Европа
Вакцината на „Фајзер“ помалку ефикасна против делта-сојот на коронавирусот, објави Mинистерството за здравство на Израел
Министерството за здравство на Израел објави дека ефикасноста на вакцината на „Фајзер“ е помала против делта-сојот на коронавирусот и дека спречува само 64 проценти од заразата, а заштитата од тешки форми на Ковид-19 останува висока.
Според податоците на Министерството, ефикасноста на вакцината на „Фајзер/Бионтек“ значително се намали во последните неколку недели бидејќи се прошири поагресивниот делта-вид.
Според Министерството, ова е случај и со превенција на симптоматски болести, но вакцината сепак многу ефикасно штити од сериозен тек на болеста и од хоспитализација, и тоа дури со 93 проценти.
Во февруари израелското Министерство за здравство објави дека вакцината на „Фајзер“ спречува Ковид-19 со ефикасност од 95,8 проценти, симптоматска болест во 98 проценти од случаите, а ефикасноста во однос на спречување хоспитализации и смртни случаи е 99 проценти.
Поради високата стапка на вакцинација, Израел има добри резултати во борбата против коронавирусот и иако е регистриран зголемен број новозаразени во последните две недели како резултат на силно заразниот делта-сој, не е пријавена смрт во тој период.
Прелиминарните откритија од друга шкотска студија, објавена во списанието „Лансет“ минатиот месец, покажаа дека вакцината на „Фајзер“ обезбедува 79-процентна заштита од делта-сојот во споредба со 92 процента на оние предизвикани од алфа-сојот.
Истата студија, која ги анализирала податоците за 5,4 милиони луѓе во Шкотска, открила дека вакцината на „Астра зенека“ обезбедува 60 проценти заштита од зараза со делта-видот во споредба со 73 проценти за претходниот доминантен алфа-сој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Британска компанија ги тужи „Фајзер“ и „Бионтек“: Ја украдоа нашата технологија за вакцина против Ковид
Британската фармацевтска компанија GlaxoSmithKline (GSK) денеска поднесе тужба пред федералниот суд во Делавер против американскиот Pfizer и германскиот BioNTech, тврдејќи дека тие ги прекршиле нејзините патенти за технологијата на гласник РНК (mRNA) во нивните вакцини против Ковид-19.
Вакцините Comirnaty на Pfizer и BioNTech ги прекршуваат иновациите на GSK заштитени со патент во mRNA вакцините, развиени „повеќе од десет години пред“ пандемијата на ковид-19, се вели во тужбата.
Патентите ја покриваат технологијата за пренос на нестабилна гласничка РНК во човечки клетки, која научниците почнаа да ја развиваат во 2008 година, а GSK стана сопственик кога го купи бизнисот со вакцини на Novartis во 2015 година, се додава.
Британската компанија бара парична отштета од Pfizer и BioNTech, вклучително и такси за патент, без да наведе износ.
Портпаролката на Pfizer во соопштението нагласи дека компанијата е „сигурна во својата позиција во однос на интелектуалната сопственост поврзана со Comirnaty“ и дека има намера „енергично да се брани“ од тврдењата на GSK. Портпаролот на BioNTech одби да ја коментира тужбата.
Портпаролот на GSK рече дека компанијата верува дека нејзините патенти „ја обезбедуваат основната технологија што се користи во mRNA вакцините на Pfizer и BioNTech против ковид-19“. GSK е „подготвен да ги лиценцира овие патенти под комерцијално разумни услови за да обезбеди пристап“ до вакцините.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.