Спорт
Шундовски го објави поширокиот список на ракометари за ЕП
На 32 дена пред почетокот на Европското првенство за ракометари, чии домаќин ќе биде соседна Србија, селекторот на македонската репрезентација, Звонко Шундовски го објави поширокиот список на играчи, кои ќе се обидат да изборат место во репрезентацијата, за настап на континеталниот собир.
На 32 дена пред почетокот на Европското првенство за ракометари, чии домаќин ќе биде соседна Србија, селекторот на македонската репрезентација, Звонко Шундовски го објави поширокиот список на играчи, кои ќе се обидат да изборат место во репрезентацијата, за настап на континеталниот собир. На списокот, кој го соопшти селекторот се наоѓаат 28 имиња, од него поради повреда отпадна Мите Стоилов, а на негово место е повикан Ацо Јоноски. Голмани: Петар Ангелов, Борко Ристовски, Никола Митревски, Петар МисовскиБекови: Кирил Лазаров, Наумче Мојсовски, Филип Миркуловски, Влатко Митков, Лазе Мајнов, Милан Левов, Бранислав Ангеловски, Филип Лазаров, Ацо Јоноски, Велко Марковски, Милорад Кукоски, Горан Кузманоски, Никола Стојчевски Крила: Стевче Алушовски, Влатко Темелков, Златко Мојсоски, Гоце Георгиевски, Дејан Манасков, Гоце Ојлевски, Александар Ангеловски, Кружни напаѓачи: Ванчо Димовски, Стојанче Стоилов, Никола Марковски.Селекторот Шундовски првичниот список од 28 ракометари ќе го скрати на 20, пред почетокот на подготовките за ЕП. Репрезентацијата со подготовки ќе стартува на 20. декември, базичниот дел ќе биде одработен на Златибор од 21. до 30. декември, во тој период е планиран пријателски меч со Црна Гора (27. декември). На една недела до почетокот на првенството, на 8. јануари 2012, Македонија во Смедерево ќе одигра пријателски натпревар и со репрезентацијата на Србија. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Педри и Де Јонг ќе бидат подготвени за ПСЖ
Фудбалерите на Барселона, Педри и Френки де Јонг, најверојатно ќе се вратат во тимот за првиот четвртфинален натпревар од Лигата на шампионите против Пари Сен Жермен.
„Педри и Де Јонг се повредија на почетокот на месецот на мечот против Атлетик Билбао (0:0) во шпанското првенство, но се опоравија и би можеле да бидат во тимот за дуелот во Париз“, пишува „Мундо депортиво“.
Според оовј извор, Педри веќе почнал сам да тренира, а Де Јонг се уште е на рехабилитација, но наскоро ќе почне да тренира. Лекарскиот тим на Барселона е уверен дека тој ќе биде подготвен за натпреварот против ПСЖ на 10 април.
Андреас Кристенсен и Роналд Араухо имаат проблем со ситни повреди и најверојатно поради претпазливост ќе го пропуштат претстојниот првенствен натпревар во Барселона против Лас Палмас.
Спорт
Тренер на Лестер доби отказ – бил во врска со фудбалерка од тимот
Менаџерот на женскиот фудбалски клуб Лестер сити, Вили Кирк (45) е отпуштен откако со внатрешна истрага било откриено дека го прекршил кодексот на однесување.
Британските медиуми објавија дека Кирк е под истрага за наводна врска со фудбалерка од тимот.
Кирк првично беше суспендиран, а сега е отпуштен, со што заврши неговиот двегодишен престој во клубот.
„По опсежни внатрешни дисциплински постапки и почитување на индивидуалната приватност, Вили го прекрши кодексот на однесување до степен што ја прави неговата позиција неодржлива“, велат од клубот.
Тој му се приклучи на Лестер во јули 2022 година како спортски директор и ја замени Лидија Бедфорд на клупата четири месеци подоцна. Лестер моментално е деветти на табелата во англиската лига.
Спорт
И Манчестер јунајтед го сака Дани Олмо
Манчестер jунајтед влезе во трката за потписот на шпанскиот репрезентативец Дани Олмо.
Неодамна на пријателскиот натпревар со Брзил во Мадрид постигна гол во меч кој заврши без победник (3:3).
Олмо, во јуни минатата година го продолжи договорот со Лајпциг до летото 2027 година, но тоа не значи дека ќе остане таму до крајот на договорот.
Во јуни ќе може да се активира откупната клаузула во висина од 60 милиони евра.
За него претходно беа заинтересирани Манчестер сити, Челзи, Тотенхем и Реал Мадрид, а од неодамна во трката влезе и Манчестер Јунајтед.
На „Олд Трафорд“ парите за трансферот ќе соберат од продажба на играчи кои веќе немаат место во тимот. Прашање е дали Олмо ќе ги избере „црвените ѓаволи“, бидејќи се уште не се сигурни дали ќе играат во Лигата на шампионите наредната сезона.