Контакт

Меѓународен

Фудбалот се враќа во својата татковина

Објавено пред

Годинешното Европско првенство во фудбал, кое ќе се оддржи од 11 јуни до 11 јули, по многу што ќе биде единствено првенство во однос на претходните. Најкрарактеристично е бројот на учесници – дури 24 репрезентации, и првпат во 60-годишната традиција на организирања на првенствата домаќини ќе бидат дури 12 града. Тоа се: Амстердам, Баку, Севиља, Букурешт, Будимпешта, Копенхаген, Глазгов, Лондон, Минхен, Рим и Санк Петербург. Нефудбалски куризотет е што првенството ќе се одржува во 2021 година, меѓутоа ќе се вика Еуро 2020. Причината е позната – поради пандемијата на Ковид, шампионатот е одложен за една година.

dobivaj vesti na viber

Без потценување на другите групи и репрезентации, се чини дека најинтересно ќе биде во Лондон. Најпрвин во групните натпреварувања, ова е групата Д, за која важи епитетот повеќе од фудбал. Ривалството на репрезентациите првин се гледа во главниот конкурент на домаќинот Англија за освојување на првото место во групата, а тоа е светскиот вицешампион Хрватска. Овие две репрезентации имаат повеќегодишна традиција на меѓусебни ривалства, понекогаш со многу шокантни резултати. Вкупно имаат одиграно 10 меча, од кои во три победник била Хрватска, два завршиле нерешено, а во пет меча победила Англија. Највисоки победи остварила Англија во квалификациите за Светското првенство во 2008 година победувајќи 4-1 и во 2009 со 5-1. Хрватска се реванширала на последното Светско првенство во фудбал во Русија победувајќи со 2-1, како и во кваификацииите за Европското првенство во 2006 година кога победила со 2-0.

Дополнителна фудбалски, но и вонфудбалски шарм на оваа група ѝ дава пласманот на репрезентацијата на Шкотска. Поголемо меѓусебно ривалство на Шкотска со Англија и Хрватска нема традиција бидејќи тоа се репрезентации од разни барабани според квалитет, меѓутоа политичките констелации, кои се надвиснати над британскиот остров, најавуваат дека натпреварот помеѓу Англија и Шкотска ќе претставува повеќе од игра. По парламентарните избори на 6 мај во Шкотска, на кои победи Шкотската национална партија и најавата за втор референдум за независност, на кој централната влада во Лондон се спротивставува и најавува дека нема да го дозволи, овој меч добива и вонфудбалски конотации. Доколку организаторот имаше мало опуштање по елиминацијата на Србија и пропуштената можност да се сретне со Хрватска на „Вембли“, полоша замена за тој натпревар од натпреварот помеѓу Шкотска и Англија не можела да замисли.

Во групата најрастоварена од вонфудбалски мотиви за игра е Чешка, што можеби е и предност за оваа репрезентација да прикаже добар фудбал и да стигне до самата завршница, особено ако се знае историјатот на Чешката фудбалска репрезентација, која отсекогаш била поуспешна на европските првенства отколку на светските. Така, во 1996 година, и тогаш играјќи во Англија на ЕП, Чесите играле во финалето, кое го загубиле од Германија со 2-1. Во 2004 година, на првенството во Португалија, Чешка го освоила третото место победувајќи ја во малото финале Данска, а пред тоа Германија и Холандија. Ваквите резултати ја прават Чешка фаворит од сенка во групата, но и на целото првенство.

Дополнителна фудбалска магија на оваа група ѝ го дава и местото каде што ќе се играат повеќето натпревари. Тоа е колепката на светскиот фудбал – стадионот „Вембли“. Овој стадион со капацитет од 90.000 седишта е комплетно реновиран во 2007 година и е седиште за англискиот национален тим. Освен групните натпревари, на овој стадион ќе се играат и полуфиналните натпревари, како и финалето на 11 јули, кое ќе биде и второ финале на „Вембли“ по она во 1996 година. За разлика од другите светски стадиони, кои го предаваат победничкиот трофеј на самиот терен, на „Вембли“ се предава пехарот во т.н. кралска кутија (Royal Box) на средината на северниот дел.

