Спорт
Германија со помош на фортуната ја совлада Македонија
Несреќен пораз на ракометната репрезентација на Македонија од Германија 23:24 (12:12), во натпреварот од второто коло, во Б групата на Еуро 2012.
Несреќен пораз на ракометната репрезентација на Македонија од Германија 23:24 (12:12), во натпреварот од второто коло, во Б групата на Еуро 2012. Свесни за значајот на натпреварот двете репрезентации одиграа тврд и докрај неизвесен натпревар. Германија отвори со 3:0, но „црвено-жолтите“ бргу возвратија со три гола, го израмнија резултатот. До крајот на мечот ниту една репрезентација не успеа да направи предност поголема од два гола. Двајцата селектори во ниту еден момент од натпреварот не отстапија од зонската одбрана 6-0. Во нашата игра изворедно функционираше врската меѓу надворешната линија и пивотот Стоилов, кој одигра брилијантен натпревар. Германците немаа решение ниту за уфрлувањето на нашите крилни играчи на линијата од шест метри. Одличен во вториот дел беше и голманот Ангелов кој мечот го заврши со 8 успешни интервенции. Германците до победата дојдоа во последните две минути, кога постигнаа два гола и водството на Македонија од 23:22 го претворија во победа. Во последните 120 секунди на страна на Германците беше и среќата, Манасков во тие моменти не погоди од контра, а ударот на Лазаров на десет секунди до крајот заврши на гредата од германскиот гол.Стоилов и Лазаров постигнаа по седум голови, Мојсоски три, Манасков и Ангеловски по два, Миркуловски и Алушовски по еден гол. Кауфман со шест голови и голманот Лихтлеин со 12 одбрани, од кои два седмерца, се првите имиња во репрезентацијата на Германија. Македонија шансата за пласман во вториот круг ќе ја бара во четврток, во натпреварот од последното коло против Чешка./крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Србија и Албанија домаќини на ЕП за фудбалери до 21 година
Србија и Албанија ќе бидат домаќини на Европското првенство за фудбалери до 21 година.
Шампионатот ќе биде отворен на стадионот „Караѓорѓе во Нови Сад“, додека финалето ќе се игра на националниот стадион во Тирана, кој ги исполнува стандардите за финален натпревар од вакво натпреварување.
Бидејќи се одржува во годината пред Олимписките игри, ова ќе биде и квалификациски турнир за Олимпијадата во Лос Анџелес во 2028 година, каде место ќе обезбедат најдобрите четири европски селекции.
Европската фудбалска асоцијација (УЕФА) покажа доверба во Србија и Албанија да организираат многу сериозно натпреварување, на кое ќе учествуваат 16 репрезентации.
Србија ќе биде домаќин во Нови Сад, Лесковац, Лозница и Зајечар, а градови домаќини во Албанија ќе бидат Тирана, Скадар, Драч и Елбасан.
Да потсетиме, овогодинешното издание на ЕП за фудбалери до 21 година го организира Словачка, а титулата ја брани Англија.
Спорт
Реал без Мбапе во Купот против Леганес
Напаѓачот на Реал Мадрид, Килијан Мбапе ќе го пропушти претстојниот четвртфинален натпревар од Купот на Шпанија против Леганес поради повреда на потколеницата.
„Вчера му дадовме на Мбапе дополнителен ден за рехабилитација, денеска тренираше нормално, но има хематом на потколеницата и утре нема да ни биде достапен“, изјави тренерот на Реал Мадрид, Карло Анчелоти.
Реал Мадрид во среда од 21 часот гостува кај Леганес.
Мбапе се повреди на натпреварот против Еспањол, кој неговиот тим го загуби со 0:1.
Анчелоти нема да може да смета на уште двајца играчи за натпреварот против Леганес, Давид Алаба и Антонио Ридигер.
Спорт
Хенес: Прелесно се откажавме од Нагелсман
Почесниот претседател на Баерн, Ули Хенес смета дека клубот прерано се откажал од тренерот Јулијан Нагелсман.
Нагелсман нецели две сезони ги предводеше Баварците. Во рпвата ја освои двојната круна, втората не ја заврши бидејќи доби отказ на 24.март 2023 година. Неколку месеци подоцна тој стана селектор на Германија.
„Отпуштањето на Нагелсман беше голема грешка, со која бордот на директори не се согласи, мислеа дека е премногу рано. Тоа предизвика турбуленции во клубот во време кога сè уште можевме да ја освоиме тројната круна. Ситуацијата не беше катастрофална. Знаевме што можеше да се случи ако на Јулијан му дадевме шанса на подолг рок. Посакувам клубот подобро да се справи во таа ситуација, да покажеше поголемо трпение“, рече Хенес.
Хенес верува дека не е нормално да се зборува за освојување три трофеи секоја сезона.
„Чувствувам дека Баерн сега е постабилен отколку во последните неколку години. Целиот овој разговор за освојување на тројната круна е глупост. Најважно е да се освои германското првенство. Видете, Дортмунд мина понатаму во Лигата на шампионите, а никој не зборува за тоа. Причината е што тие заостануваат 22 бода зад нас во Бундеслигата. И луѓето ми се смееја кога во ноември реков дека Дортмунд не е наш кандидат за титулата. Тогаш имаа 12 поени помалку од нас, а сега се на 22. За мене домашното првенство е мерило за сите работи: ако се освои титулата, сезоната е успешна“, изјави Хенес.