Домашен
Червар: За некого сум непожелен во Македонија
Тренерот на Металург, Лино Червар, одговори на шпекулациите дека е кандидат за клупата на унгарскиот шампион Веспрем, кој во неделата му врачи отказ на Шпанецот Антонио Карлос Ортега.
Некои медиуми шпекулираа дека Червар сам се понудил за работа во Веспрем, а во понеделникот спортскиот портал од Унгарија „nemzetisport.hu“, објави дека хрватските трнери Славко Голужа и Лино Червар се најсериозните кандидати за тренерската позиција во клубот.
„Немав ниту еден официјален разговор со никого од ракометниот клуб Веспрем, се колнам во моите деца, ниту еден разговор“, рече Червар.
Червар смета дека тој и неговата работа му пречат на некого во Македонија, па поради тоа некој води валкана кампања против него.
„Некој ме има земено на ‘заб’, како да сум вишок тука во Македонија, како да му пречам на некого, или, пак, можеби некој се плаши од мене. Ниту мене, ниту на моето семејство не ни е драго што започнаа да ме прислушуваат, да ми се гледа во џебот. Мислев дека тоа не е можно, мислев дека тоа беше можно во старата Југославија, да се прислушува, да се гледа кој што има. Уште ќе испадне дека јас сум без конкуренција најбогатиот човек во Македонија, дека сум единствениот кој не плаќа данок. Наводно додека играчите не примале плата, јас сум ја добивал, па се сетив на Черчил кој рекол: „Лагата ќе обиколи половина од светот додека вистината ги облече панталоните.“ По се што се случи нема да коментирам, некој сака да го извалка моето име во мојата земја и по цела Европа“, рече Червар.
Предводникот на Металург дополни дека ‘вистината е на негова страна’ и дека многу му значи поддршката која ја добива од вистинските пријатели.
„Само ќе ви кажам што ми напиша мојот поранешен играч Киро Лазаров, јас му бев првиот тренер кога тој замина од Македонија: „Вистината е како лав. Ти немаш потреба да се бориш за вистината, опушти се, таа сама ќе се одбрани“. Значи ми преостанува да верувам во Свети Аугустин, да верувам во Бога и во вистината. Имам освоено седум медали, два пати ја предводев репрезентацијата на светот, јас кој сум освоил 24 титули во четири различни држави и јас треба да му се нудам на некого“, заврши Червар. крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.