Спорт
Фергусон: Црвена звезда во 1991 година не растури
Официјалната интернет страна на Манчестер Јунајтед, изминатиот викенд потсети на натпреварот, одигран на 19. ноември 1991 година во рамките на европскиот Суперкуп, помеѓу „црвените ѓаволи“ и Црвена звезда.
Официјалната интернет страна на Манчестер Јунајтед, изминатиот викенд потсети на натпреварот, одигран на 19. ноември 1991 година во рамките на европскиот Суперкуп, помеѓу „црвените ѓаволи“ и Црвена звезда.Легендарниот менаџер на Манчестер Јунајтед, Алекс Фергусон одлично се сеќава на тој натпревар. „Целосно бевме надиграни таа вечер, можеа да водат уште на полувремето со 5:0. Целиот тим на Црвена звезда беше фантастичен – Дејан Савиќевиќ, Дарко Панчев, Роберт Просинечки, Синиша Михајловиќ, Владимир Југовиќ…Сите тие беа брилијантни играчи“, изјави Фергусон за интернет страницата на Манчестер Јунајтед. Клејтон Блекмор, кој во тоа време играше по левата страна, во средниот ред на „црвените ѓаволи“, тврди дека „тогашниот тим на Црвена звезда веројатно бил подобар од актуелниот тим на Барселона“. „Савиќевиќ сигурно е најдобриот играч против кого сум играл. Беше фантастичен и подоцна кога замина во Милан. Година или две подоцна миланезите направија тим околу него и ја освоија европската титула. Савиќевиќ веројатно имаше најдобра „левица“ која некогаш сум ја видел, исто така беше исклучително брз. Беше како Меси, но не би рекол дека беше толку добар“, вели Блекмор. Савиќевиќ таа вечер играше брилијантно, но и покрај доминацијата, играчите на Црвена звезда не постигнаа гол. „Имавме среќа и на крајот победивме. На полувремето малку ги сменив работите, во игра го уфрлив Брајан Меклер, во средниот ред. Тука ја успоривме нивната игра и успеавме да победиме со 1:0, Меклер го постигна голот“, се сеќава Фергусон. На тој натпревар, голманот на Црвена звезда, Звонко Милојевиќ му одбрани пенал на Стив Брус, кој сега е менаџер на Сандерленд. крај/sc/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.