Спорт
Барса го чека Реал на врвот
Во саботните мечеви од 11-то коло на шпанската Примера, шампионот Барселона на домашен терен победи во дербито со Виљареал со 3:1, а на свој терен беа успешни и Атлетик Билбао и Ателтико Мадрид
И покрај големиот број лоши судиски процени, се чини дека според големите осцилации во играта во саботата навечер „жолтата подморница“ не можеше да го избегне поразот. Барселона на „Ноу Камп“ заслужено ги освои бодовите и привремено се наоѓа на чело на Ла Лига со 28 бодови, каде го очекува Реал Мадрид кој има 26 бодови и релативно лесно гостување кај Спортинг во Хихон. Виљареал и со поразот останува на третата позиција со 23 бодови но се зголеми нејзината негатива во однос на водечкиот двоец.Барса поведе во 22. минута по брзата акција која започна од Чави кој го проигра Иниеста кој ја сврти во лево кон Давид Виља кој го донесе водството за каталонците. Виљареал која во првото полувреме беше речиси рамноправен противник и сосема го оправда високиот пласман речиси цела деценија наназад, изедначи по само три минути игра. Тоа беше соло акција на Нилмар кој се спушти по левата страна и откако и’ побегна на домашната одбрана биеше во спротивната страна од голот на Виктор Валдез а топката од стативата се одби во мрежата. Во второто полувреме Барса во второто полувреме благодарејќи пред се’ на Андрес Иниеста, Лионел Меси и Чави кои со кусите прецизни проигрувања вршеа постојан притисок врз одбраната на Виљареал. Таквата игра резултираше со два гола на Меси. Првиот го постигна во 58. минута кога неговите соиграчи на околу 25 метри од противничкиот гол изведоа додавање од слободен без да сочекаат да се намести „живиот ѕид“ откако во тандем со Педро измени дури две двојни додавања и мајсторски од пер метри со поткопување на топката во трк од десната страна го префрли голманот Лопез. Во продолжение играчите на Виљареал како се’ уште да беа под импресија од за нив судиската грешка па не може да се концентрираат на играта, иако во неколку наврати изведоа опасни напади кои не резултираа со удари кон голот на Валдез. Конечниот резултат Меси го постави во 83. минута исто така од близина, со што дојде до бројката од 10 првенствени голови во новиот шпански шампионат, два помалку од водечкиот Кристијано Роналдо. Во Билбао Атлетик успеа да забележи минамална победа од 1:0, иако поголемиот дел од мечот против Алмерија го одигра со два играча помалку. Баските поведоа во 10. минута со осмиот првенствен погодок на Фернандо Љоренте, откако во 6. минута неговиот соиграч Микел Сан Хосе не реалаизираше пенал. Алмерија не успеа да дојде барем до бод иако Атлетик од 45. минута играше без Дел Кампо кој заработи два жолти картона и од 69. минута без Ксавиер Кастиљо кој беше директно исклучен.Во Мадрид, помладиот Ателтико убедливо ја совлада Осасуна со 3:0. За домаќините особено е значаен податокот дека голгетерот од последното светско фудбалско првенство во Јужна Африка, Уругваецот Диего Форлан постигна погодок по 12 мечеви во сите категории. Форлан беше прецизен во 26. и 70. минута а во меѓувреме за Атлетико гол во 41. минута гол постигна и Серџо Агуеро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Себаљос заминува од Реал
Играчот од средниот ред на Реал Мадрид, Дани Себаљос (27) ќе го напушти клубот по завршувањето на сезоната. Шпанските и италијанските медиуми тврдат дека тој ќе се пресели во Милан.
Себаљос е член на Реал од 2017 година, а од 2019 до 2021 година беше на позајмица во Арсенал. Се шпекулираше и пред почетокот на минатата сезона дека ќе го напушти клубот, но реши да остане, убеден дека ќе добие шанса од Карло Анчелоти.
Она што го планираше не му се оствари, тековната сезона ј минува на клупата за резерви.
Поради тоа е подготвен да го напушти Мадрид, а според информациите Реал нема да се противи на трансферот, што покажува и обесштетувањето кое го бара за Себаљос, а кое изнесува 8.000.000 евра.
Шпанските и италијанските медиуми пренесуваат дека најголем интерес покажал Милан, а како потенцијални дестинации се споменуваат и Атлетико Мадрид, односно Бетис.
Спорт
Олимпијакос се договорил со Еванс, го чека и Дорси
Сезоната во Евролигата се уште не е завршена, а Олимпијакос веќе размислува за засилувања за следната сезона.
Олимпијакос регуларниот дел од сезоната во Евролигата го заврши на петтото место и ќе игра против Барселона за пласман на фајналфорот. И покрај тоа во клубот веќе ги кројат плановите за наредната сезона.
Според италијанскиот новинар Алесандро Маџи, нов играч на клубот од Пиреја ќе биде Кинан Еванс, играч на Жалгирис, а се очекува во тимот да се врати и Тајлер Дорси од Фенербахче.
„Постигнат е договор за двегодишен договор со Кинан Еванс, а Тајлер Дорси конечно треба да добие зелено светло. Дорси има опција да го продолжи договорот со Фенербахче, но по крајот на сезоната ќе ја напушти Турција“, напиша Меџи.
Еванс за две години ќе заработи 3.200.000 евра. Дорси го носеше дресот на Олимпијакос во сезоната 2021/2022.
Спорт
Баер Леверкузен ја одреди цената за Флоријан Вирц
Баер Леверкузен ја одреди цената за еден од своите најдобри играчи, Флоријан Вирц.
„Фармацевтите“, на пет кола до крајот и математички ја обезбедија првата титула во клупската историја. До крајот на сезоната ќе се борат за трофеите во Купот на Германија и Лига Европа.
Еден од најталентирани играчи во светот, Вирц, во досегашниот тек од сезоната има учинок од 17 гола и забележа 18 асистенции.
Интерес за неговите услуги покажале Реал Мадрид, Манчестер Сити, Ливерпул…
Сепак, во Леверкузен не размислуваат да се откажат од него. Доколку пак тоа се случи, клубот ќе ја наполни клупската каса од неговиот трансфер.
„Имаме двојно помал буџет од Дортмунд, и пет пати помал буџет од Баерн. Немаме толку моќни спонзори и јасно е дека мора да живееме од продажбата на фудбалери. Вирц е наш лидер на теренот, но се си има своја цена. Ако некој понуди 150 милиони евра или повеќе, можеме да разговараме“, изјави Фернандо Каро, извршен директор на Баер Леверкузен.