Спорт
Пандев: Со офанзивна тактика да ја оствариме целта
Македонската фудбалска репрезентација во сабота во Даблин против Република Ирска го игра можеби најзначајниот натпревар од квалификациите за пласман на Еуро 2012
Репрезентацијата втор ден се подготвува во базата во Охрид, каде се крои тактиката и се анализира играта на противникот.„Изминативе денови ги анилизиравме Ирците, во фаза на одбрана играат 4-4-2 а во фаза на напад брзо се трансформираат во 4-2-4. Со таков начин на игра не очекува голема борба на теренот, ќе треба повеќе да ја чуваме топката во наш посед и сите фудбалери да одговорат максимално на своите задачи. Играчите кои ќе истрчаат на теренот ќе имаат своја тактичка задача, а посебно Пандев кој ќе добие задача каква што досега немал во репрезентативниот дрес. Во средината тие ќе играат со двајца, а ние ќе се спротивставиме со тројца играчи. Нивните напаѓачи Кин и Дојл се враќаат назад и треба да бидеме внимателни на нив. Не смееме да дозволиме Ирците да наметнат своја игра, а со малку среќа, која ни недостига, на крај може и да се радуваме“, изјави на прес конференцијата во Охрид, селекторот на македонската репрезентација Мирсад Јонуз.Капитенот на “црвено-жолтите“, Горан Пандев е “фит“ за натпреварот со Ирска и ја респектира селекцијата предводена од италијанецот Џовани Трапатони. „Ирска е квалитетна репрезентација играат цврст фудбал, физички се многу добро подготвени. Ние на овој натпревар нема што да изгубиме ќе одиме да ја играме нашата игра и на крајот да се радуваме на триумфот. За да го совладаме противникот неминовно е да постигнеме погодок, со офанзивна тактика и залагање во играта во фаза на нападот можеме да ја оствариме зацртаната цел, затоа што со пораз најверојатно надежите за поголем успех во овие квалификации паѓаат во вода“, потенцира Горан Пандев.Квалитетот на ирската репрезентација одлично го познава и интернационалецот Горан Попов, кој поради клупските обврски во Лига Европа и украинското првенство, подоцна од другите фудбалери и се приклучи на репрезентацијата.„Негуваат игра на скок, дијагонали, а тоа нас ни одговара затоа што имаме корпулентна одбрана. Тактиката им е препознатлива, ако ние дадеме максимум и одиграме тактички како што треба шансата за успех е голема“, истакна Горан Попов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.