Во саботата беше неверојатен ден за Барселона, чиишто играчи поради штрајкот на контролорит ена летањето во Шпанија мораа да водат трка со времето за да стигнат навреме на мечот во Памплона, која на крајот ја добија уверливо

Првично Барселона соопшти дека мечот со Осасуна е одложен за во недела заради штрајкот на контролорите, но нaбрзо Шпанската фудбалска федерација демантираше и обајви дека мечот мора да се одигра во сабота навечер со почеток во 20 часот. Така набрзина каталонците се спремија за пат со воз и во 16 часот попладне во саботата тргнаа со супербрзиот воз кон Сарагоса. Таму ги пречекал автобус кој на стадионот во Памплона ги довезол точно во 19.55 минути. Сепак, мечот беше накусо одложен, и започнаточно во 20.50 часот.Иако четири часа патуваа и сметаа  дека во сабота нема да играат по што настанало мало опуштање кај играчите на Барса, сепак тие одиграа уште еден супериорен меч. Лионел Меси ја повтори инспиративната игра опротив мадридски Реал кого Барса го демолираше минатото коло со 5:0. Прво во 25. минута Меси го проигра Педро за водство од 1:0, а во  второто полувреме самиoт беше двапати стрелец, во 64. минута откако беше проигран од Давид Виља, а потоа во 82. минута ефектно реализираше пенал кој беше направен врз него од страна на Серхио. Инаку ова беше прв домашен пораз на Осасуна на домашен терен сезонава, но на гостински терен екипата на легендата на шпанскиот фудбал Хосе Антонио Камачо има катастрофален учинок па е на 12-то место на табелата во Примера. Со многу мака и се чини со една погрешна судиска одлука Реал успеа брзо да го преболе дебаклот против Барса. Четата на Жозе Мурињо не прикажа игра каква што ја прикажувааше во мечевите пред дебаклот на „Камп Ноу“, но стигна до многу важна победа во дербито од 15-то коло на Ла Лига.  Во последната четвртина од мечот, Кристијано Роналдо со два погодока ја совлада Валенсија со што повтроно со 16 голови, еден повеќе од  Меси, е на врвот од листата на стрелците во шпанскиот фудбалски шампионат. Реал во игра во којашто создаде повеќе прилики за водство, но и во која свои шанси имаше и Валенсија, доби огромна предност откако во 64. минута поради втор жолт картон за наводно играње со рака од игра беше исклучен игралот од средината на гостите, Давид Албелдо. Роналдо прво во 74. минута погоди по проигрувањето на Месут Озил а во 86. минута по типична за него соло акција со „хеликоптер“ го мина Рикардо Коста и од шест-седум метри биеше неодбранливо во десната страна од голот на Валенсија. Со оваа победа Реал го сочува стоотстотниот ефект на домашен терен од седум победи во исто толку мечеви и остана на два бода заостанување зад водечката Барселона. Валенсија, пак, остана на 5-то место.Претходно во саботата во првиот меч од 14-то коло, Леванте без големи напори го совлада нестабилниот Атлетико Мадрид со 2:0, со головите на Нано во 3. и Каичедо во 58. минута. Леванте моментално е 15-ти со 14 бодови со можност да биде надминат од Расинг кој има исти број бодови но и меч помалку, додека Атлетико Мадрид моментално е на 7-та позиција соможност да падне дури до 12-то место.