Фасцинантниот полукружен лак на стадионот „Вембли“ е најдолгиот и единствен покрив над покрив на светот, со висина од 315 метри над стадионот. Куриозитет е што финалето на „Вембли“ ќе се игра в недела, на 11 јули, во 20 часот, истиот ден, само пет часа подоцна кога традиционално се игра и машкото финале на тенискиот турнир Вимблдон. Бидејќи Англичаните многу држат до традицијата, уште од сега е јасно дека никакво поместување на термините нема да има.

„Топ спорт“ и „Макфакс“ планираат да имаат свој известувач од овие два врвни спортски настана.

25.5.2021, од Лондон Ненад Живановски



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Меѓународен

Утре почнува тенискиот турнир во Вимблдон

Објавено пред

Од специјалниот известувач од Вимблдон

dobivaj vesti na viber

Во понеделник во Лондон започнува 135-то издание на најстариот тениски турнир Вимблдон, кој, многумина тенисери, го сметаат и за неофицијално светско првенство. Во наредните две седмици, најдобрите светски тенисери и тенисерки ќе се обидат да триумфираат во некоја од петте категории: машка, женска, игра во двојки и микс двојки.

За главен фаворит за освојување на третиот овогодишен гренд-слем турнир се смета минатогодишниот победник, Србинот Новак Ѓоковиќ, а, после него, ланскиот финалист, Италијанецот Матео Беретини. Вториот носител на турнирот, и освојувачот на двата овогодишни гренд-слемови, Рафаел Надал, доста е потценет од букмејкерите и се смета за трет кандидидат за победник на турнирот. Својот напад на седмата вимблдонска титула и 21-от гренд-слем, индиректно го најави и Новак Ѓоковиќ во изјавата за Макфакс и Топспорт дека е задоволен како му поминале подготовките, дека тие биле со ист квалитетни како и минатата година и дека се надева дека далеку ќе стигне на турнирот.

Наспроти очекувањата, како и секоја година, можни се изненадувања и некој од фаворитите да биде елиминиран од послабо рангираните тенисери, особено во првата седмица од мечевите. Таков неславен пример на последните два Вимблдона беше грчкиот тенисер Стефанос Циципас, кој, иако доаѓаше на турнирот рангиран меѓу првите десет тенисер, испаѓаше уште во првото коло. Шанса за успех за тенисерите од сенка да направат изненадување се гледа и во одлуката на организаторот да не им дозволи да настапуваат претставниците од Русија и Белорусија, така што првопласираниот на АТП листата, Русинот Даниел Медведев нема да биде присутен на зелените терени, исто као и второпласираниот, Германецот Александар Зверев, кој, поради повреда во полуфиналето на Роланд Гарос, исто така, ќе биде отсутен. Иако далеку од некогашната форма, своја желба да игра во финалето, најави и миленикот на домашната публика Енди Мареј.

Во женска конкуренција, најмногу шанси ѝ се даваат на првата тенисерка на светот Иги Швојтек од Полска, додека далеку зад неа се шампионката од 2019., Романката (со македонски корени), Симона Халеп и седмократната победничка на Вимблдон, Серана Вилијамс од САД. Женската конкуренција е далеку понепредвидлива од машката, така што можни се непредвидливи мечеви уште од првиот ден, па до самото финале.

Како и минатата година, единствен претставник од С. Македонија ќе биде осумнаесетгодишниот Калин Ивановски, кој ќе настапи во јуниорска конкуренција.

Наградниот фонд оваа година е зголемен на рекордни 40,35 милиони фунти, што е за 11 посто повеќе од 2021., кога тој изнесуваше 38 милиони фунти. Победниците во поединечна машка и женска конкуренција ќе добијат по два милиони фунти (2,35 милиони евра). Паричната награда е и единствеата сатисфакција за играчите, бидејќи оваа година асоцијациите АТП и ВТА нема да доделуваат поени на тенисерите и тенисерките, поради одлука на организаторите на Вимблдон да им забранат учество на натпреварувачите од Русија и Белорусија.

