Домашен
Раул и Карачиќ: Одлична атмосфера, жалиме што не победивме
Ракометарите на Вардар посакуваа било каква победа против Веспрем, во првиот четвртфинален меч во Лигата на шампиони, но на крајот во последниот европски меч сезонава на домашен терен запишаа пораз 26:29.
Вардар кога не требаше го одигра најлошиот меч оваа сезона. Заштитниот знак на „црвено црните“, одбраната, не функцинираше, голманите немаа свој ден, а нападите се завршуваа на индивидуален квалитет.
„Честитки до Веспрем одиграа одчно. Ние бевме добри во првите петнаесетина минути, потоа Веспрем влезе во ритам. Ние имавме проблем во нападот, не можевме да постигнеме гол, што тие го искористија и направија предност од пет гола. Во второто полувреме покажавме карактер, успеавме да се вратиме, имавме шанса и за пресврт, но Веспрем не ни го дозволи тоа. Жал ми е за навивачите кои создадоа одличан атмосфера, бидејќи не успеавме да им се оддолжиме со победа. Сега треба да го заборавиме овој натпревар и да се фокусираме на реваншот, да пробаме да направиме чудо“, рече на прес конференцијата по натпреварот вардаровиот тренер Раул Гонзалес.
Жалење што не успеале со победата да им се оддожат на навивачите изкажа и Игор Карачиќ, кој одигра добро второто полувреме, во кое ги постигна шестте гола.
„Најмногу му и жал за навивачите, дадовме се од себе, се боревме, но имавме еден лош период кога им дозволивме да се „одлепат“. Промашивме премноги зицери во првото полувреме, нивните голмани бранеа добро. Верувам дека многу подбри ќе бидеме во реваншот“, рече Карачиќ.
Реваншот, по кој ќе биде познат патникот на завршниот турнир во Келн ќе се одигра наредната сабота во Веспрем. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.