Домашен
Рајн Некар му возврати на Вардар на негов терен
Откако пред десетина дена ракометарите на Вардар направија голем чекор кон освојување на првото место во Б групата во Лигата на шампионите, со убедлива игра славеа над Рајн Некар Левен со 33:27 во Манхајм, во саботата германскиот шампион се реваншираа во Скопје и славеа со 29-26.
Во осмото коло ракометарите на Вардар не успеаја да ја остварат рекордната победничка низа во Лигата на шампионите, и натаму останува на челната позиција во групата.
Играчите на Рајн Некер Левен уште на самиот почеток од натпреварот покажаа дека во Скопје дошле со намера да се реваншираат за тешкиот пораз од Вардар пред своите гледачи. Сепак, вардарци во првичните моменти кога двете екипи играа со трансформации во одбраните, успеваа да одржуваат минимална разлика. Домашниот тим не успеа да ги искористи моментите кога гостите играа бес исклучениот Гудјен Валур Сигурдсон кога и примија два гола.
Првиот голман на Вардар, Арпард Штербик во првото полувреме можеби ја пружи својата најслаба партија во кариерата и забележа само две одбрани, пред да биде заменет со Страхиња Милиќ. Сепак, по првиот дел ниеден од ривалите не оствари предност и на одмор се замина со резултат 15-15.
Рајн Некар Левен и во второто полувреме започна со силна игра казнувајќи ја секоја грешка на вардарци, и во 37 минута поведе со три голови разлика со 19-16, кое го одржуваше и следните неколку минути. Вардар успеа да намали на 19-21, но потоа на сцената стапи гостинскиот голман Микаел Аплегрин што доведе до најголемото водство на Рајн Некар од плус шест (19-25) во 50 минута.
Во финишот вардарци како да се тргнаа и се обидоа да го спасат мечот, па со три гола во серија стасаа до 25-28, но веднаш беа „оладени“ во следниот напад на Германците и на крајот успеаја само да стасаат до 26-29, што е прв пораз сезонава на Вардар пред своите навивачи.
Жоан Канелјас и Вуко Борозан со по шест голови беа најефикасни во сосатвот на Вардар, далеку под своето ниво на овој меч беа голманите на „црвено-црните“, Штербик остана само со три одбрани, а Милиќ имаше шест. За разлика од нив, Микаел Апелгрин со 14 одбрани и еден одбранет седмерец беше клучниот играч во победата на Рајн Некар Левен, во чии редови најефиканси беа Мадс Ларсен и Харалд Рајнкинд со по седум голови..
Во следното коло од групната фаза во ЛШ, Вардар го очекува уште еден тешок натпревар на гостувањето во Полска против Кјелце на 4-ти декември./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.