Спорт
Ван Нистелрој напаѓач на деценијата
Лајпциг, 15.12.2011 (Макфакс) – Холандскиот напаѓач, играчот на Малага, 35-годишниот Руд ван Нистелрој е најдобриот голгетер во изминатите десет години (2001 – 2011), во изборот на Институтот за фудбалската историја и статистика (IFFHS).
Холандскиот напаѓач, играчот на Малага, 35-годишниот Руд ван Нистелрој е најдобриот голгетер во изминатите десет години (2001 – 2011), во изборот на Институтот за фудбалската историја и статистика (IFFHS). Институтот, чие седиште во Лајпциг, ги пресметал сите интернационални голови, постигнати во дресот на националниот тим, на Олимписките игри, на Светското првенство за клубови, како и на континенталните клубски натпреварувања кои се организираат под покровителство на UEFA, CONMEBOL, CONCACAF, AFC, CAF и OFC. Меѓу најдобрите 25 напаѓачи во изминатата деценија 18 се од Европа, четворица од Јужна Америка, тројца од Африка и еден од Централна Америка. Поранешниот напаѓач ма Манчестер Јунајтед, Реал Мадрид и ХСВ, собра 86 голови, еден повеќе од второпласираниот Тиери Анри и три повеќе од третопласираниот Дидие Дрогба. Листата на најдобрите десет голгетери ја затвора Андриј Шевченко. Меѓу играчите чија позиција во тимот е во средниот ред, најдобри голгетери се Михаел Балак и Стивен Џерард, секој има постигнато по 57 погодоци. IFFHS, листа на најдобрите голгетери (2001-2011):1.Руд ван Нистерлорј (Холандија) 86 голови2.Тиери Анри (Франција) 853.Дидие Дрогба (Брег на Слонова коска) 834.Мирослав Косе (Германија) 815.Самуел Ето (Камерун) 796.Флавио да Силва (Ангола) 737.Димитар Бербатов (Бугарија) 718.Раул Гонзалес (Шпанија) 719.Давид Виља (Шпанија) 6810.Андриј Шевченко (Украина) 68. крај/iffhs/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Волф: Не се откажав од Ферстапен
Директорот на Мерцедес, Тото Волф, не ја отфрли можноста за разговор со трикратниот светски шампион во Формула 1, Макс Ферстапен од Ред Бул, за негов трансфер во Мерцедес.
Мерцедес моментално бара наследник на Луис Хамилтон кој на крајот од сезоната се сели во Ферари, а како логично решение се појавува Ферстапен.
По трката во Мајами, во разговор за медиумите, Тото Волф откри дека не е точно дека, во понеделникот, имал закажан состанок со Ферстапен, но во исто време рече дека не е исклучено да се сретне со него во блиска иднина.
„Секогаш има многу состаноци. Не можам навистина да зборувам за вториот возач (во Мерцедес). Разговаравме за можностите. Сакам да бидам фер кон овие момци и да не изгледаме како да играме шах со овие луѓе, бидејќи ние тоа не го правиме. Сакаме да имаме доволно време, да видиме што мисли Макс и во исто време, да ги следиме другите возачи. Карлос (Саинс) повторно беше добар и во моментов сме само набљудувачи“, изјави Волф.
Ферстапен има договор со Ред Бул до крајот на 2028 година, што создава различни услови за преговори.
„Веќе кажав и претходно, да сум на негово место, немаше да заминам барем до крајот на 2025 година. Но, тој е водечки возач, тој е најдобар во моментов и затоа мора да ги донесе тие одлуки. Можеби нема да има никакви одлуки, можеби се ќе остане исто, но и тоа ќе биде некаков патоказ за нас“, изјави Австриецот.
Спорт
Нан го продолжи договорот со Панатинаикос
Американецот Кендирк Нан денеска, како што беше најавено, потпиша нов договор со Панатинаикос.
Нан, кој го однесе Панатинаикос на завршниот турнир во Евролигата, имаше желба да се врати во НБА веќе летово, но како што изјави му се допаѓа Европа, Атина и Панатинаикос.
Тој е еден од најдобрите играчи во Евролигата во моментов и е фигура која може да ја направи разликата на теренот во корист на Панатинаикос на претстојниот фајналфор.
Тој ќе биде член на зелените во следните две сезони, со излезна клаузула во НБА следното лето.
На 33 натпревари во Евролигата, Нан имаше просек од 16 поени, три асистенции и 2,6 скока (48 проценти од шутот за два поени, 42 проценти од шутот за три поени и 96 проценти од слободните фрлања).
Пред да дојде во европската кошарка, тој играше четири години во НБА лигата, а во првата сезона 2019/20 година се најде во најдобрата петорка на дебитанти. Во НБА играше за Мајами Хит и ЛА Лејкерс.
Спорт
Луис Енрике: Фудбалот понекогаш е толку нефер
Борусија Дортмунд е во финалето на Лигата на шампионите. Двата полуфинални натпревари против ПСЖ, Борусија ги доби со 1:0.
На „Паркот на принцовите“, победникот го реши голот што го постигна Матс Хумелс во 50. минута.
Ова ќе биде трето финале во Лигата на шампионите за Борусија. Во првата, во 1997 година, го победија Јувентус со 3:1, а во 2013 година загубија со 2:1 од Баерн.
На првиот натпревар во Дортмунд, ПСЖ погоди две стативи, а во Париз само во вториот дел уште четири пати ја погодија рамката на голот.
„Морам да бидам искрен и да кажам дека моравме да го добиеме натпреварот. Имавме 30 удари кон голот, дури четири пати ја погодивме стативата. Фудбалот понекогаш е толку неправеден“, изјави тренерот на ПСЖ, Луис Енрике за „ТНТ“ по натпреварот и продолжи.
„Честитки за нив. Тие се одличен тим и се надевам дека ќе победат во финалето. Мораме да се регрупираме и да создадеме нешто посебно и да се вратиме следната сезона и да го освоиме ова натпреварување”.