Спорт
Њу Џерси по три продолженија го победи Торонто

Врвна кошарка и речиси четири часа забава им понудија кошаркарите на Њу Џерси и Торонто на гледачите во „О2“ Арена во Лондон
Њу Џерси победи и во вториот меч одигран во англиската престолнина, по победата во петокот 116:103, во драматичен меч „Нетси“ победија со 137:136. Тревис Аутло од линијата за слободни фрлања ги постигна победничките поени на 12,6 секунди до крајот на третото продолжение. Андреа Барњани потоа се обиде да погоди но неговиот шут не го најде патот до кошот на Њу Џерси. Победничката екипа ја предводеа Брук Лопез со 34 поени и 14 скокови, Дерон Вилијамс со 21 поен и 18 асистенции, Крис Хемфриз со 20 поени и 17 скокови и Саша Вујачиќ со 25 поени. Најпрецизен во екипата на Торонто беше Андреа Барњани со 35 поени и 12 скокови, а Демар Дерозан постигна 30 поени.На натпреварите кои се играа во САД се постигнати следниве резултати: Вашингтон-Минесота 103:96; Хјустон-Индијана 112:95; ЈУта-Сакраменто 109:102; Портланд-Шарлот 93:69 и ЛА Клиперс-Денвер 100:94.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ал Хилал го елиминира Манчестер сити

Фудбалерите на Ал Хилал се пласираа во четвртфиналето на Светското клупско првенство, откако го победија Манчестер сити со 4:3 по продолжение во осминафиналето во Орландо.
Бернардо Силва му донесе водство на Манчестер сити со гол во деветтата минута, а Маркос Леонардо израмни за Ал Хилал со гол во 46-та минута.
Малком му донесе водство на клубот од Саудиска Арабија со гол во 52-та минута, а Ерлинг Халанд израмни гол три минути подоцна.
По 90 минути игра, резултатот остана 2:2, а првиот гол во продолжението го постигна дефанзивецот на Ал Хилал, Халид Кулибали, во 94-та минута.
Манчестер сити повторно израмни со голот на Фил Фоден во 104-та минута, а Маркос Леонардо го постигна победничкиот гол за Ал Хилал во 112-та минута.
Ал Хилал ќе игра против Флуминенсе во четвртфиналето, во натпревар закажан за петок во Орландо.
Спорт
(Видео) Интер испадна од клускиот Мундијал

Фудбалерите на Флуминенсе направија изненадување победувајќи го фаворизираниот Интер со 2:0 и се пласираа во четвртфиналето на Светското клупско првенство.
Интер доживеа шок во четвртата минута кога Херман Кано со глава шутираше ниско во средината на голо и го совлада Јан Зомер.
Победата бразилскиот тим ја потврди во судиското надополнување, во 93.минута, стрелец беше Херкулес.
Спорт
Турците се задоволни од Монтела

Италијанскиот стручњак Винченцо Монтела ќе остане тренер на турските фудбалери до јули 2028 година, објави Фудбалската асоцијација на Турција (ФСТ).
Според ФСТ, Монтела (51) потпишал нов договор и се обврзал на нелојалност до крајот на Европското првенство во 2028 година.
Монтела седеше на клупата на Турција во 2023 година, а на претходното Европско првенство ја водеше екипата до четвртфиналето.
Турција го очекува почетокот на квалификациите за Светското првенство 2026 во септември.
Екипата на Монтела е во групата Е, во која се и Шпанија, Грузија и Бугарија. Победникот од групата ќе обезбеди директно место на Светското првенство, додека второпласираната селекција ќе оди во плејофот.