Спорт
Два порази на футсал репрезентацијата во Словенија
Футсал репрезентацијата на Македонија со два порази, во контролните натпревари против Словенија, ќе патува во Баку, Азерџејбан, каде ќе учествува на квалификацискиот турнир од елитната рунда за СП 2012г.
Футсал репрезентацијата на Македонија со два порази, во контролните натпревари против Словенија, ќе патува во Баку, Азерџејбан, каде ќе учествува на квалификацискиот турнир од елитната рунда за СП 2012г. Македонија, на контролните средби во Словенија, која е учесник на следно Европско првенство во Хрватска, загуби со 5:2 и 6:1. Македонија на квалификацискиот турнир се наоѓа во група со домаќинот Азербејџан, Хрватска и Украина. „Максимално сме подготвени за предизвикот на квалификацискиот турнир бидејќи знаеме што не чека. Во групата на „смртта“ како што ја нарекуваат се три селекции учеснички на следното ЕП , Украина , домаќинот Азербејџан и Хрватска. Македонија е најдоброрангирана четврта селекција од сите групи, што значи дека не очекуваат тешки натпревари на кои наша единствена цел е да одиграме добро, квалитетно и пред се да собереме што поголемо искуство за следните квалификации за ЕП“, истакна селекторот Васко Скендеровски, на прес конференцијата која се одржа пред заминувањето на репрезентацијата за Словенија. На турнирот во Баку, Македонија првиот натпревар ќе го одигра на 15. декември против Украина, ден подоцна противник на нашата футсал репрезентација ќе биде Азербејџан, додека на 18. декември последен противник на „црвено-жолтите“ ќе биде Хрватска. крај/ffm.com.mk/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Кошаркарите во Даблин ја победија Ирска
Кошаркарска репрезентација на Македонија ја постигна втората победа во претквалификациите за Евробаскет 2029. Македонија, во Даблин ја совлада Република Ирска со 76:88 (27:20; 13:22; 22:19, 14:27).
Лоша прва, одлична втора и брилијнтан последна четвртина одиграа македонските кошаркари, во мечот од второто коло, во А групата.
Лошо влегоа во натпреварот играчите на селекторот Марјан Илиевски, имаа негатива од седум поени по првите 10 минути, а на почетокот на вториот период, Ирска ја оствари најфисоката предност (31:20).
Двоцифрениот минус ги разбуди макеоднските репрезентативци, кои во продолжението го презедоа водството благодарение на серијата 15:2.
Во третиот перио
д двете репрезентации се менуваа во водство, па Ирците во решавачката четвртина влегоа со предност од еден поен.
Македонија го заклучи мечот со серијата 18:5, ја забележаа втората победа со која се лидери во групата.
Андреј Јакимовски со 26 и Џејкоб Вајли со 20 поени беа најефикасни во македонската репрезентација.
Следниот натпревар, Македонија ќе го одигра на 27.февруари 2026 против Луксембург во Скопје.
Фото/ Кошаркарска федерација на Македонија
Спорт
Аталанта ја продолжи агонијата на Фиорентина
Во дуел меѓу два тима од кои се очекуваше многу повеќе оваа сезона, Аталанта успеа да ја победи Фиорентина со 2:0 (1:0).
Ова е прва победа на Аталанта во Серија А од 21 септември, а Фиорентина и по 13-то коло се уште е без победа.
Во првото полувреме немаше сериозни шанси, Аталанта беше малку поконкретна, но без реализација до 41-та минута.
Потоа, по сосема обична акција на Аталанта и вратена топка од Де Кетеларе, Косону се обиде да центрира, а на крајот топката заврши во мрежата за 1:0.
Веќе на почетокот на второто полувреме, беше 2:0, карамбол по изведен корнер, топката стигна до Локман, кој рутински постигна гол за 2:0.
Foto/ EPA
Спорт
(Видео) Челзи со играч помалку му зеде бод на Арсенал
Без победник заврши лондонското дерби на „Стемфорд Бриџ“, Челзи и Арсенал одиграа 1:1.
Исклучително добар натпревар одиграа Челзи и Арсенал, ма крајот освоија по еден бод. И двата тима можат да бидат задоволни, особено домашниот тим, со оглед на тоа што останаа непоразени, иако играа со десет играчи на теренот од 37-та минута кога Каиседо беше исклучен.
Првото полувреме не беше толку квалитетно, играчите на двата тима беа доста груби, а тоа резултираше со црвен картон за играчот на Челзи, Каиседа, по исклучително груб прекршок. Судијата Ентони Тејлор првично му покажа жолт картон, но по повик од ВАР собата и прегледано видео, заслужено го исклучи Еквадорецот во 37-та минута.
Во првото полувреме имаше уште две ситуации вредни за споменување, по кои Арсенал можеше да поведе. Прво, кога Сака имаше добра шанса во 13-та минута, но неговиот удар го одбрани Санчез без поголеми проблеми.
Потоа, на крајот од првиот дел од играта, „се обиде Рајс од од 17 метри, но интервенцијата на голманот на Челзи беше фантастична.
На почетокот од првото полувреме, во 48-та минута, голема радост за домашните навивачи. По корнерот на Џејмс, Чалоба ја испрати топката во противничката мрежа со глава – 1:0.
Сепак, Арсенал брзо израмни, веќе во 59-та минута, овој пат Сака создаде шанса, прекрасно центрираше од десната страна, а изедначи Микел Мерино.
Потоа немаше големи шанси, иако се играше во жестоко темпо. Повеќе напаѓаше Арсенал, логично поради нивната бројчена предност, но имаа само сериозна шанса за водство на крајот од натпреварот.
Поточно, во 89-тата минута, Мерино шутираше прецизно од 16 метри, а Санчез повторно брилијантно одбрани исто како на крајот од првото полувреме.
Арснеал остана лидер на табелата со 30 поени, пет повеќе од Манчестер Сити и шест од Ќелзи и Астон Вила.
Foto/ EPA

