Фудбалерите на Реал со победата во Гранада 2:1 го затворија 36 коло во Примера. По тешко извојуваниот триумф на играчите на Зинедин Зидан во последните две кола им sе потребни два бода за да ја освојат шампионската титула.

Реал во Гранада одигра одлично прво и просечно второ полувреме, а победата во 85 минута ја спасија голманот Куртоа кој го одбрани ударот на Кортези капитенот Рамос кој од гол линијата ја исфрли топката по ударот на Азиз.

Реал наметна силно темпо на почетокот на натпреварот што резултираше со два брзи гола. Менди го отвори резултатот во 10 минута, а шест минути подоцна неговиот сонародник Бензема зголеми на 2:0.

Играчите на Грандата одиграа подобро во вториот дел, постигнаа и гол преку мачис во 50 минута, но немаа сили, ниту среќа да освојат бод против Реал.

Манчестер Јунајтед и Саутмептон одиграа 2:2 во 35 коло, во Премиерлигата. Јунајтед во најлош момент ја прекинаа серијата од четири победи. „Црвените ѓаволи“ против Саутемтон не ги искористи поразите на Челси и Лестер и остнаа на петтото место на табелата.

Манчестер Јунајтед на „Олд Трафорд“ без два бода ги остави Мајкл Обафени кој голот за 2:2 го постигна во 96 минута од натпреварот.

Претходно „светците“ стигнаа до предност во 12 минута со голот на Армстронг. Јунајтед бргу, во интервал од три минути направија пресврт. Рашворд во 20 минута израмни, а Марсијал во 23 минута погоди за 2:1.

Јунајтед се петти на табелата со 59 бода колку што има и Лестер на четвртото место, додека Челси на третата позиција има бод повеќе.



Фудбалерите на Реал Сосиедад им го уништија сонот на колегите од Виљареал дека ќе можат да дојдат до четвртото место на табелата, кое обезбедува место во Лигата на шампионите.

Вечерва во 36 коло Сосиедад славеше во Виљареа 2:1. На стадионот во Виљареал, Реал Сосиедад до победата дојде со головите на Вилијан Жозе во 61 и Љоренте во 75 минута. Ветеранот Санти Казорла во 81 минута го постигна голот за „жолтата подморница“.

Оваа победа на екипата од Сан Себастијан, на две кола до крајот на сезоната и обезбеди место во Лигата на шампионите на Севилја. Во елитата од Шпанија наредната сезона ќе играат и Реал, Барселона и Атлетико.

Во последните две кола ќе се води голема борба за пласман во Лига Европа. Виљареал се на петтото место со 57 бода, три помалку имаат Хетафе и Реал Сосеидад, а на осмото место е Атлетик Билбао со 51 бод.

Во вториот натпревар вечерва Алавес и Хетафе одиграа 0:0. Алевас кој се бори за опстанок во лигата го освои првиот бод по серијата од пет порази. На табелата Алавес има четири бода повеќе од Леганес.