Свет
Азербејџан: Во Нагорно-Карабах загубивме 192 војници
Азербејџан загуби 192 војници за време на минатонеделната воена операција за враќање на контролата врз отцепениот регион Нагорно-Карабах, соопшти азербејџанското Министерство за здравство.
За време на азербејџанските воени операции беа убиени 200 етнички Ерменци, но како дел од постигнатиот договор ерменските борци се согласија да го предадат оружјето.
Нагорно-Карабах, кој е меѓународно признат како дел од Азербејџан, е управуван од етнички Ерменци веќе три децении со поддршка и сојуз на Русија, наведува „Ројтерс“.
По операцијата на азербејџанската армија, речиси 30.000 етнички Ерменци веќе избегаа од Нагорно-Карабах, што е четвртина од ерменското население во овој регион. На единствениот пат што води кон Ерменија, дестинацијата на сите оние што заминуваат од Нагорно-Карабах, камерите снимиле стотици автомобили, јавува Би-би-си.
Официјален Баку вели дека жителите на регионот ќе бидат безбедни, но ерменскиот премиер тврди дека етничкото чистење почнало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кинеската индустрија ќе бара проверка на увозот на свинско месо од ЕУ
Кинеските компании имаат намера да побараат од владата антидампинг истрага за увоз на некои свински производи од Европската унија, пишува државниот „Глобал Тајмс“, повикувајќи се на неименуван извор од деловни кругови.
Извештајот е објавен на платформата Х и во онлајн изданието, без да се наведат детали, пишувааљт медиумите во регионот.
Информациите на изворот за барањето антидампинг давачки за увоз на свинско месо од ЕУ се совпаднаа со зголемените трговски тензии меѓу Европската унија и Кина. ЕУ отвори истрага за увоз на повеќе производи од Кина за да ја заштити домашната индустрија, користејќи за првпат овластувања за проверка на кинеските тендери.
Брисел на тој начин го подготвува теренот за ретроактивни царини за кинеските електрични автомобили, а исто така го проверува увозот на соларни панели и производи од челик, пиѓува медиумот.
Лиу Бин, главен експерт на кинескиот центар за автомобилска технологија и истражување (CATARC) и заменик-директор на Кинескиот истражувачки центар за автомобилска стратегија и политика, изјави за „Global Times“ минатата недела дека Кина треба да ги зголеми тарифите за увоз на големи автомобили од 15 на 25 проценти.
Свет
Русија: Ќе возвратиме на одлуката на Полска за ограничување на движењето на руските дипломати
Русија ќе ги анализира ограничувањата наметнати од Полска за движењето на руските дипломати на нејзина територија и ќе преземе одмазднички мерки, изјави денеска портпаролката на руското Министерство за надворешни работи, Марија Захарова.
„Русија ќе одговори на таков начин што на русофобичното полско раководство ќе му биде многу жал“, рече Захарова, пренесе ТАСС.
Полскиот министер за надворешни работи Радослав Сикорски претходно денеска изјави дека Полска ќе воведе ограничувања за движењето на руските дипломати на нејзина територија поради вмешаноста на Москва во хибридната војна против Европската унија.
Односите меѓу Полска и Русија се затегнати по избувнувањето на конфликтот во Украина во 2022 година, објави Ројтерс.
Варшава ја обвинува Москва и за шпионски активности и саботажа на територијата на Полска.
„Се надеваме дека Руската Федерација ќе го сфати ова како многу сериозно предупредување“, изјави Сикорски за новинарите во Брисел.
Тој додаде дека за оваа одлука ќе биде известена руската амбасада во Варшава и дека ограничувањата за движење важат за сите вработени во амбасадата и конзулатите, освен за амбасадорот, пренесува Танјуг.
Европа
Франција: ученик нападнал професорка со нож на час, се обидел да побегне
Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата БФМ.
Средношколецот по нападот се обидел да побегне, но бил приведен.
Професорката се здобила со полесни повреди на лицето, пренесуваат француските медиуми.
Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.