Домашен
Ракометарите започнаа со подготoвките, Червар бара дисциплина и ентузијазам
Селекторот Лино Червар со македонските ракометари, во вторникот, ги започна подготoвките за Светското првенство кое на 11 jануари наредната година ќе почне во Франција.
Драстично подмладениот македонски тим, со 12 дебитанти, првата фаза на подготoвките за настап на Мундијалот ќе ја спроведе во Маврово. Ракометaрите десет дена ќе бидат во овој зимски центар каде најмногу ќе работат на физичката подготвеност.
Во оваа прва фаза Червар на располагање ќе има 22-ца играчи, а подоцна на подоготвките ќе се приклучат Дејан Манасков и Филип Миркуловски, кои ќе доцнат поради обврските кон своите екипи во Бундеслигата.
„Доколу успееме да се пласираме во втората фаза тоа ќе биде голем успех. Играме со Тунис кој не растури во Полска, со Словенија која беше четврта на ОИ, играме со Шпанија која сигурно ќе атакува на медал и Исланд, што значи пласман меѓу четирите во групата ќе биде голем успех. Меѓутоа мораме позитивно да размислуваме. Пред се треба добро да се подготвиме (физички, психички, тактички) да покажеме едно ново лице, да бидеме посилни. Имаме многу дебитанти, што значи дека нема да ни биде лесно на СП. Но не е добро во овој момент да размислуваме за тоа, сега е најважно да се подготвиме добро, да имаме дисциплина и ентузијазам“, изјави пред заминувањето за Маврово македонскиот селектор.
Репрезентацијата на Маврово ќе остане до 30 декември, а по паузата поради новогодишните празници подготовките ќе продолжат во Скопје, за кога се предвидени и контролни натпревари со Босна и Херцеговина.
„Играме три средби со БиХ. Мислам дека тоа е најдобро во овој момент, бидејќи мораме овие млади играчи да ги вклопиме во тимот, значи мора да направиме тим. Јас секогаш говорам дека тимот е најдобриот играч, мора да ја подобриме хемијата помеѓу искусните и младите играчи и сите заедно се бориме“, изјави Червар.
Македонија на СП во Франција натпреваирте ќе ги игра во Мец, а прв противник на стартот е Тунис на 12 јануари. Во групата уште се и Шпанија, Исланд, Словенија и Ангола.
Списокот на Червар за подготвките:
Благојче Трајковски, Даниел Ѓорѓески, Дејан Манасков, Гоце Ојлески, Гоце Георгиевски, Стојанче Стоилов, Жарко Пешевски, Никола Маркоски, Филип Лазаров, Кирил Лазаров, Влатко Митков, Филип Талески, Стефан Дрогришки, Велко Маркоски, Мартин Поповски, Бојан Маџовски, Марко Нелоски, Филип Миркуловски, Мартин Велковски, Ласко Андоновски, Ристо Арнаудовски, Мартин Манасков, Кирил Колев, Јовица Младеновски. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.