Домашен
Акраповиќ и Хасани: Со помош на публиката до историски успех
– фото kfshkendija.com
Фудбалерите на Шкендија, в четврток, ќе го одиграат најзначајниот натпревар во клупската историја, натпревар преку кој ќе се обидат да стигнат до фазата по групи во Лига Европа. Противник на Шкендија е белгиски Гент, кој на реваншот во Скопје доаѓа со предност од 2-1 остварена на првиот меч во Белгија.
Фудбалерите на Шкендија, в четврток, ќе го одиграат најзначајниот натпревар во клупската историја, натпревар преку кој ќе се обидат да стигнат до фазата по групи во Лига Европа. Противник на Шкендија е белгиски Гент, кој на реваншот во Скопје доаѓа со предност од 2-1 остварена на првиот меч во Белгија.
Шкендија еден натпревар ја дели од местото каде што ниту еден тим од Македонија не бил досега, фазата по групи во второто според квалитет натпреварување на УЕФА, Лига Европа.
Тетовскиот тим првиот меч го загуби 2-1, иако имаше предност од еден гол, а головите ги прими во судиското надополнување на времето во првото, односно второто полувреме.
„Имаме историска шанса, се надевам дека ќе ја искористиме. Очекувам тежок натпревар, но се надевам дека моите играчи ќе одиграат квалитетно и дека ќе забележат победа. Никако не смееме на Гент да му дозволиме да ја наметне својата игра. За да победиме ќе ни биде неопходна помош и од публиката, за која се надевам дека ќе дојде во голем број“, рече на прес конференцијата тренерот на Шкендија, Бруно Акраповиќ.
Најдобриот играч на Шкендија, репрезентативецот Ферхан Хасани потенцира дека тимот покажал дека може да се носи со посилни екипи.
„Ако играме како на претходните натпревари Шкендија ќе победи, тоа ќе го постигнеме со поддршка од трибините“.
Инаку, во јавноста се шпекулира дека играчите добиле ветување од газдата Лазим Дестани дека ќе поделат премија од 500.000 евра, доколку се пласираат во фазата по групи во ова натпреварување.
„Најголема премија за нас ќе биде пласманот во Лига Европа“, рече Хасани.
Натпреварот Шкендија-Гент ќе започне во 20 часот, а ќе се одигра на Националната арена „Филип Втори“ во Скопје. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.