Домашен
Раца не знае кои играчи ќе одговорат на повикот
Македонската кошаркарска репрезентација во понеделник од 19 часот ќе ги започне подготовките за квалификацискиот циклус за пласман на Европското првенство во 2017 година.
Селекторот на репрезентацијата Драган Раца на списокот играчи со кои планира да ги започне подготвките има 18 кошаркари, но и самиот во овој момент не е сигурен кој ќе се јави на првата прозивка. Сигурно е дека на првиот собир ќе го нема Марко Симоновски кој има повреда на грбот, односно Перо Антиќ и Предраг Самарџиски.„Денеска е првиот тренинг и ќе видиме каква е ситуацијата. Ние им испративме повик на сите за кои мислиме дека можат да помогнат. Ќе видиме кој ќе дојде, не можам однапред ништо повеќе да кажам. Менаџерот на Антиќ контактираше со Федерацијата која, пак. оствари контакт со неговиот клуб. Знам дека менаџеорт на Антиќ испратил некакво писмо во Федерацијата. Значи оставивме тоа да го заврши Федерацијата. Разговарав со менаџерот на Самарџиски, тој не оствари никаков контакт, само усно преку некои пријатели разбравме дека тој има проблеми со некаква повреда“, рече селекторот Раца.„Јас очекувам да дојдат играчи кои сакаат да настауваат за својата земја, и претходно кажав дека нема никого да молиме. Тоа требе да биде некаков таргет и модел за во иднина. Јас нема да влегувам во тоа кој дошол или не, нема да се мешам во тие работа. Мислам дека за секој спортист е чест да настапува за својата држава. Од денеска нема да споменам ниту еден играч кој не дошол и не сакам да добивам прашања на таа тема“, порача селектрот.Кога станува збор за странецот кој ќе настапува за Македонија, Раца и неговиот тим одлуката ќе ја донесе откако ќе види кои македонските играчи ќе се појават на подготвките. „Во најтесниот избор го имавме Квинси Милер, но тој се повреди. Имавме контакт со разни играчи. Нам ни беше важно да видиме кои од македонските играчи ќе играат, па потоа да донесеме странец на позиција на која најмногу ќе ни биде потребен. За ден-два ќе знаеме кој странец ќе биде повикан“, рече македонскиот селектор.За првиот собир Раца испрати повик до следниве играчи:Александар Костоски, Војдан Стојановски, Дамјан Стојановски, Марко Симоновски, Димитар Мираковски, Андреј Магдевски, Адем Мекиќ, Димитар Караџовски, Стојан Ѓуроски, Бојан Крстевски, Кирил Николовски, Бојан Трајковски, Марјан Јанески, Ѓорѓи Чековски, Перо Антиќ, Љубомир Младеновски, Педраг Самарџиски, Марко Дујковиќ./крај/мф/нц
Извор: макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.