Од најпрестижниот тениски турнир ќе известуваат околу 550 новинари од над 50 земји. Како и на Вимблдон во 2019. и 2021., и оваа година Макфакс и Топспорт ќе имаат свој известувач од сите четиринаесет дена додека се одржува турнирот.

Ненад Живановски

Прикажи повеќе...

Меѓународен

Бугарски фудбалер со нагмечен череп по судир на репрезентативните автобуси во Грузија

Објавено пред

Бугарскиот фудбалер Тодор Неделев е тешко повреден во сообраќајна несреќа која неговата репрезентација ја доживеа синоќа во Тбилиси, Грузија.

dobivaj vesti na viber

На пат кон хотелот во Тбилиси, во пресрет на натпреварот меѓу Грузија и Бугарија во Лигата на нации, еден автобус на бугарската репрезентација удрил во друг поради преголемата брзина и лизгавиот коловоз.

Со предниот десен крај, тој удрил во задниот дел од автобусот пред него, при што черепот на Неделев бил нагмечен, па тој бил итно пренесен во болница. Според првичните информации, фудбалерот е надвор од животна опасност и лекарите веруваат дека ќе закрепне.

Во 3. коло од Лигата на нации, Бугарија сензационално испушти бодови од Гибралтар играјќи 1:1. Репрезентацијата потоа отпатува за Грузија, каде утре треба да игра против тамошната репрезентација, но доживеа несреќа која веројатно нема го одложи натпреварот.

Прикажи повеќе...

Меѓународен

Почнува 3. сезона на Twingo Cup

Објавено пред

Единственото натпреварување во кое македонски возачи ќе се испробаат на вистински тркачки патеки во Европа, Twingo Cup викендов ја почнува третата сезона. Возење со подеднакво подготвени возила и шест различни европски патеки се предизвик за деветтемина Македонци кои од април до октомври ќе се борат за титулата на сезоната, која вклучува и парична награда, но и за главната награда – електричниот автомобил Renault Twizzy што ќе го добие најдобриот возач од сите три сезони.

dobivaj vesti na viber

Twingo Cup им нуди можност на натпреварувачите да ги покажат своите возачки способности и да уживаат на патеката. Покрај за Twingo Cup во кое има засега 33 пријавени возачи, истите трки ќе се бодуваат и за FIA CEZ првенството, и за националните првенства на Словенија и на Македонија, а трофеи ќе им бидат доделени и на најдобрите во категоријата „Junior“ за возачи до 23 години, како и категоријата „Gentlemen“ за возачи над 40 години.

Организаторот Aутомотив Груп и АКК Рено Спорт Скопје сезонава ќе им овозможат на возачите да имаат вистински предизвик со учество на патеки на кои се вози и Формула 1, а Twingo Cup ќе биде придружен дел од тркачките викенди на одредени патеки каде исто така ќе се возат трки од различни серии.

„И покрај тешките времиња пред се поради короната, успевме да организираме две сезони од Twingo Cup. Секоја сезона одиме чекор напред, следејќи ги амбициите на нашите натпреварувачи. Учиме како клуб, како организатор и како натпреварувачи и секоја сезона сме се подобри. Twingo Cup е подеднакво и натпреварување, и дружење и забава. Најважно е што можеме да покажеме, а и досега покажавме дека и во овој спорт имаме и таленти и зрели возачи. Сезонава првпат ќе возиме на патеки како што се Ред Бул Ринг, Брно и Монца. Тоа се нови предизвици за нашите натпреварувачи, за нивните можности и чекор напред во нивната афирмацијата, но и на македонскиот авто спортот надвор од државата. Ги знам добро и верувам во момците кои ги управуваат овие ‘мали количиња’ дека имаат квалитет да се носат со конкуренцијата. Голема благодарност и до спонзорите Аутомотив Груп, С-лизинг, ПСС, Триглав и Агенцијата з амлади и спорт кои не следат во оваа европска авантура на Twingo Cup“, вели Зоран Калеников, организаторот на Twingo Cup.

