Спорт
Реал рутински до три бода против Леванте
Во вториот меч од 24-то коло во шпанската Примера мадридски Реал пред своите гледачи рутински го одработи мечот со загрозениот Леванте
Реал славеше со головите на Карим Бензема во 6. и Рикардо Карваљо во 41. минута од мечот. Раното водство беше постигнато кога Ангел ди Мариа направи слалом низ противничката одбрана и ја протури топката до Бензема кој немаше тешка задача да ја погоди мрежата. Сонародникот на тренерот Мурињо, Карваљо го постави конечниот резултат кога само подметна нога на додавањето на третиот Португалец во редовите на Реал – Роналдо. Мадридските кралеви лесно дојдоа до победата на својот „Сантјаго Бернабеу“, а фудбалерите на Реал мечот го одиграа со половина сили, штедејќи се за вторник навечер кога во осминафиналето од Лигата на шампионите му гостуваат на француски Лион. Со оглед на претходните мечеви годинава се очекуваше интересен исход. Имено, во првиот дел од сезоната Леванте на домашен терен успевајќи да одигра 0:0 му зема два важни бода на Реал во трката за шампионската титула, а потоа мадриѓаните го торпедираа со 8:0 во првиот меч од осминафиналето од Копа дел Реи но во реваншот Леванте го совлада испревртениот тим на Реал со 2:0.Интересно за овој дуел е што е еден од многу ретките сезонава во кој гол не постигна Кристиано Роналдо. Реал сега со меч повеќе има два бода помалку од водечката Барселона којашто на својот „Камп Ноу“ во недела навечер го пречекува незгодниот Атлетик Билбао, додека Леванте е на 16-та позиција со два бода повеќе од екипите кои се во зоната на испаѓање од лигата. За мечот од саботата навечер треба да се напомене дека победата на Реал беше постигната девет години откако Жозе Мурињо последен пат беше поразен на домашен терен во некое национално првенство. Прв и единствен во последните девет години пораз на поранешниот тренер на националните шампиони – португалски Порто, англиски Челзи, италијански и италијански Интер, и сега на шпански Реал Мадрид со кого допрва треба да освојува титули, беше поразот на 23-ти февруари од Беиа Мар, по што за славниот Португалец следува серијата од 123 победи и 25 нерешени средби на домашен терен. Претходно во саботата Валенсија ја прекина серијата од седум победи од последните осум кола играјќи без голови против Спортинг Хихон. По овој кикс Валенсија опасно го загрозува до пред неколку кола сигурното трето место зад Барса и Реал, и сега има само три бода предност пред четвртиот Виљареал кој во недалја пречекува последната Малага.Атлетико Мадрид во Сарагоса ја прекина серијата од три пораза, победувајќи со 1:0 со голот на Агуеро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.