Спорт
Каков татко, таков син! Реми Гарднер е новиот Мото2 шампион

Возачот на Ред бул КТМ, Австралиецот Реми Гарднер ја освои Мото2 титулата по последната трка во Валенсија, збогувајќи се со „средната“ категорија во Мото ГП шампионатот со трофеј пред преселбата во елтината класа.
23-годишниот Реми Гарднер е син на Вејн Гарднер, 500сс светскиот шампион од 1987 година, кој стана првиот Австралиец со Мото ГП круна. И неговиот брат, Лука Гарднер e професионален тркач, кој учествува во дирт-трките во Австралија.
Шпанецот Раул Фернандез победи на последната Мото2 трка, но на Гарднер му беше доволно и деветтото место за да стане шампион. Фабио ди Џанантонио заврши како втор, а Арон Кане беше трет.
A lovely embrace between father and son ❤️@TheWayneGardner congratulates @GardnerRemy ?
#RemyRules ?♂️| #ValenciaGP ? pic.twitter.com/zbbabPLwPQ
— MotoGP™? (@MotoGP) November 14, 2021
Let's get the party started!! ?@GardnerRemy waves the Australian flag with a nice golden number 1 on the front! ?
#RemyRules ?♂️| #ValenciaGP ? pic.twitter.com/G8cdsUiEyv
— MotoGP™? (@MotoGP) November 14, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Халанд: Ужасна и здодевна сезона

Фудбалерот на Манчестер сити, Ерлинг Халанд, смета дека тековната сезона не е задоволителна за тој клуб.
Сити ќе се обиде да освои барем еден трофеј, оној во ФА Купот, во сабота во 17:30 часот ќе игра во финалето против Кристал Палас.
„Оваа сезона беше тешка. Не е убаво да се изгубат толку многу натпревари. Досадно е, не е забавно. Затоа мора добро да ја завршиме сезоната и да освоиме трофеј. Добра навика е да се стигне до „Вембли“, секогаш е важно да се освојуваат трофеи. Во една ужасна сезона ќе играме во финалето на ФА Купот“, изјави Халанд за Би-Би-Си и додаде:
„Кога ќе освоите четири титули по ред, а не ја освоите петтата, тоа значи дека сезоната не била успешна. Тоа е стандардот што го поставивме. Не се снајдовме добро во лигата, но сепак се надеваме дека ќе се квалификуваме за Лигата на шампионите.“
Халанд се приклучи на Сити од Дортмунд во јуни 2022 година за 51,2 милиони фунти, а неговите голови им помогнаа да освојат две титули во Премиер лигата, Лигата на шампионите, ФА Купот и Европскиот Суперкуп.
Спорт
Антонели целиот клас го носи на трката Имола

Возачот на Мерцедес, Андреа Кими Антонели, изјави дека со нетрпение ја очекува својата прва трка на домашен терен, Големата награда на Емилија Ромања, која е в недела се вози во Имола.
Иако дебитираше во Формула 1 пред само два месеци, Антонели е веќе голема ѕвезда, но сепак оди на училиште. За среќа, обврските околу завршниот испит не го забавија, напротив, десет дена во Мајами ја освои пол-позицијата за спринтот и стана најмладиот освојувач на пол позицијата во историјата, во кој било формат.
„Многу сум среќен, во петок ќе дојдам на патеката директно од дома, во Болоња, ќе спијам во свој кревет. Тој ден е и роденден на мојата помлада сестра, па ќе го прославам со неа. Ќе дојде моето семејство, моите најдобри пријатели, па дури и сите од мојот клас. Бидејќи не можам да одам со нив на екскурзии, помислив да ги доведам да бидат со мене на патеката за време на викендот“, рече Антонели.
Во тековниот дел од сезоната, Антонели освои 48 бода, а неговиот најдобар резултат е четвртото место на неговото деби во Австралија. Интересно е што младиот Италијанец моментално има 45 бода помалку од соиграчот Џорџ Расел, но седум повеќе од Хамилтон.
Акцијата на патеката „Енцо и Дино Ферари“ е на програмата од петок до недела, а Големата награда на Емилија Ромања е прва во серија од три трки по ред, бидејќи по следните недели веднаш следат трките во Монако и Каталонија.
Спорт
„Мртва трка“ за титулата најдобар стрелец

Исклучително возбудлив станува финишот на трката за трофејот за најдобар стрелец во националните шампионати, кој на лауреатот ќе му ја донесе „Златната копачка“.
Тројца се издвоија: Виктор Ѓокерес (Спортинг), Килијан Мбапе (Реал Мадрид) и Мохамед Салах (Ливерпул).
Шведскиот напаѓач е далеку пред конкурентите по бројот на голови, постигна десет повеќе од двајцата во првенството оваа сезона (38), но тие се речиси изедначени по бројот на поените.
За потсетување, во конечниот вкупен резултат се пресметува и коефициентот на лигата од која доаѓа фудбалерот. Како што е познато, коефициентот на португалското првенство е помал во споредба со најсилните лиги во Европа, меѓу кои се шпанската Ла Лига и Премиер лигата, па оттука Швеѓанецот нема убедлива предност во оваа трка.
Ѓокереш има само еден поен повеќе од напаѓачот на Реал.
До крајот на сезоната, Ѓокерес има уште еден натпревар, Мбапе има уште два (Севилја и Реал Сосиедад), колку што има и Салах (Брајтон, Кристал Палас) и ќе биде навистина интересно да се види како ќе заврши оваа битка.
Зад споменатите, без шанси да се приклучат во трката, се Хари Кејн, Роберт Левандовски, Матео Ретеги…
Најдобри стрелци во Европа:
1. Виктор Ѓокерес (Спортинг, 38 гола) – 57 поени
2. Килијан Мбапе (Реал Мадрид, 28) – 56
3. Мохамед Салах (Ливерпул, 28) – 56
4. Хари Кејн (Баерн, 25) – 50
5. Роберт Левандовски (Барселона, 25) – 50
6. Матео Ретеги (Аталанта, 24) – 48
7. Александер Исак (Њукасл, 23) – 46
8. Мика Биерет (Штурм/Монако, 22) – 42,5
9. Усман Дембеле (ПСЖ, 21) – 42
10. Ерлинг Халанд (Манчестер сити, 21) – 42