Од пријавени се 33 возачи од шест држави во Twingo Cup, најбројни се оние од Словенија, а од Македонија ќе има девет возачи. Ќе има и возачи од Србија, Италија, Чешка и Австрија.

Во првенството на Македонија ќе се борат девет возачи. Петмина се членови на АКК Рено Спорт Скопје, двајца се од Свифт рејсинг, и по еден член имаат АКК Проспорт и АКК Сити Скопје. Ќе има и двајца дебитанти кои ќе возат на познатите патеки во Европа заедно со другите натпреварувачи. Тоа се Борис Стојменов и Мурис Хамзиќ, кои ќе бидат во возила на AKK Рено Спорт Скопје.

Актуелен првак во Automotive Twingo Cup за 2021 година е Давид Малинковски кој лани освои 122 бода и победи на четири од вкупно осум трки, а шестпати беше на пиедесталот. Лани имаше петмина различни победници на трките од Automotive Twingo Cup.

Натпреварувачи во Automotive Twingo Cup

Борис Стојменов – АКК Рено Спорт Скопје
Ненад Костовски – АКК Рено Спорт Скопје
Ангелче Стојковски – Свифт Рејсинг
Давид Малинковски – АКК Рено Спорт Скопје
Владимир Тренески – Свифт Рејсинг
Слободан Трајковски – АКК Рено Спорт
Зоран Мираковски – АКК Проспорт
Марко Блажевски – АКК Сити Скопје
Мурис Хамзиќ – АКК Рено Спорт

Сезонава планирано е да се возат вкупно 12 трки на шест патеки во Европа. Twingo Cup ќе се вози на познатите Ф1 патеки во Унгарија, Австрија и Италија, како и на патеките во Централна Европа каде заедно во ист тркачки викенд ќе се возат и трки од TCR Eastern Europe, FIA CEZ, FX Series покажувајќи ја сериозноста на организаторите ова натпреварување да биде со сериозни натпреварувачи на познати светски тркачки патеки.

Новата сезона на Twingo Cup почнува на 8 април 2022 година со трка на Хунгароринг, Унгарија, а треба да заврши со трка на уште една Ф1 патека на 30 октомври на Монца, Италија. На секоја патека, вкупно шест, ќе се возат по две трки. Единствено останува да се прецизира точниот датум на трката на Серез, Грција која е закажана за октомври.

Календар на Twingo Cup 2022

8-10 април – Хунгароринг, Унгарија
3-5 јуни – Редбул Ринг, Австрија
23-24 јули – Гробник, Хрватска
9-11 септември – Брно, Чешка
октомври – Серез, Грција
29-30 октомври – Монца, Италија

 

 

(ПР текст)

Прикажи повеќе...

Најново

Европа7 часа

Подољак: Преговори со Русија ќе значат само едно – дека Русија победи

Мировните преговори со Русија ќе значат вистинска загуба на Украина, Европа и демократските вредности, изјавил Михаил Подољак, шеф на кабинетот...

Европа9 часа

Кисинџер: САД се на работ на војна со Русија и Кина по одредени прашања

Поранешниот американски државен секретар Хенри Кисинџер смета дека САД се „на работ на војна“ со Москва и Пекинг, „поради прашања“...

Македонија10 часа

ДУИ: Охридскиот мировен договор ја спаси земјата од идеологиите на уништување и омраза

Демократската унија за интеграција по повод 21-годишнината од потпишувањето на Охридскиот мировен договор, оценува дека тој правен акт кој утврди...

Топ11 час

Скопјанец пукал со пиштол поради сообраќајна расправија па побегнал

Вчера во 11.40 часот во Полициска станица Бит Пазар е пријавено дека во близина на трговски центар на подрачјето на...

Регион12 часа

„Стандард“: Полицијата преговара со Ненад Калуѓеровиќ да се предаде

Според неофицијални информации, наводно се водат преговори меѓу Ненад Калуѓеровиќ и полицијата за да се предаде, бидејќи тој го напуштил...

