Франција со 1:0 ја совлада Германија на „Алијанц арената“ во Минхен во големото дерби од првото коло на ЕУРО 2020, за светските шампиони да имаат совршен старт на шампионатот против стариот ривал.

Во дуелот на двата последни светски шампиони (Германија 2014 и Франција 2018), немаше класика од фудбал, посебно во првото полувреме, но Французите направија доволно за да дојдат во водство. Матс Хумелс, повратникот во „маншафтот“ на Јоаким Лев си постигна помалку смешен автогол во 20. минута од мечот, а Германците не успеаја да упатат ниту еден удар на голот на Иго Љорис во првите 45 минути.

Во второто полувреме, Германците тргнаа по гол, но имаа среќа кога веднаш Адриен Рабио ја погоди левата статива. Серж Гнабри одговори на другата страна со најдобрата шанса на Германците, а и Томас Милер имаше добра шанса.

Килијан Мбапе во 66. минута постигна еден од најубавите голови досега на шампионатот, но судијата (исправно) го поништи поради офсајд, а во 85. минута и Карим Бензема ја уфрли топката во мрежата, но голот беше поништен поради офсајд.

Графика: Sofascore за Топспорт.мк

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-50060-26542”));

Никола Јокиќ имаше неславен крај на НБА сезоната во која стана МВП на лигата, откако неговите Денвер загубија со 4:0 во полуфиналето од Западот од Финикс, меч во кој доби исклучување за фаулот над Камерун Пејн.

Во тој момент на теренот имаше голема мешаница на двата тима, а Јокиќ влезе во пресметка со Девин Букер, а на новата снимка од трибините се покажуваат и неговите двајца браќа Страхиња и Немања Јокиќ, кои тргнаа да го бранат својот брат.

Секако, зачинето со српски пцости.

The Jokic brothers wanted every piece of available smoke 😂😂😂 pic.twitter.com/pmUUb4gELw

— Dan Le Batard Show with Stugotz (@LeBatardShow) June 15, 2021

Десетгодишниот Илман Хаџимурадов од селото Фјодоровски во централна Русија, успеа да постави нов рекорд, откако направи 5.713 склекови во сесија од три и пол часа, рушејќи го рекордот од 4.784 склекови на друго момче од Чеченија.

Како дел од подготовките за овој неверојатен подвиг, малиот Илман трчал 10 километри дневно и правел околу 3.000 склекови секој ден. Тој ги правеше склекови без да ги крене рацете од подот и да го крене задникот на 90 степени за да му се важи обидот.

 

View this post on Instagram

 

A post shared by 🆘️ЧП СУРГУТ🆘️ ПОДПИШИСЬ👆🏻👆🏻👆🏻 (@chp_surgut)