круг. Судиите ја уважија жалбата на расел.
Потоа Макс рече дека „ја изгубил секоја почит“ кон Британецот.
Во пресрет на новата сезона, Расел за Ферстапен изјави:
„Немам намера да разговарам со него, да бидам искрен. Не ми е гајле, сакам да се фокусирам на себе. Работите излегоа од контрола минатата година. Тоа беше тогаш. Нема да бидеме најдобри пријатели, тоа е сигурно“.
Макс возврати.
„Немам намера да продолжам каков било конфликт. Немам што да кажам на таа тема. Не сум загрижен за него или неговото возење. Јас нема да го сменам мојот пристап и начин на возење кога ќе се борам со него или со другите возачи“.