Домашен
ФФМ ги прогласи најдобрите, лауреати Ибраими, Несторовски, Милевски
Бесарт Ибраими на домшната и Илија Несторовски се најdобрите во македонскиот фудбалер за 2015/2016 година. Меѓу лауреатите, во традиционалниот избор на Фудбалската федерација на Македонија се и малдите фудбалери кои се пласираа на Европското првенство.
Репрзентативецот од Шкендија, Бесарт Ибраими е најдобриот фудбалер и стрелец во домашното првенство, додека Илија Несторовски напаѓачот на Палермо е најдобриот македонски интернационалец.
Ибраими поради операција не беше присутен на церемонијата, признанијата ги прими неговиот татко, додека Несторовски поради обврските во Палермо на присутните им се обрати со видео порака.
Најдобар тренер е Благоја Милевски дселектоот на младата репрезентација, со која избори пласман на Европското првенство. Младите фудбалери кои го остварија историскиот резултат за македонскиот фудбал добија специјални награда.
Најдобар млад фудбалер во Македонија е Елиф Елмас, најдобар судија Димитар Мечкаровски, а сопственикот на Вардар Сергеј Самсоненко е фудбалски работник на годината.
Најдобрите во македонскиот фудбал во 2015/2016:
Најдобар фудбалер: Бесарт Ибраими (ФК Шкендија)
Најдобиот репрезент на македонскиот фудбал: Илија Несторовски(ФК Палермо, Италија)
Најдобар тренер: Благоја Милевски
Специјална награда: Фудбалска репрезентација на Македонија, играчи до 21 година
Најдобар стрелец во ПМФЛ: Бесарт Ибраими (ФК Шкендија)
Фер-плеј екипа: ФК Хоризонт Турново
Најдобар судија: Димитар Мечкаровски
Најдобар играч во футсал: Игор Леовски (КМФ Железарец)
Најдобар тренер во футсал: Иван Божовиќ (КМФ Железарец)
Најдобар фудбалер во младинска категорија: Елиф Елмас (ФК Работнички)
Признание за животно дело: Љбисав Иванов-Ѕинго
Најдобар фудбалски работник: Сергеј Самсоненко (ФК Вардар)
Најдобар клуб во младинска категорија: ФК Вардар
Најдобар тренер во младинска категорија: Југослав Тренчовски (ФК Академија Пандев)
Најдобар стрелец во младинска категорија: Александар Мишов (ФК Академија Пандев)
Најдобра фудбалерка: Теодора Димовска (ЖФК Драгон)
Најдобар тренер во женски фудбал: Илија Мандаров (ЖФК Драгон)
Најдобар стрелец во женски фудбал: Афродита Салихи (ЖФК Драгон). крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.