Домашен
Металург посакува победа против Шафхаузен
Ракометарите на Металург против Кадетен Шафхаузен, ќе ја отворат сезоната на домашен терен во Лигата на шампионите. Двата тима, минатиот викенд, со порази стартуваа во Д групата, Металург загуби во Украина од Мотор Запорожје (24:30), додека Шафхаузен загуби како домаќин од норвешки Елверум (30:31).
Поразот на Шафхаузен во првото коло тоа дополнително ќе му ја отежни работата на Металург, бидејќи според тренерот Лино Червар, швајцарскиот тим во Скопје ќе бара рехаблитација за тој пораз.
„Ние нема со бело знаме да излеземе на овој меч. Сигурно дека добар резултат ќе биде добар за самодовербата и ќе биде добро доколку добиеме поддршка од публиката која многу ќе им значи на овие момци“, рече на прес конференцијата тренерот на Металург.
Тој информира дека Шафхаузен е цврст тим, кој форсира зона 6-0 во одбраната, додека играта во нападот најмногу зависи од соработката помеѓу Унгарецот Часар и и пивотот Кох.
„Имаме еден млад тим, колку и да сме млади секогаш сакаме да победиме. Нема да ни биде лесно особено во Лигата на шампионите, каде 80 отсто од тимот го сочинуваат млади играчи од 19, 20, 21 година. Добро е за нас што оваа сезона преку недела играме и во домашното првенство. Добар тим кој е најголем авторитет во швајцарскиот ракомет. Австриецот Мариновиќ им е голман, Линегер е добро крило, многу е опасен пивотот Кох кој одлично соработува со средниот бек Часар, кој е мозок на тимот. Играат 6-0 во одбраната, ги трениера поранешниот германски репрезентативец Бауер.
Слично како и тренерот Червар и Жарко Пешевски најави дека тој и соиграчите ќе го дадат максимумот за да стигнат до триумф.
„Ние сме подготвени за овој меч, имаме добра атмосфера во тимот. Максимално мотивирано и борбено ќе влеземе во овој меч, кој многу ни значи бидејќи е прв на домашен терен. Посакувам да имаме добра поддршка од трибините“, рече капитенот на Металург.
Дуелот помеѓу Металург и Кадетен Шафхаузен ќе се одигра во сабота (17:30 ч), во арената „Борис Трајковски“. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.