Спорт
Реал без тешкотии против Херкулес

Играчите на Реал Мадрид без особени напори во 28-то коло од шпанската Примера со 2:0 го совладаа претпоследниот Херкулес и сега заостануваат четири бодови зад водечката Барселона
Иако се очекуваше заради отсуството на Кристијано Роналдо, другите напаѓачи да гризат, очигледна беше дека Жозе Мурињо овој меч го искористи како полесен тренинг нефорсирајќи ги играчите и неризикувајќи дополнителни проблеми со евентуални повреди.Двеон стрелец беше францускиот интернационалец Карим Бензема. Во 24 минута беше одлично проигран од Алваро Арбелоа од непосредна близина ги доведе „кралевите“ во водство. Вториот гол Бензема го постигна во 56. минута, по соло акција од левата страна и неодбранлив шут во аголот од противничкиот гол. Бензема во последните три кола е двоен стрелец на секој меч, а во претходните 25 кола постигна само три погодока. Реал сега заостанува четири бодови зад Барселона којашто во недела се среќава со незгодната Севиља. Во саботата доен стрелец беше и Аргентинецот на Атлетико Мадрид Серџо Агуеро кој во Ла Лига сезонава постигна веќе 11 голови. Ателтико беше двапати во водството со головите на Агуеро во 39. и во 61. минута, но домашната Алмерија, успеа да сочува бод со головите на Крусат во 49. и Гоитом во 77. минута. Ателтико Мадрид е 7-ми со 39 бодови, еден повеќе од селдната Севиља, додека Алмерија се изедначи бодовно со Херкулес со 26 бодови но има подобра гол-разлика заради што е на 18-та позиција која исто так води во втората шпанска лига.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Шкендија го дозна распоредот во Конференциската лига

УЕФА го потврди распоредот и термините за натпреварите во главната фаза во Конференциската лига. Сезонава, во имто на Шкендија, за прв пат во историјата Македонија ќе има репрезент во ова натпреварување.
Шкендија ќе одигра шест натпревари во Конференциската лига. Првиот во Мадрид против Рајо Ваљекано на 2 октомври (18.54 часот).
Потоа Шкендија ќе одигра два натпревари на домашен терен, против Шелбурн на 23 октомври и Јагиелонија на 6 ноември. Следува гостувањето на косово кај Дрита на 27 ноември, па домашниот натпревар со Слован Братислава на 11 декември.
Главната фаза Шкендија ќе ја заврши на Кипар, против АЕК во Ларнака на 18 декември.
Фото/ https://www.facebook.com/fcshkendija
Спорт
39 поени на Дончиќ недоволни, Словенија загуби од Франција

По Полска, репрезентативците на Словенија беа поразени и од Франција во второто коло од Европското првенство. Франција во еден возбудлив и неизвесен натпревар победи 103:95.
Натпреварот го одбележаа Лука Дончиќ од едната страна и Силван Франциско од другата страна, кој на крајот речиси предизвика голем инцидент. Во моментот кога ја прифати раката на Дончиќ како знак на честитка за победата, се упати кон кошот и поентираше за конечни 103:95.
Неспортски и некоректно. Сите играчи истрчаа на теренот, но за среќа беше избегната општа тепачка.
Sylvain Francisco qui score pour le point-différentiel en toute fin de match 😭😭😭😭pic.twitter.com/Dam6vVqMfN
— TrashTalk (@TrashTalk_fr) August 30, 2025
Најефикасни играчи кај Словенија беа Лука Дончиќ со 39 поени (4-10, 4-10, 19-20), со осум скока и осум асистенции, Едо Муриќ со 16, Клемен Препелиќ со 12, Мартин Крампељ со осум.
Кај Франција блескаше Франциско со 32 поени (7-7, 2-8, 12-12), Ели Окобо и Билал Кулибали постигнаа по 13 поени, и Закари Ризашер и Александар Сар уфрлија по 12 поени.
Фото/ Принтскрин
Спорт
МВП издание на Јокиќ – Србија ја победи Летонија

Србија ја победи Летонија, во дербито во А групата со 84:80. Србите го забележаа третиот триумф, Летонија има победа и два порази. Блескаше Никола Јокиќ со 39 поени.
Рекордерот на српскиот тим, Никола Јокиќ не дозволи инзненадување во Рига. Со исклучок на првите четири минути, Србија констатнтно имаше предност, најчесто од осум поени.
Србија имаше 82:75 на нецели 120 секунди до крајот, Летонците се вратија со две тројки на само минус од два поени. Во последната минута Јокиќ поентираше, Леонците промашија два напади.
Јокиќ мечот го заврши со 39 поени, 10 скока, четири асистенции и три украдени топки. За многумина најдобриот играч во светото стана рекордер на спрскиот национален тим, претходно со по 32 поени рекордери беа токму Јокиќ на ЕП во 2022 и Милош Теодосиќ на ЕП во 2009 година.
Двоцифрени кај Србија беа уште Филип Петрушев со 12 поени и Марко Гудуриќ со 11 поени и по пет скока и асистенции.
Латвија ја предводеше Давис Бертанс со 16 поени и 10 скока, додека Кристапс Порзингис додаде 14 поени и шест скока. Ломагс заврши со 13 поени, додека Куруц и Шмитс додадоа по 10 поени.
Foto/ EPA/TOMS KALNINS