Аргентинскиот кошаркар Факундо Кампацо официјално стана играч на Денвер Нагетс. Капмацо, во Денвер пристигна од Реал Мадрид. Со „кралскиот клуб“ тој два пати ја освоил Евролигата.

Кампацо, се појави на драфтот во НБА лигата во 2013 година, но тогаш не беше избран од ниту еден клуб. Една година подоцна тој стана член на Реал.

Во изминатите пет сезони одиграл 270 натпревари за Реал, на кои во просек бележел 8,6 поени, 4,5 асистенции и 2,2 скока.

За Аргентина одиграл 63 натпревари. Најголем успех со репрезентацијата му е освојувањето на второто место на СП во 2019 година.

Седумкратниот шампион во Формула 1, Луис Хамилтон, нема да вози на трката за Големата награда на Сахир. Британецот бил позитивен на вирусот Ковид-19. Се очекува неговиот тим Мерцедес, во најкус рок да објави кој ќе вози на патеката во Бахреин.

Хамилтон во неделата победи на трката за Големата награда на Бахреин. Поради коронавирусот, незивесен е неговиот настап и на последната трка во сезоната, Големата награда на Абу Даби.

Британецот ја обезбеди титулата за оваа сезона, тој има 131 поен повеќе од тимскиот колега Валтери Ботас.

Луис Хамилтон е третиот возач од почетокот на сезоната кој е заразен со коронавирусот, претходно заразени со вирусот беа Серхио Перез и Ленс Строл од Рејсинг Поинт. Перез поради вирусот не возеше во Силверстон, а Строл во Германија.

„Лошото момче“ на светскиот фудбал, Марио Балотели, се наоѓа пред трансфер во Васко де Гама. Балотели, од ре-стартот на сезоната нема клуб, откако го раскина договорот со Бреша.

„Овде тој би бил пречекан како да е Марадона“, рекол спортскиот директор на Васко де Гама, Фабио Кордела.

Тој дополнил дека, по Реал Мадрид, Васко де Гама е најтрофејниот клуб во светот и дека сите во клубот би сакале Балотели да игра за нив.

Бразилскиот клуб се уште не може да потпише договор со Балотели, поради што се договараат тој да остане слободен играч и со нив да потпише на 15.декември.

„Засега не можеме да го официјализираме трансферот, но преговараме, разменуваме мејлови. Се имаме договорено, останаа уште некои формалности. Се надевам дека до 15.декември ќе потпишем. На Васко му е потребен играч каков што е Балотели, а на Марио му е потребен клуб каков што е Васко де Гама“, заклучил Кордело.

Марио Балотели е поранешен играч на Интер, Манчестер сити, Ливерпул, Милан, Ница, Олимпик Марсеј и Бреша.