Тотенхем го победија Арсенал 2.1 во дербито на северен Лондон кое се одигра во 35 коло во Премиерлигата. Со оваа победа на три кола до крајот на сезоната Тотенхем го прескокна Арсенал на табелата и со 52 бода се наоѓа на осмото место.

Исклучително квалитетниот натпревар на стадионот на Тотенхем го обележа голот на Александар Лаказет и катастрофалната игра на тројцата од последната линија на Арсенал.

Францускиот репрезентативец Лаказет во 16 минута од 20 метри испрати бомба која ја скина мрежата на голот кој го бранеше Иго Љорис.

Предноста на Арсенал траеше само 137 минути кога Колашинац лошо ја врати една топка кон Давид Луиз, Сон го пресече додавањето, а потоа рутински го совлада одличниот Мартинез.

До крајот на полувремето Тотенхем може да направат целосен пресврт меѓутоа ударот на Бен Дејвис од 25 метри заврши во гредата.

Арсенал во второт полувреме имаа две одлични шанси преку Обамејанг. Габонецот во првата ситуација ја погоди гредата, а во втората Љорис го одбрани неговиот удар. Тотенхем имаше неколку обиди преку Кејн и Сон.

Конечниот резултат на натпреварот го постави Тоби Алдервирелд во 81 минута.



Енис Барди попладнево го постигна својот петти гол сезонава во Примера но не успеа да спречи пораз на Леванте. Тимот на чии дрес го носи репрезентативецот на Македонија како домаќин во 36 коло е поразен од Атлетик Билбао (1:2).

Гостите од Билбао одиграа одлично во првото полувреме кога ја стекнаа недостижната предност. Двата гола за Атлетик ги постигна ветеранот Раул Гарсија, првиот во четвртата, а вториот во 46 минута.

Барди само го намали резултатот во 71 минута. Македонскиот репрезентативец одлично ја испрати акцијата на Борха Мајорал и од два метри ја смести топката во голот на Атлетик.

Леванте и покрај поразот остана на 12 место со 43 бода, додека Атлетик ги прескокна Реал Сосиедад и Валенсија и со 51 бод сега е на седмото место.

Во претпоследното коло Леванте ќе гостува во Виго кај Селта, а Атлетик ќе го пречека Леганес.

Фудбалерите на Аталанта синоќа доминираа против Јувентус, не победија (2:2), но израмнија рекорд во Серија А стар 68 години.

Клубот од Бергамо сезонава има тројца фудбалери кои постигнале најмалку 15 голови.

Синоќа против Јувенту Колумбиецот Дуван Запата го постигна својот 15 гол сезонава во Серија А и се израмни со Јосип Иличиќ. Најдобар стрелец во екипата е вториот Колумбиец Луис Мјуриел со 17 голови.

Последен пат ваков учинок имал Јувентус во сезоната 1951/1952, кога најмалку 15 гола постигнале Ермес Мучинели, Џампјеро Бониперти и Џон Хансен.

Во најсилните пет европски првенства последен пат вакво остарување имаше Нејмар, Килијан Мбапе и Единсон Кавани во сезоната 2018/2019.