Ветеранот Клас-Јан Хунтелар се врати во Шалке во обид да му помогне на гигантот од Гелзенкирхен да опстане во Бундеслигата, враќајќи се на местото каде што постигна 126 гола во 240 натпревари во седум сезони од 2010 до 2017 година.

37-годишниот Хунтелар доаѓа како позајмен фудбалер од Ајакс, за да помогне на Шалке, кои се на последното место на табелата со седум поени од 16 натпревари. Келн се пет поени пред нив на местото кое носи бараж за опстанок, додека Арминија Билефелд е два поени подалку на безбедното место.

„Мора да победуваме на мечеви и да постигнуваме голови. Сакам да помогнам клубот да остане, бидејќи Шалке мора да биде во Бундеслигата“, изјави Хунтелар.

Хунтелар имаше 7 гола во 11 меча за Ајакс оваа сезона, но го загуби стартното место откако Себастиен Але пристигна од Вест хем. Холанѓанецот, со прекар „Хантер“ кај фановите на Шалке, во 2011/12 беше најдобар стрелец во лигата со 29 гола во 32 меча, а имаше вкупно 48 гола во 48 меча во сите натпреварувања за Шалке да го освои ДФБ купот и да заврши на третото место на табелата.

Der HUNTER geht wieder auf Torejagd 🏹⚽️🎥#S04 | #Hunter21 | #Huntelaar pic.twitter.com/MkUSEX8v61

— FC Schalke 04 (@s04) January 19, 2021

⚒️ Nachricht vom HUNTER 💙#S04 | #Hunter21 | #Huntelaar pic.twitter.com/o2pyFXX9yl

— FC Schalke 04 (@s04) January 19, 2021

Утре на „Мапеи“ ќе се одигра Суперкупот на Италија, каде што ќе се судрат Јувентус и Наполи, клубови на чие чело во моментов се долгогодишните пријатели Андреа Пирло и Џенаро Гатузо, поврзано со некои од најлегендарните анегдоти во модерниот италијански фудбал.

Гатузо беше колега со Пирло во Милан, но и во италијанската репрезентација и вели дека без разлика на ривалството на теренот, тоа пријателство ќе продолжи.

„Почнавме заедно на 15-16 години, ја освоивме У-21 титулата, Светското првенство, се што можеше да се освои. Тој беше многу важен за мојата кариера, но и јас му помогнав, бидејќи тој почна како ‘треквариста’ и се смени во играч од средниот ред. Остануваме големи пријатели, со многу одлични моменти на теренот и надвор од него. Утре имаме фудбалски меч, подоброиот нека победи, пријателството ќе продолжи. Тој во својата книга напиша за сите шеги кои ги правеше на моја смета, и мислам дека сум му дал повеќе ‘заушки’ од неговиот татко. Зборувавме многу по мечевите, беше навистина здодевен, но сега мислам дека е зафатен. Двајцата имаме слична визија на фудбалот, двајцата сакаме да играме од одбраната и да бараме нешто ново како што ги гледавме шпанските екипи“, објаснува Гатузо.

Јуве пристигнува на мечот по 2:0 поразот од Интер и големите критики за Пирло, но Гатузо вели дека тоа не ги става нив во предност.

„Никогаш не смеете да дозволите Јуве да помириса крв. Тие доминираа во Серија А девет години, го имаат најсилниот менталитет и подготвени се за секоја ситуација. Затоа не смееме да се опуштиме. Нашиот идентитет е поинаков од пред шест месеци, но и тој на Јуве. Финалето носи адреналин, што е потребно оваа сезона кога сите во Европа играат во поинаков спорт. Имаме меч секои три дена, има страв во воздухот, тензија во соблекувалната и дома, најмногу поради КОВИД. Уби милион луѓе, така што стравот е нормален“, додава тренерот.

Гатузо му посака добредојде на Пирло: Сега е „за.бан“

Гатузо призна дека изел жив полжав за да „се намали тензијата“

Додека Андреа Пирло и фудбалерите на Јувентус тренираа како дел од подготовките за Суперкупот на Италија против Наполи, во Континаса тренинг-центарот на италијанскиот шампион дојде неочекуван гостин – претседателот на Реал Мадрид, Флорентино Перез на состанок со Андреа Ањели.

Според италијанскиет медиуми, состанокот траел речиси три часа, а тема на разговор секако била фудбалската политика, бидејќи Перез го сметаат за главен промотор на идејата за европската Супер лига, елитната лига која би ја заменила Лигата на шампионите и би била единствен начин гигантите да преживеат во ерата по кризата со корона вирусот. Ањели, пак, е претседател на Европската асоцијација на клубови (ЕЦА), собирот на најбогатите и највлијателните европски фудбалски клубови.

#Juve, Florentino #Perez in sede: tre ore di incontro con Andrea #Agnelli https://t.co/YZ2UwnXxDD #serieA

— LaGazzettadelloSport (@Gazzetta_it) January 19, 2021