Најдобар кошаркар во 20 коло на кошаркарската Евролига без дилеми е Шејн Ларкин од Анадолу Ефес.

Ова е третпат во низа сјајниот кошаркар да е МВП на колото, што на ниту еден друг кошаркар претходно не му успеало.

Сезонава Ларкин го сруши рекордот по бројот на постигнати поени на еден меч. Во 11 коло против Баерн постигна 49 поени, тогаш погоди 10 тројки од 12 обиди. Тогаш првпат беше МВП сезонава.

Во 18 коло, против Барселона уфрли 26 поени, во 19 коло против Армани броеше до 23, а во последново коло, на Асвел му даде 29 поени. Освен поените, доминираше и со 7 асистенции, 6 скока и 7 изнудени фаули, за вкупно 45 индексни поени.

Покрај Ларкин кој сезонава има 4 МВП признанија во Евролига, ист учинок има и кошаркарот на ЦСКА Москва, Мајк Џејмс.

Нов неуспех на шпански Леванте на домашен терен, пораз од 1-0 од Алавес во рамки од 20. коло на шпанската Ла Лига.

Домаќините беа фаворити на хартија пред натпреварот, но не успеаја да го пронајдат патот до противничката мрежа.

Првото полувреме не понуди допадлив фудбал, па во вториот дел двете екипи заиграа поофанзивно за да стигнат до бодовите.

Алавес изведе добра тимска акција која со гол во 64 минута ја круниса Алекс Видал.

Македонскиот фудбалски репрезентативец влезе во игра кај Леванте во 55 минута, но ниту тој не успеа да помогне Леванте да не ги загуби бодовите.

По денешниот пораз Леванте останува на 11 позиција, а Алавес е 14-ти со 23 бода, за бегство од опасната зона.

Играчот на Ајакс, Хаким Зијеш призна дека не им верува на луѓето поврзани со фудбалот кој, според него, станал едно големо реално шоу.

Последните недели се шпекулираше со заминување на Зијеш, но засега до тоа не дојде.

„Не сакам луѓе кои се преправаат. Имам сензор на основа на која можам да препознаам кој е искрен, а кој не. Тоа ми е многу важно. Ако некому му верувам, тоа го правам слепо. Во спротивно мислењето на тој не ми е важно. Во фудбалот има многу лажни луѓе, така им верувам само на неколкумина. Се е оба големо реално шоу и станува се полошо. Тоа се кловнови, луѓе кои сакаат да изведат трик. Многумина ме учат што да правам, но јас ќе останам доследен на себе. Не сум загриѓен. Сега сум сконцентриран само на Ајакс, уживам во Амстердам“ – вели 26-годишниот фудбалер.