Спорт
Игуан го сочува реномето на Реал
Реал е повторно на врвот од Ла Лига со 29 бодови пред Барселона со 28, откако во Хихон и покрај бледа игра, по пехот на домашниот голман да испеа да оствари минимална победа од 1:0 против Спортинг
Гостувањето на „кралевите“ во Хихон се покажа како едно од најтешките во досегашниот тек од сезоната. Аргентинскиот напаѓач во 82. минута од самата гол линија успеа да го совлада домашниот голман Хуан Пабло кој невнимателно ја одби топката до Гонзало Игуаин откако Карим Бензема шутираше во него со глава по центаршутот од десната страна што го упати Хуан Рамос.Колку Реал беше во неделата навечер далеку од својата препознатлива игра оваа сезона, сведочи и тоа што веќе во следната минута по неговото водство им дозволи на домаќините да создадат голема шанса да изедначат. Но за среќа по нив, на голот го имаат Икер Касољас кој неколкупати во текот на мечот имаше интервенции со кои спречи вкупно три сигурни гола на 17-от Спортинг. Инаку ова беше првиот меч на кој Жозе Мурињо заради црвениот картон што го доби во Копа дел Реи беше казнет со два меча отсуство од клупата на својот тим. Целиот меч протече во тензична атмосфера за што придонесе и бледото издание на мадриѓаните што ги подгреа надежите на домашните дека мора да ја искористат шансата и да го совладаат нерасположениот кралски клуб. Таквите очекувања на крајот предизвикаа и нервоза кај играчите на Спортинг па при крајот на мечот Кристијано Роналдо го искористи тоа наседнувајќи го Ботиа да заработи црвен картон. Петоплсираната Севиља исто така имаше лош ден и буквално во последните секунди ја совлада домашна Сарагоса која е на дното од табелата со само една победа, и тоа на гостински терен. Гостите од Севиља дојдоа во водството со голот на Луиш Фабијано во 29. минута а домашните изедначија во 53. минута преку Бертоло, победата на Севиља и’ ја донесе Неградо во 90.минута. Во последниот меч од 11-то коло Валенсија го совлада Хетафе со 2:0, со головите на Тино во 8. и Наваро во 63. минута и со овие три бода се проби на четвртата позиција, благодарејќи на подобрата гол-разлика, инаку со Севиља и двете екипи имаат по 20 бодови. . Херкулес со пресврт успеа на домашен терен да го совлада Реал Сосиедад кој поведе во 16. минута со погодокот на Гриезман. Ветеранот Давид Трезеге кој летово го напушти Јувентус една година пред истекот на договорот и без надомест дојде во малиот сиромашен Херкулес, го постигна својот петти првенствен гол во 47. минута а пет минути подоцна Дренте ги доведе домаќините во водство од 2:1 што беше и конечен резултат. Со оваа победа Херкуелс се искачи на 13. место со 12 освоени бодови. Дуелите Мајорка – Депортиво и Расинг Сантандер – Еспањол завршија без победник и без голови.Малага во борбата на клубовите кои се надеваат на опстанок во Примера го совлада Леванте со голот на Елисеу во 64. минута. Малага сега има 10 бодови и е 16-та а Леванте остана со осум бодови и падна на 19-та претпоследна позиција..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Првиот спринт во сезоната за Ферстапен, Хамилтон втор
Возачот на Ред Бул, Макс Ферстапен, триумфираше на првата спринт трка во сезоната, која се возеше како дел од Големата награда на Кина, петта трка од овогодинешниот шампионат во Формула 1.
Трикратниот светски шампион славеше со повеќе од 13 секунди предност пред Луис Хамилтон од Мерцедес, додека на третото скалило на подиумот се најде вториот возач на Ред Бул, Серхио Перез.
Од пол-позицијата стартуваше Ландо Норис во Мекларен, кој веднаш беше предизвикан од агресивниот Хамилтон, кој не му даде простор да остане во водство. И додека седумкратниот светски шампион го презеде водството, помладиот од двајцата Британци отиде широко и падна на седмото место, додека Хамилтон го следеа Алонсо и Ферстапен.
Бранителот на титулата најпрвин го стигна, а потоа во седмиот круг и го престигна Шпанецот, а два круга подоцна го презеде водството, откако Хамилтон практично не се бранеше, а потоа лесно се одлепи.
Возачот на Мерцедес исто така немаше конкуренција во борбата за второто место, но зад него се одвиваше голема борба за третата позиција. Алонсо најпрво беше предизвикан од Карлос Саинц Јуниор, но возачот на Астон Мартин се бранеше агресивно, што го искористи Перез и ги претекна двајцата.
Во еден момент дојде и до контакт меѓу двајцата Шпанци, поради што Алонсо мораше да се повлече од трката, а потоа дојде до борба меѓу Саинц и неговиот тимски колега Шарл Леклер.
На тој дуел имаше доста искри, а Леклер успеа да се снајде подобро и да стигне до четвртото место со две секунди зад Перез. Саинц беше три секунди поназад, пред Норис и Оскар Пјастри и Џорџ Расел во вториот Мерцедес, кој го освои последниот поен.
Во генералниот поредок сега води Ферстапен со 85 бодови, 15 повеќе од Перез, додека Леклер е трет со 64.
Спорт
Драконска казна во Холандија – клуб исфрлен од првата лига
На фудбалскиот клуб Витезе му беа одземени 18 бодови, по што и официјално испадна од првата холандска лига, соопшти Фудбалскиот сојуз на Холандија (КНВБ).
„Независниот комитет за лиценцирање на КНВБ му изрече санкција на Витезе од минус 18 бодови. Клубот од Арнем ја доби оваа казна затоа што повеќепати не ги исполнуваше барањата од прописите за лиценцирање играчи во подолг временски период“, се вели во соопштението на КНВБ.
Витезе сега има минус еден бод и автоматски го загуби прволигашкиот статус на четири кола пред крајот на првенството.
Најголемиот успех во историјата клубот од Арнем го постигна во сезоната 2016/17 кога го освои Купот на Холандија.
Последен пат Витезе играше во Европа во сезоната 2021/22, кога беа елиминирани од подоцнежниот освојувач Рома во осминафиналето на Конференциската лига.
Спорт
Бакс без Јанис во првото коло од плеј-офот
Милвоки Бакс се соочува со значителен проблем пред почетокот на плеј-оф серијата во која ривал ќе им биде Индијана Пејсерс. Бакс нема да може да смета на Јанис Адетокумбo.
Како што пренесе Шамс Чаранија, Адетокумбо ќе мора да паузира од две до четири недели поради повредата на потколеницата со која се здоби на натпреварот против Бостон Селтикс.
Овие првични проценки за повреди секако значат дека Адетокумбо сигурно ќе го пропушти првото коло од плеј-офот и натпреварите со Индијана.
Плеј-офот за Бакс започнува ноќта помеѓу недела и понеделник, а тие се домаќини во првиот натпревар.