Економија13 часа

(Видео) Ковачевски: е.GO е инвестиција од 130 милиони евра и 890 нови добро платени работни места

Македонската Влада застапувана и претставувана од Дирекцијата за технолошки индустриски развојни зони и „НЕКСТ.Е.ГО МОБИЛЕ“, денеска во ТИРЗ Тетово потпишаа...

Македонија17 часа

Пендаровски: Клучните придобивки од Рамковниот договор беа зачувување на суверенитетот и на територијалниот интегритет

  Претседателот Стево Пендаровски, по повод одбележувањето 21 година од потпишувањето на Охридскиот рамковен договор со порака: „Пред 21 година,...

Регион18 часа

Ненад Калуѓеровиќ спречил уште пострашно сценарио на Цетиње, тој е убиецот на Вук Бориловиќ

„Новости“ дознава дека убиецот Вук Бориловиќ, кој вчера изврши незапамтен масакр во Цетиње (Црна Гора) немал криминално минато, а бил...

Европа19 часа

Зеленски за визите за Русите: Европа не смее да стане супермаркет во кој не е важно кој влегува

Украинскиот претседател Володимир Зеленски уште еднаш апелираше до земјите-членки на Европската унија да не им даваат визи на граѓаните на...

Македонија19 часа

Дваесет и една година од потпишувањето на Рамковниот договор

На денешен ден во 2001 година беше потпишан Охридскиот рамковен договор, во претседателската резиденција на Водно во Скопје од страна...

Свет19 часа

Писателот Салман Ружди е опериран, не може да зборува и најверојатно ќе го загуби окото

Британскиот писател со индиско потекло Салман Ружди (75) , кој повеќепати беше избоден со нож во вратот и стомакот од...

Македонија1 ден

Пациентот од Кичево суспектен на мајмунски сипаници има негативен брис

Министерството за здравство вечерва информираше дека од Институтот за јавно здравје се информирани дека е завршено испитувањето на брисот земен...

Македонија1 ден

Скопје ја повлече согласноста за почесен конзул на Русија во Битола

Северна Македонија официјално ја извести Русија дека ја повлекува согласноста за формирање Канцеларија на почесниот конзул на Русија во градот...

Регион1 ден

(Видео) Масакр во Цетиње, по семеен конфликт убил 11 луѓе, пукал и во деца

Во населбата Медовина во црногорскиот град Цетиње, во близина на Владата, денеска околу 16 часот загинаа 11 лица, а шестмина...

Европа1 ден

Кличко со критики за Шолц за издавањето визи на Русите

Градоначалникот на Киев, Виталиј Кличко го критикуваше германскиот канцелар Олаф Шолц поради неговото одбивање да престане да издава визи за...

Економија1 ден

Во јавните згради во Германија ќе се дозволи греење до максимални 19 степени Целзиусови

Германскиот министер за економија Роберт Хабек денеска најави нови регулативи кои ќе се однесуваат на заштеда на енергија поради страв...

Свет2 дена

Пекинг ја предупреди Америка: Борбата против повеќе од 1,4 милијарда Кинези нема да заврши добро

Бoрбата на Соединетите Американски Држави против повеќе од 1,4 милијарда Кинези нема да заврши добро, изјави кинескиот министер за надворешни...

Македонија2 дена

Ќучук: Преговорите на Северна Македонија со ЕУ ќе почнат по завршување на скринингот

Процесот на преговори меѓу ЕУ и Република Северна Македонија сè уште не е почнат бидејќи се чека да заврши скринингот,...

Македонија2 дена

(Видео) Стојаноска: Како и со Ковид-19, така и со мајмунските сипаници власта се однесува неодговорно

Во Македонија, со власта на СДСМ и ДУИ, се случува тотален распад на системот. Земјава, од сите земји во регионот,...

Топ2 дена

Мотоциклист почина во сообраќајна несреќа во Кочани

Синоќа, во 18.55 часот, било пријавено дека на експресниот пат во изградба, Кочани – Крупиште, кај клучката за с. Спанчево,...