По нерешениот резултат со Брегот на слоновата коска, Португалија, во 13.30, понеделник, ќе има шанса да му се приближи на Бразил во групата Г, против Северна Кореа

Репрезентативците на Карлос Кеирош, ќе бркаат три поени, за во последното коло кога ќе се сретнат со бразил да имаат некаква предност. Сепак, не треба да ги потценат Севернокорејците, затоа што тие знаат да пружат отпор.

„Ќе мора да играме подобро и ако е потребно порискантно. Затоа што победа ни е непопходна. Не смееме да си дозволиме да играме како во претходниот меч. Покрај тоа, знаеме дека на спротивната страна ќе имаме многу добар противник, но тоа нема да не спречи во нашата цел, а тоа е победа“, вели Кеирош.

За најдобриот играч на португалската репрезентација, Кристијано Роналдо, јасно дека „походот на победа“ се подразбира, со што е можно подобра гол разлика. Најскапиот играч на денешницата, исто така, побара ФИФА да го поништи неговиот жолт картон, што не се случи, па ќе мора да биде внимателен во денешниот натпревар, затоа што во случај на уште една опомена, тој нема да може да игра на следниот меч.

Корејците, од друга страна, пак не се предаваат.

„Португалците се едни од фаворитите за освојување на шампионатот, но ние веќе одигравме еден добар натпревар со една од најсилните репрезентации на светот. Токму поради тоа, притисокот малку опадна, па имаме шанси да победиме“, вели напаѓачот, Јонг Тае Се.

Единствен пат кога осмата и 90 репрезентација на светот играле заеднички меч е пред 44 години, а поуспешни биле Португалците. Победиле со 5:3, по големо заостанување од три гола разлика. Тогаш Португалците на Светското во Англија беа трети.

Тие имаат и подобар резлтат во натпреварите со азијатите. Португалија ги има победено репрезентациите на Северна Кореа и Иран, а изгубија од Јужна Кореа пред осум години со 0:1.

На стадионот „Грин поинт“ во Кејптаун, Севернокорејците влегуваат растоварени,додека Португалците мораат да победат и да оправдаат дека навистина може да се сметаат за фаворити.