Лео Меси погоди од слободен удар на мечот од Копа Америка – Аргентина против Чиле 1:1. За Меси тоа беше 57-ми гол за „гаучосите“ од слободен удар со што се изедначи на првото место меѓу активните фудбалери со Кристијано Роналдо.

Диего Марадона, за споредба постигна 62 гола од слободен удар во текот на кариерата.

Lionel Messi is now level with Cristiano Ronaldo in career free kick goals (57) in all competitions across club & country 👀

(h/t OPTA) pic.twitter.com/4915WTYI4l

— ESPN FC (@ESPNFC) June 14, 2021

Роналдо имаше голема предност во оваа категорија, но последните години многу малку погодува од прекин. За Аргентинецот ова беше четврти гол од слободен удар во последната една година, додека Роналдо толку има постигнато во последните 4 години.

Со синоќешниот погодок, 39-ти за Меси на Копа Америка, на СП или во квалификациите за тоа натпреварување тој изби на листата пред Габриел Батистута.

Селекторот на фудбалската репрезентација на Данска, Каспер Хјулманд пред мечот од второто коло на ЕП против Белгија зборуваше за Кристијан Ериксен. Тој истакна дека вестите за добрата состојба на Ериксен им даваат сила на соиграчите, а откри и дека Кристијан успеал да ги погледне последните 10 минути од мечот против Финска.

„Тоа ни дава многу причини за радост и смеа. Нестварно е да се замисли дека тој човек таму седи насмеан. Нестварно е да чуеме дека ги гледал последните 10 минути од натпреварот“ вели Хјулманд.

Тој нагласи дека сега кога состојбата на Ериксен е подобра, можат се повеќе да мислат на фудбалот.

„Фактот дека тој таму лежи и се смешка ни дава еден импулс да можеме да се концентрираме на фудбалот и на мечот во четврток“ – вели селекторот.

Било бурно на првиот тренинг на фудбалската репрезентација на Хрватска по стартниот пораз од Англија (1-0) на ЕП. Хрватите во петок ги чека дуел од второто коло против Чешка која со 2-0 славеше против домаќинот Шкотска на „Хемпден парк“.

Искусниот дефанзивец Дејан Ловрен првиот меч го пропушти поради повреда. На првиот тренинг по неуспехот против „Гордиот албион“ фудбалерот на Зенит беше бесен на соиграчите поради слабото залагање.

„Што е ова? Ако сега не сме вистински, што ќе биде во петок? Нема да бидеме добри ниту на мечот, ајде појако! Вакви нема што да бараме против Чесите“ викал Ловрен.

И на прес-конференција Ловрен рече дека во продолжение на првенството Хрватска ќе биде на тежок испит.

„Нема да биде едноставно, но ако бидеме вистински, нема да има проблеми. Чесите сега се во предност, имаат 3 бода, имаат самодоверба, оваа победа им даде крила. Ние мора да сме претпазливи и да ги чекаме нашите шанси. Чесите се силни при прекини, тоа го покажаа, пред се во скокот, имаат високи играчи. Ние имаме други играчи, кои уживаат во поседот на топката“ изјави Ловрен.