Тимот на Ливерпул на денешниот тренинг реши да клекне на едно колено за да покаже поддршка на движењето „#BlackLivesMatter“ по убиството на Џорџ Флојд во Минеаполис и бунтовите кои се случија во повеќе градови во САД и во Европа поради расизмот во оваа земја.

Џејмс Милнер преку Твитер објави фотографија на која тимот на Ливерпул е на едно колено околу централниот круг на „Енфилд“, по што истото го споделија и Трент Александер-Арнолд и Енди Робертсон.

Ова доаѓа откако во неделата фудбалерите на Борусија Дортмунд, Џејдон Санчо и Ашраф Хакими се приклучија на подолгата листа на спортисти кои дадоа поддршка со маички „Правда за Џорџ Флојд“. Маркус Турам од Борусија Менхенгладбах исто така застана на едно колено по постигнувањето гол при 4:1 победата над Унион Берлин, а американскиот дефанзивец Вестон Меккени на раката имаше лента со порака во саботата. Исто така претходно се јави и поранешниот НБА шампион Стивен Џексон, Леброн Џејмс, Мајкл Џордан и тенисерката Коко Гоф.

Unity is strength #BlackLivesMatter pic.twitter.com/BLsTHfOnPT

— James Milner (@JamesMilner) June 1, 2020

Откако шесткратниот Формула 1 шампион, Луис Хамилтон ги критикуваше своите колеги дека останале тивки и покрај дебатата за расизмот во САД по убиството на Џорџ Флојд, повеќе возачи постираа на социјалните мрежи пораки против дискриминацијата.

Во неделата навечер, Хамилтон ги нападна своите ривали, велејќи дека „стои сам“ во „спорт доминиран од белци“ додека низ повеќе градови низ САД и Европа имаше протести поради смртта на Фјолд.

„Ве гледам како сте тивки, дел од најголемите ѕвезди во спортот, кои се тивки во лицето на оваа неправда. Ниту еден знак од некој во мојата индустрија, која секако е во спорт доминиран од белци. Јас сум единствен кој не сум бел и стојам сам. Би мислел дека досега некој од вас ќе видеше зошто се случува ова и да кажете нешто против, но не можете да стоите покрај нас. Знам кои сте и ве гледам“, напиша Хамилтон.

Иако дел од критичарите сметаа дека е невкусно од него да ги „прозива“ колегите вака, по оваа порака, Шарл Леклер, Даниел Рикардо, Лендо Норис и други од Ф1 спортот се јавија со свои пораки.

„Вестите од последните неколку дена ме направија тажен, тоа што му се случи на Џорџ Флојд и што продолжува да се случува во денешното општество е срамота. Сега треба да стоиме заедно, обединети. Расизмот е токсичен и треба да биде соочен не со насилство или тишина, туку со единствно и акција. Мораме да застанеме. Black Lives Matter“, напиша Рикардо.

Возачот на Ферари, Шарл Леклер, призна дека згрешил што не се јавил порано.

„Да бидам искрен, се чувствував неудобно да ги споделувам моите мисли на социјалните мрежи за целата ситуација и затоа не се јавив порано. И целосно згрешив. Уште барам зборови да ги опишам неделата од видеата кои ги видев. Расизмот мора да биде соочен со акција, не тишина. Нашата одговорност е да зборуваме против неправдата. Стојам поркај #BlackLivesMatters“, напиша Леклер.

Покрај нив, неправдата ја осудија и Николас Латифи и Серхио Перез.

I still struggle to find the words to describe the atrocity of some videos I’ve seen on Internet.
Racism needs to be met with actions, not silence. Please be actively participating, engaging and encouraging others to spread awareness. 2/3

— Charles Leclerc (@Charles_Leclerc) May 31, 2020

 

View this post on Instagram

 

Seeing the news the last few days has left me saddened, what happened to George Floyd and what continues to happen in today’s society is a disgrace. Now more than ever we need to stand together, unified together. Racism is toxic and needs to be addressed not with violence or silence but with unity and action. We need to stand up, we need to be a WE. Let’s be better people. It’s 2020 ffs. Black lives matter.

A post shared by Daniel Ricciardo (@danielricciardo) on May 31, 2020 at 7:11pm PDT

 

View this post on Instagram

 

This has to stop😔 #JusticeForGeorgeFloyd #BlackLivesMatter

A post shared by Nicholas Latifi (@nicholaslatifi) on May 31, 2020 at 2:36pm PDT

Поранешниот хрватски репрезентативец, Игор Вори е нов тренер на шампионот на оваа земја, ППД Загреб по заминувањето на Веселин Вујовиќ поради приватни причини. Ова е прва тренерска работа за Вори.

Вори од 2003 до 2018 беше член на хрватската ракометна репрезентација, освојувајќи ја олимписката титула во Атина во 2004 и светската титула во Португалија во 2003 година. По крајот на кариерата пред две години, тој беше спортски директор на хрватската репрезентација за да му стане помошник на Лино Червар на Европското првенство оваа година.

Црногорецот Вујовиќ минатата недела си поднесе оставка поради лични причини, зголемувајќи ги шпекулациите дека ќе го преземе својот стар клуб, актуелниот европски шампион Вардар.